Paihowa 1:15 - Loina Nuahuana

¹⁵ Bodaedi 'adi baibaiwa gidemusa wani handeledi ma tuweniti, ma 'aigeda sabwelo 'oina Pita gamwagamwanidiya 'itoholowa ma 'ihegwaediya, 'igwae:

Paihowa 1:15 Referans Kwoze

1 Kolinita 15:6

Caigeda tuta 'oina 'iyadao wete site paibi handeledi si'iteya. Bodaedi 'oidiyega baibaiwadi bewa tuwa simiyamiya, ma tupwadi si'amasa.

Heꞌitaꞌita 11:13

Tutaina beno 'oina mwani'ini'i madouna 'ilatuwa, ma 'asaina madouna 'ana wataha nima luwaluwa 'oidiyega 'aigeda tupwa 'iligehiya, ma tomota 'adi baibaiwa sebeni tausani si'amasa mwani'ini'iina 'oinega. Ta tomota taudi situpwa simatauta moisa, 'oinega Yehobaina galewa sihepwatuweya 'ina waiwai weyahina.

Paihowa 21:20

Ta mabwaiyadi sihesagoheya ma Yehoba sihepwatuweya, ta sihegwaeya, sigwae, “Tasimai, 'u'ita tausani baibaiwana Yesu 'oina sihemisa pwaiya, ta baibaiwadi tohemisaedi meYudiya, ma Mosese 'ina loina simulimuliya.

Yoni 21:23

Yesu 'ina gwaeina bewa 'ana tomuliyaedi sihesagoheya 'oinega siboidimo 'oidiya sihegwaegwaeya weyahina 'idi nuwatuhu 'abehega tomuliyaina geya'abwa 'i'ama'amasa. Ma hesiyage Yesu bewa geya gidemusa 'igwae 'esa. Ma hesi 'ina gwaeina 'igwae, “Loheyainaina 'eguma nuwanuwagu ma 'imiyamiya 'ana siga yahilama, beno geya 'eta to'aha 'oiuwa.”

Heꞌitaꞌita 3:4

“Ma tupwami meSalidisa 'ami 'ale'o geya wabailidi, 'abwa 'omi ba'idagwao tatauya mahemahetena ma'ada 'ale'o wa'ewa'e'ena, weyahina 'omi 'ilobwainegomiya.

Yoni 14:12

Bewa tuwa 'oimiya yahepwaila dumwalu, 'eguma taiyawedi 'omi wahemisaegau nata paihowaedi waiwaidi yapaihowediya, 'omi wete gidemusa wapaihowa 'esedi. Ma wete tuta muliya 'oina 'imi paihowa waiwai hedadena wa'abi latuhedi, weyahina taugu yatautauya Tamagu 'oina.

Luke 22:32

ma sahena 'ebetohoina 'oina 'uwe'awe'a, weyahina weyahiu ya'ahwanoi waiwaiya 'ino toholo pa'ala weyahina. Coinega 'eguma to tuta ma 'unuwahilama 'eda 'ausalana 'oina, tasimwao wete 'u'abihe waiwaiyedi.”

Madiu 13:31

Caigeda wete gwae hegehegedi 'i'ebwaediya, 'igwae, “Yehoba 'ina loina gide tuwa seyala patuna 'aigeda loheya 'i'eweya ma tanoha 'idauniya.

Paihowa 10:23

Coinega Pita loheloheyaedi 'ibwauwediya, ma hadaina 'oina sihetaumana. Gona 'i'adaleya ma sitoholowa, ta Pita ba'idanao sitauya, ma tupwadi 'iyadiyao Yopa 'oinega ba'idadiyao wete sitauya.

Paihowa 11:1

Ma Yesu 'ana tohepwailao ma wete tohekalesiyao, taudi Yudiya 'ana tomiyanao, wasa sihesagoha pwaiya 'abehega tupwadi tomiya ganamuli Yehoba 'ina gwae sihemisaeya.

Paihowa 11:12

“Ma Yaluyaluwa Tabuna 'ihegwaegauwa 'igwae, 'Cutoholo ma sahena 'uhehenuwanaluwa, ma tuwa hesi taudi ba'idamwao watauya.’ Ma 'iyadao site sikisi bewa si'wayabugauwa, ma 'atauya Konilio 'ina hada 'aluhuwa.

Paihowa 11:26

ma 'ilobeya, ta ba'idana sihila Anitioki 'oina. Eeta bolime 'aigeda 'alona siloguguya tohekalesiyaedi 'idi 'eto'auta 'oidiya, ma tomota mabwaiyadi sihehe'itadi. Casaina Anitioki 'oina Yesu 'ana tomuliyao tutaina 'oina sihesani nugetediya Kelisitiyanao.

Paihowa 11:29

Ta tutaina Yesu 'ana tomuliyao Agabu 'ina hepwailaina sihesagoheya taudimo siloina ma 'abehega 'aigeda 'aigeda sitoho ma si'ehele ma lema mane sihewasae 'iyadiyaowedi tupwa Yudiya 'oina simiyamiya.

Paihowa 12:17

Ma Pita nimanega 'i'etobodediya ma sihenono, ta 'ihe'ote'otetela 'idi Bada deliyega 'itoeyama. Ta 'igwae, “Wasa bewa wahepwaila Yemesa ma'iyanao wete 'oidiya.” Ma 'i'ebesinediya ta 'itauya hali tupwa.

