Paihowa 11:12 - Loina Nuahuana

¹² “Ma Yaluyaluwa Tabuna 'ihegwaegauwa 'igwae, 'Cutoholo ma sahena 'uhehenuwanaluwa, ma tuwa hesi taudi ba'idamwao watauya.’ Ma 'iyadao site sikisi bewa si'wayabugauwa, ma 'atauya Konilio 'ina hada 'aluhuwa.

Paihowa 11:12 Referans Kwoze

Paihowa 8:29

Ma Yaluyaluwa Tabuna Pilipi 'ihegwaeya, “Culomwayamwayau ma 'utauya waga lisilisi 'oina.”

Loma 3:22

'abehega Yehoba mabwaiyada 'i'ahwa dumwaluwegita Yesu Keliso 'ana hemisa 'oinega, ma geya sowana 'eta taiya wete wataha 'i'abi'abihelatu tauda meYudiya ma tomiya ganamuli gamwagamwanida.

2 Tesalonaika 2:2

Ma 'oinega sahena wa'ate'ateyoho, ta 'eguma tomota sigwae, “Bada 'ina latu hilama 'ana tuta bewa,” sahena wahehemisa, ma 'eguma sigwae 'abehega sanapu silobeya 'idi nihiyega bo Yehoba 'ina gwae 'oidiya, bo nuwana taugu 'idi leta yaleleya 'oidiya weyahina,

Paihowa 10:23

Coinega Pita loheloheyaedi 'ibwauwediya, ma hadaina 'oina sihetaumana. Gona 'i'adaleya ma sitoholowa, ta Pita ba'idanao sitauya, ma tupwadi 'iyadiyao Yopa 'oinega ba'idadiyao wete sitauya.

Paihowa 15:9

ma geya 'aigeda wete wataha 'i'abi'abi latuhe, ta 'abehega taudi hagahagadi ma tauda hagahagada, ma hesi taudi sihemiseya gide tauda tahemiseya, ma 'oinega mabwaiyada 'ateda 'i'abihe 'ehaudi.

Paihowa 10:45

ta taudi hali 'enana ma hali 'enana 'oidiyega sigwaegwae ta Yehoba sihehepwatuwe. Ma hesi meYudiya taudi Yesu 'ana tohemisaedi Pita ba'idanao Yopa 'oinega sitauyama, sinuwa pwanopwanowa weyahina si'iteya Yehoba tauna Yaluyaluwa Tabuna 'i'ebwaeya tomiya ganamuli, taudi geya meYudiya 'oidiya. Ma Pita 'ihegwaediya, 'igwae,

Yoni 16:13

Ma hesiyage 'abwa nata Yaluyaluwa Tabuna 'itauyama 'abwa hesi tauna 'ihanugetegomi ginaula mabwaiyana 'ausaladi 'oidiya. Tauna nata geya'abwa 'ina loina 'oinega 'iloiloina, ma hesiyage to'aha gidemusa Tamagu 'oinega 'ihesagoheya nata 'oidiyega 'iloina. Ma wete nata 'ihegwaegomi to'aha 'abwa sauga sinaonaoma 'oidiya silatu.

Madiu 1:20

Ma Yosepa 'ina nuwatuhu 'abwa 'ipaipaihowa, ta 'ina tuta 'enowa nihiyega Yehoba 'ina anelose 'aigeda 'ihegwaeya, 'igwae, “Yosepa, 'owa Debida tubuna, sahena 'unuwanuwagala Meli 'ina gamwa weyahina, beno Yaluyaluwa Tabuna 'oinega, tuwa 'eguma 'utoe mwaneu.

Heꞌitaꞌita 22:17

Yaluyaluwa Tabuna ma tohai mewahinena sigwaeya, “Wanaoma”. Ma taiyawedi 'omi gwae bewa wahesagoheya, 'omi wete wagwae, “Wanaoma.” Ma taudi tani'odi 'iyahala sinaoma, ma taiyawedi taudi nuwanuwadi, nata yawasi we'ahina si'ewa, ma sinuma. Geya 'ana maisamo.

Paihowa 15:7

Ta tupwana sihe'ohe'oheya dudulena. Cigumwala ma Pita 'itoholowa ma 'igwaeya, “Tasigwao, wasanasanapu 'abehega tuta mwalo Yehoba 'oidega taugu 'ihesinuwegauwa, ma 'ahwaguwega tomiya ganamuli tetela bwebwe'ana sihesagoheya, ma sihemisaeya.

Paihowa 13:4

Yaluyaluwa Tabuna 'ihetune pwaidiya ta sidobiya Salusiya, ma wagai sigeluwa ma si'u'e, sihabala bwanabwana Saipilosi 'oina,

Paihowa 13:2

Taudi sitapwatapwalolo ma'idi hudi Yehoba 'oina, ta Yaluyaluwa Tabuna 'ihegwaediya, 'igwae, “Nuwanuwagu Banaba ma Saulo 'igu paihowa 'aigeda weyahina, 'oinega 'omi watagwaledi paihowaina 'oina.”

Paihowa 1:15

Bodaedi 'adi baibaiwa gidemusa wani handeledi ma tuweniti, ma 'aigeda sabwelo 'oina Pita gamwagamwanidiya 'itoholowa ma 'ihegwaediya, 'igwae:

Paihowa 11:13

“Ma loheyaina 'oima 'ihe'ote'otetela, 'igwaeya, 'Mwalo 'aigeda anelose ya'iteya 'igu hada 'alona 'itotoholo ma 'igwaeya, “Konilio, 'ino 'ali'eyao 'uhetunedi Yopa 'oina ma Saimoni tauna sihesaniyeya Pita, sitoeyama,

Paihowa 28:15

Ma tohekalesiyao Loma 'oina tetelima sihesagoheya, ta sitauyama 'edai sihesohotemaiya tupwa Cebegimwane, sanina Apio ma Hada Taumana 'etoi 'oidiya. Ta tutaina Paulo 'iyanaowedi 'ilobediya, Yehoba 'oina 'iloyauwedowa, ma 'i'atepatu.