Paihowa 1:14 - Loina Nuahuana

¹⁴ Mabwaiyadi bewa sabwelo 'aigeda 'aigeda 'oina 'idi 'atetagwala 'oinega si'ahwa'ahwanoi Yehoba 'oina, wahiwahine mahetediyao, ma Meli tauna Yesu sinana, ma Yesu tasinao wete mahetediyao.

Paihowa 1:14 Referans Kwoze

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Paihowa 6:4

Ma tauma 'ada hetapewa 'ahwanoi weyahina ta wete Yehoba 'ina gwae 'ana he'ita weyahina.”

Kolose 4:2

Wa'itayahigomi ma sahena 'imi 'ahwanoi siwe'awe'a, ma hesi waloyauwedo Yehoba 'oina, ma wahe'alama'i'itana 'imi 'ahwanoi 'oidiya.

Paihowa 2:42

ta sitagwala moisa tohepwailedi 'idi he'itao 'oidiya ma sihe'iya'iyagu moisa, ma si'ai mahemahetena, ta wete si'ahwa'ahwanoi Yehoba 'oina.

Loma 12:12

Ma wanuwatuhuyahi 'abehega tuta 'inaonaoma Yehoba 'ina 'abihetena 'ilatuma, ma weyahina wayaliyaya, 'oinega 'imi miyamwau 'oidiyega wa'ahwa'ahwanoi Yehoba 'oina, ma'imi 'alama'i'ita.

Luke 18:1

Eema 'aigeda gwae hegehegedi Yesu 'i'ebwaediya ma 'abehega sahena 'ahwanoi 'oinega siwe'awe'a.

Madiu 21:22

Ma 'eguma ma'imi hemisa Yehoba 'oina wa'ahwanoi 'abwa waloba.”

Paihowa 2:1

Ma muliyetega paihowa sanina Penitikosi 'ana sabwelo 'oina Yesu 'ana tohemisao mabwaiyadi si'eto'autama,

Luke 11:13

Moisa, 'omi togala ma 'imi 'ebwaya natumiyao 'oidiya wasanasanapu 'abehega ginaula bwebwe'ana wa'ebwa'ebwaedi. Gide wete Tamamiu galewa 'ina 'ebwaya 'oimiya bwebwe'ana hedada, ma 'eguma wa'ahwanoi 'oina, nata Yaluyaluwa Tabuna 'i'ebwaegomi.”

Paihowa 2:46

Coinega sabwelo 'aigeda 'aigeda 'oidiya ma'idi 'atetagwala sitapwatapwalolo Hada He'asisi 'oina, ma taudi 'idi hada ma'idi yaliyaya si'ai hegogona,

Luke 24:53

Sihila ma Hada He'asisi 'alona tuta baibaiwana Yehoba sihehepwatuwe.

Madiu 12:46

Yesu 'abwa boda 'oidiya 'ihehegwaegwae, ma sinana ma tasinao sinaoma, ma 'atamana sitotoholo, ma si'ebe'ebesa togidega ma 'oina sigwae.

Luke 24:10

Tohepwailaedi taudi Meli Magidala ta Yowana ta hali Meli, tauna Yemesa sinana, ma wete tupwadi wahiwahine ba'idadiyao, Yesu 'ina toholo hila weyahina 'ina topaihowaowedi sihegwaediya,

Luke 23:55

Ma wahiwahineyedi mwalo Galiliyega Yesu simuliyeyama taudi sitauya Yesu 'ana galiha si'iteya, ma wete wahina 'ana 'ebelagu si'iteya.

Luke 23:49

Ma Yesu 'iyanao ta wete wahiwahineyedi mwalo Galiliyega simuliyeyama, taudi bwaga sitotoholo ma Yesu 'ina 'amasa si'e'ebubu.

Maki 16:1

Sabatiina 'igumwala, ma Meli Magidala ma 'ina waliyesa, tauna Yemesa sinana, ma Salome wete ba'idadiu holowa bwebwe'ana sigimwaneya ma 'abehega Yesu wahina 'oinega siheholoi.

Maki 15:40

Tupwadi wahiwahine wete bwagebwagega si'e'ebubuna, beno Meli Magidala ma'ina waliyesa, tauna Yosepa ma tasina 'alomauna Yemesa sinadiu, ma Salome wete,

Madiu 27:55

Wahiwahine wete tupwana bwagebwagega si'e'ebubuna, taudi mwalo Galiliyega Yesu sihemuli tabubuweyama, ma 'ana sipaipaihowa.

Luke 24:33

Coinega sitoholo mwayamwayauwa ma sitauya Yelusalema, ta nobwa 'iyadiyao site lebeni silobediya, ma tupwadi wete ba'idadiyao simiya 'autama,

Luke 8:20

Ma gwaemo sihewasaeya, sigwae, “Bada, sinau ma tasimwao wa'italatu 'atamana sitotoholo, ma nuwanuwadi 'owa.”

1 Kolinita 14:13

Ceguma taiya 'oimiyega hali 'enana 'oidiyega 'igwaegwae, 'ilobwaineya ma 'i'ahwanoi Yehoba 'oina ma sanapu 'ida loba, ta 'oinega 'ina gwae 'ibui.