Paihowa 1:16 - Loina Nuahuana

^16-20 “Tasigwao, mwalo Yaluyaluwa Tabuna Debida 'ina gwae 'i'ebwaeya Yudasa weyahina, ma Buki He'asisi 'oina 'imiyamiya. Yudasaina mwalo mahetedai tahetohepwaila Yesu weyahina, ma hesi 'ida Bada 'itebaeya ta 'i'ebwayaeya Yesu 'ana 'alehao nimadiya. Ta 'aigeda wali Buki He'asisi 'alona Debida 'ina gwae Yudasa weyahina, bewa gide 'igwaeya, 'Cina gogo 'ibisula ma gesowana 'eta taiya loheya 'oina 'imiya.’ Ma wete 'igwaeya, 'Miyalaena tauna 'ina paihowa 'i'ewa.’ Coinega 'ilobwaineya 'ilatu gide gwae bewa 'igwae 'ese.” Pita 'ina gwae bewa gide, weyahina Yudasa 'i'amasa pwaiya. Tauna mwalo 'ina paihowa galana 'ana maisa 'i'eweya ma 'aigeda bale'u 'igimwaneya, ta bale'uina 'alona 'ibe'u talutalubu'iya, ta gamwana 'ilosabuweya, ma sinaena mabwaiyana 'ilatuwa ta tetelina meYelusalema mabwaiyadi sihesagoheya, ta 'enadiyega bale'uina sibwauweya “Akeladama,” ma 'ana sanapu “Bale'u Bweyaha.”

Paihowa 1:16 Referans Kwoze

Yoni 13:18

“Cigu gwae bewa geya 'abehega mabwaiyami weyahimi, ma hesiyage taiyawedi taudi yahesinuwana pwaidiya weyahidi yahehegwaegwae. Ma hesi Buki He'asisi 'oina hali loheya weyahina 'ihepwaila, 'ana moisa 'ilatu bwaibwaina tutaina 'igwae, ‘Loheyainaina tauna 'ana ya'ebwa'ebwaeya, tauna tuwa loheyainaina nata 'imiya lohihila ma 'ilo'alehegau.’

Madiu 26:56

Ma hesi bewa gide wapaihowa 'esa ma 'abehega togidega palopitaowedi mwalo weyahigu silelediya ma sauga bewa silatuma.” Eema 'ana tomuliyao mabwaiyadi si'ebesineya ma sidena.

Madiu 26:54

Ma hesi ginaula bewa mabwaiyana silatulatu 'abehega to'aha mwalo Buki He'asisi 'oina silelediya weyahigu silatuwa.”

Madiu 26:47

Cabwa Yesuina 'ihehegwaegwae, ma Yudasaina ma 'ina boda baibaiwadi sihapwesama ma'idi 'ebe 'alehao ma ma'idi wepasi. Weyahina topwaoli madoudi ma tomota 'idi babadao sihewasaedima Yudasa ba'idanao, ma Yudasaina Yesu 'ana tomuliya, sitetuwelo 'aigeda 'oidiyega,

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

Maki 14:43

Yesu 'abwa 'igwaegwae ma Yudasa 'ihapwesama, tauna Yesu 'ana tomuliyao site tuwelo 'aigeda 'oidiyega. Beno weyahina topwaoliyao madoudi ta loina 'ana tohe'itao ta babadao sihewasaedima 'idi to'alehao Yudasa mahetediu ma 'abehega Yesu si'abiyahi, ma bodaedi 'idi 'ebe 'alehao ta wepasi wete si'ewediya.

2 Pita 2:21

Taudi geya sisanapu mumuga bwebwe'ana 'ana 'eda, ma hesi he'ita 'abo'abodi simulimuliyedi, ee nata galana siloba. Ma hesi taudi mumuga bwebwe'anaina ma Yehoba 'ina loina 'ehauna 'ana tomuliyao, 'eguma si'ebesine sigala moisa.

Paihowa 23:6

Bewa tuwa Paulo 'i'iteya 'abehega to'eto'autaedi boda 'eluwa 'oidiyega, 'aigeda Sadusiyao, ma 'aigeda Palisiyao, ma 'oidiya 'ibwau latuwa, 'igwae, “Tasigwao, taugu 'aigeda Palisi 'idi boda, weyahina tamagu wete Palisi 'idi boda, ta 'igu yatala bewa lamuna yahemisa 'abehega to'amasa sitoholo hila.”

Paihowa 23:1

Ta Paulo meYudiya 'idi babadaowedi 'i'e'ebubudiya, ta 'ihegwaediya, “Babadao ma tasigwao, mwalona ma nige to'aha yanuwatuhuya 'abehega Yehoba 'ina loinao beno yamuliya bwaibwainidiya.”

Paihowa 22:1

“Tasigwao ma tamagwao, wahehenono ma matamiya yada mwehihi he'ewa bewa weyahina.”

Paihowa 15:7

Ta tupwana sihe'ohe'oheya dudulena. Cigumwala ma Pita 'itoholowa ma 'igwaeya, “Tasigwao, wasanasanapu 'abehega tuta mwalo Yehoba 'oidega taugu 'ihesinuwegauwa, ma 'ahwaguwega tomiya ganamuli tetela bwebwe'ana sihesagoheya, ma sihemisaeya.