Paihowa 14:2

Ta tupwadi meYudiya he'itaina geya sihemisae, ta sisinaliya, ma si'ahwa galagalaeya, ta silomugi taudi tomiya ganamuli 'oidiya ma taudi wete Yesu 'ana tohemisao silolo'alehedi.

Paihowa 15:1

Ma tupwadi loheloheya Yudiya 'oinega sisuluma, ta sihehe'ita tohekalesiyao meAnitioki 'oidiya, sigwaegwae, “Mosese mwalo 'iloinaemaiya 'wapima 'ana 'upwa weyahina. Ma 'eguma 'omi 'wapi 'upwaina geya wa'ewa, nata geya 'abihetena walobaloba.”

Paihowa 15:3

Ta tohekalesiyao siloyauwedowediya ma sitauya. Sitautauya tupwa Pinisiya ma Sameliya sibui di'waediya, ta sihepwaileya 'idi sakowasi mwalo weyahina, beno 'asa ganamuli, taudi geya meYudiya 'idi nuwabui Yehoba 'oina sihepwaileya, ta Yesu 'ana tohemisao 'asa 'aigeda 'aigeda 'oidiya hepwailaina sihesagoheya, ma siyaliyaya madouna.

Paihowa 16:2

Ma tohekalesiyao 'asa Lisitila ma Ikoniyami 'oidiya, Timotiina si'ahwa bwebwe'aneya

Paihowa 16:40

Ta Paulo ma Sailasa deliyega sitauya Lidiya 'ina hada, ma tohekalesiyao mahetediyao sihe'iya'iyagu ma siguguya 'oidiya, ma muliyetega sitauya.

Paihowa 17:6

Ma si'ebesa 'asaediya, ta Yesoni ma tupwana tohekalesiyao ba'idanao si'abiyahidiya, ma 'oinega sitoedima 'asa 'ana toloinao 'oidiya sabi heyatalaedi, ta sibwaubwau sigwae, “Loheloheyaedi taudi tupwa mabwaiyadi 'adi to'abihegalao sitauya pwaima 'ebwa,

Paihowa 17:10

Ma hinuwana tohekalesiyao Paulo ma Sailasa sihewasaedi ma sida tauya Beliya, 'oinega sitauya, ma tutaina silatuwa Beliya siluhuwa meYudiya 'idi hada tapwalolo 'oina, ta Yesu wasana sihe'ita.

Paihowa 17:14

Coinega tohekalesiyao siloina mwamwayau, ma Paulo sihetuneya ma 'isuluwa gogo holai 'oina, ta Sailasa ma Timoti 'ebwa ba'idadiyao simiyamiya.

Paihowa 18:18

Lo'aleha bewa mulina Paulo nobwa 'imiyamiya sabwelo hisa 'oidiya, 'oinega muliyetega tohekalesiyaedi 'iloyauwedowediya ta wagai 'igeluwa sabi 'adau Siliya weyahina. Ma Akuila ta Pilisila wete mahetenao sigeluwa. Ta 'aigeda ginaula, beno 'abwa ma sigelu, 'abwa 'asa Kenikiliya 'oina simiyamiya, Paulo 'ina gwae hemisa 'ipaihoweya Yehoba matana, ta gwae hemisaina 'ana 'ila'ilala beno Paulo debana si'oliya.

Paihowa 18:27

Muliyetega Apolosa nuwanuwana ma 'ihabala Akaya, ta tohekalesiyao silemeya, ta Yesu 'ana tohemisao Akaya 'oina 'idi leta sileleya, ma Apolosa si'ebwaeya ta 'eguma to tuta Akaya 'oina 'ilatu 'idi leta 'i'ebwaedi ma sitoe 'idi hada. Coinega Apolosa 'ihabala ta 'iluhuwa Akaya 'oina, ma taudi meAkaya, mwalo Yehoba 'ina helauwega Yesu sihemisaeya, ma 'iyamo Apolosaina 'ina guguyega 'ilemedi madouna,

Paihowa 21:7

Ma Taiya 'a'ebesineya ta 'a'u'e hila, ta Tolimei 'oina 'asohota, ma 'asuluwa, ta 'oinega tohekalesiyao 'alobediya ma 'aloyauwedowediya, ta sabwelo 'aigeda mahetemai 'amiyamiya.

Paihowa 21:17

Ma Yelusalema 'oina 'alatu pwaima, ta totapwalolowao siloyauwedomaiya ma'idi yaliyaya.

Paihowa 22:5

Topwaoli Madouna ma 'imi babadao mabwaiyadi 'igu paihowa bewa sisanasanapu, weyahina taudi leta si'ebwaegauwa tasidiyao Damasiko 'oina weyahidi, ma 'abehega yada tauya, ma 'oidiyega tagwala yada 'ewa nugete, ma 'oinega tohemisao yada 'abiyahidi, ma yada tauyedima Yelusalema, ma sida gihemuyedi.

Paihowa 28:14

Putioli 'oina tupwana tohekalesiyao 'alobediya, ta sitoemaiya 'idi hada, ta 'oidiya 'amiyamiya sabwelo sebeni 'oidiya. Ta nage 'oinega 'atauya Loma weyahina.