Paihowa 13:38

Coinega tasigwao, wasanapu bwaibwaini 'abehega loheyaina 'oinega 'imi puiyao 'adi nuwasam waloba. Ma 'eguma taiya tauna 'oina 'ihemisa, 'ina puiyao 'oidiyega 'ilihasi. Ta hesi Mosese 'ina loina geya sowasowahina 'ilihasigomi.

Paihowa 13:15

Ma tohanugetao Mosese 'ina loina 'ana hasila, ma palopitao 'idi gwae 'ana hasila sihasilidiya, ta tohanugetaowedi 'aigeda loheya sihewasaeya Paulo ma Banaba 'oidiya ma 'abehega 'ihemataluwedi, 'igwaeya, “Ceguma guguya bo he'ita 'oimiya beno wahepwaila tomota 'oidiya.”

Paihowa 7:2

Ma Sitibeni 'igwae, “Tasigwao ma tamagwao, 'igu gwae bewa wahesagohe. Yehoba tomiya hane hedada mwalohene tubudai Ebalahamo 'oina 'ilatuwa, tutaina Mesopotemi 'oina 'imiyamiya, ma 'abwa geya 'i'asa'asaliya Helana 'oina,

Paihowa 2:37

Loheloheyaedi Pita 'ina gwae bewa sihesagoheya ta weyahina sinuwagala moisa, ma Pita ma'iyanao 'oidiya sihesilala, sigwae, “Tasimao 'alopuiya. Togidega nata 'apaihowa 'esa?”

Paihowa 2:23

Yehoba mwalo hene Yesuina weyahina 'iloina, ma to'aha bale'uwa Yesu nata 'iloba Yehoba 'isanapu nugeteya, beno 'omi watebaeya, ta 'imi loina 'oinega tomota galadi kelose 'oina silohe'amasiya.

Yoni 19:36

Ginaulaedi bewa silatuma ma 'oinega Yehobaina 'ina gwaeina 'ina Buki He'asisi 'oina 'ihepwaileya, 'ana moisa 'ilatu bwaibwaina, tutaina 'igwae, “Geya'abwa wete hilihiliyana silasalasadi.”

Yoni 10:35

Ma moisa tuwa Yehoba 'ina hepwailaina 'ina Buki He'asisi 'oidiya mabwaiyana geya 'ida 'abowa. Ma bukinaina 'oina 'ihepwaila 'abehega tomotaedi taudi Yehoba 'ina gwae 'i'ebwaediya, ma 'i'ahwa yehobaediya.

Luke 22:47

Yesu 'abwa 'ilolohatoto ma boda silatuma, ta Yudasa ba'idadiu, tauna Yesu 'ana tomuliya 'aigeda, ta bodaedi 'ihanugetedima. Yudasaina 'inaowa Yesu deina ta 'abehega 'i'atusapwali.

Maki 12:36

Weyahina Debida mwalo Yaluyaluwa Tabuna 'ina waiwai 'oinega Kelisoina 'i'ahwa badaeya, 'igwae: Yehoba 'ina gwae 'igu Bada 'oina, 'igwaeya, ‘Cigu 'ebeulega 'umiyatoi ma 'ana siga 'a 'alehao yalagu suluhedi 'aheu gabulena.’

Paihowa 28:25

Weyahina 'idi nuwatuhuwao hagana ma hagana, 'oinega sisawala. Ta Paulo 'ina gwae 'ana 'ebelosaloha 'oidiya 'igwaeya, “Yaluyaluwa Tabuna 'ina gwae tubumiyao weyahidi gwae moisa, beno palopita Aiseya 'ahwanega 'igwaenediya:

Paihowa 28:17

Ma sabwelo 'etoi sigumwala, ta Paulo meYudiya 'idi tohanugetao 'ibwau 'autedima. Sihapwesama ta 'ihegwaediya, 'igwae, “Tasigwao, taugu geya 'eta to'aha galana 'ida boda 'oidiya yapaihowa, nuwana mumugada tubudao 'oidiyega yaligeligehi, ma hesi Yelusalema 'oina si'ebwayaegauwa meLoma 'oidiya, ta deliya silagugauwa.

Paihowa 15:13

Cidi gwae 'igumwala ma muliyetega Yemesa 'itoholowa, 'igwaeya, “Tasigwao, 'igu gwae bewa wahesagohe.

Madiu 26:14

Ma Yesu 'ana tomuliyao 'aigeda sanina Yudasa Isakaliyota 'itauya topwaoli madoudi 'oidiya,

Yoni 17:12

“Weyahina tutaina taugu mahetediu, 'owa 'ino waiwai 'oinega ya'ita'ita yahidi. Waiwaiina 'owa 'u'ebwaegauwa 'oinega ya'ita'ita yahidi. Ma Tamagu, bo'iyage 'usanapu pwaiya beno tomotaedi 'u'ebwaegauwa, geya 'eta taiya 'oidiyega yahe'waihi. Beno tuwa loheyaina 'ino buki 'oina lele 'imiyamiya 'abehega tauna 'i'waiha, loheyainaina 'iboinamo 'ihesilae.

2 Pita 1:21

weyahina palopitaowedi geya siboidimo 'idi nuwatuhuwega sigwaegwaenedi, ma hesi Yehoba 'oinega, ma Yaluyaluwa Tabuna palopitao 'ihenuwa lagudiya eeta gwaeyedi sigwaenediya.