Maki 2:2 - Loina Nuahuana

² Ma boda madouna hada 'alona ma wete 'ahwa'edaina 'atamanina si'eto'auta, ma Yesu 'iguguya 'oidiya.

Maki 2:2 Referans Kwoze

Maki 2:13

Eema Yesu 'ihila hola Galili 'oina, ma wete boda si'autama, 'ihe'ita 'oidiya.

Maki 1:45

Ma loheyaina geya Yesu 'ina loina 'ihematamatane, ma hesi tomota 'oidiya 'ihepwaila dadaneya. Eeta Yesu geya sowasowahina ma 'iyawala 'asaedi 'alodiya, ta 'oinega 'inaowa yoho 'awawa ma nobwa 'imiyamiya, ma tomota tupwa mabwaiyana 'oidiyega sinaoma 'oina.

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

Loma 10:8

Ma he'ita moisa Yehoba 'ina Buki 'oina bewa gide, “Gwaeina deimiya tuwa 'imiyamiya beno 'ahwamiya ma wete 'atemiya.” Gwaeinaina beno hemisa weyahina 'alologuguyae 'oimiya,

Paihowa 16:6

Coinega Paulo ma 'iyanao tupwa Piligiya ma Galetiya 'alodiyega sitautau, ma Yaluyaluwa Tabuna 'i'ausidiya ma sahena Yehoba tetelina tupwa Esiya 'oina siloguloguguyae.

Paihowa 14:25

ta 'asa Peliya 'oina siloguguya, 'oinega sidobiya Atalaya,

Paihowa 11:19

Mwalo tohekalesiyao 'adi 'alehao Sitibeni silohe'amasiya, ma wete sitoho ma tohekalesiyao mabwaiyadi sida mutudi, 'oinega tohekalesiyaowedi sidena hali 'asa ma hali 'asa 'oidiya, ma tupwadi silatuwa Pinisiya ma Saipilosi ma Anitioki 'oidiya, ma wasa bwebwe'ana sihehepwaila meYudiya 'oidiya, ma hesi geya sihepwaila taudi tomiya ganamuli 'oidiya.

Paihowa 8:25

Coinega Pita ma Yoni 'idi Bada weyahina sihepwaila latuwa, ma 'ina gwae siguguyaeya, ma muliyetega sihila Yelusalema 'oina, ta 'idi tauya 'alona tetela bwebwe'ana sihepwaileya Sameliya 'asanao 'aigeda 'aigeda 'oidiya.

Luke 12:1

Boda madou hedada si'eto'autama ma sihetupa duidui, ma Yesu 'igwae nugeta 'ana tomuliyao 'oidiya, 'igwaeya, “Wa'ita yahigomi ma Palisiyao 'idi paihowa 'abo'abo sahena wapaipaihowadi, weyahina 'idi paihowa gide tuwa pwalawa 'ana 'ebe'abi heseseha. Cebe'abi hesesehaina 'eguma to'aha gide 'i'iuna, nata 'i'abi hemadou,

Luke 8:11

Ma gwae hegehegedi 'ana lihasa bewa gide: Patuina beno Yehoba 'ina gwae.

Luke 8:1

Ma muliyetega Yesu 'itoholowa ma 'itauya gogo madoudi ma 'i'iudi 'oidiya, Yehoba 'ina loina tetelina bwebwe'ana sabi guguyae, ma 'ana tomuliyao site tuwelowedi mahetenao.

Maki 1:37

ta silobeya, ma sihegwaeya, “Tomota mabwaiyadi nuwanuwadi 'owa.”

Maki 1:33

Ma wete 'asa 'ana tomiyao mabwaiyadi sihegogona ma hada mata'ahwana sitotoholo.

Maki 1:14

Muliyetega Helodi ma'ina topaihowao Yoni deliya silaguluguheya. Yoni 'abwa deliya 'imiyamiya, ma Yesu 'ilatuwa Galili, ma wasa bwebwe'ana Yehoba 'oinega 'iguguyaeya, 'igwae, “Sauga 'ilatu pwaima Yehoba 'ihetoloina 'oida. Coinega 'imi puiyao 'oidiyega wanuwabui ma wasana bwebwe'ana wahemisae.”

Madiu 5:2

Coinega Yesu 'ihegaina ma 'ihe'ita 'oidiya, 'igwae:

Luke 5:17

Sabwelo 'aigeda 'oina Yesu boda 'ihehe'itadi. Ma tupwadi Palisiyao ma loina 'ana tohe'itao taudi sinaoma Galili ta Yudiya ta Yelusalema tupwainao 'oidiyega, ma boda mahetediyao simiyamiya, ma sihenono. Tuta nage 'oina Yehoba 'ina waiwaiyega tolohalao 'i'abihe bwebwe'anediya.

Maki 6:34

Cabwa muliyetega waga 'iluhuwa ma Yesu 'isuluwa dabala, ma boda madouna nenegwala 'i'itediya ma 'i'ate muyamuyaediya, weyahina taudi gide sipiyao geya 'adi to'itayahinamo, 'oinega 'ihe'aleya ma sanapu baibaiwana 'ihe'itaeya 'oidiya.

Maki 2:1

Sabwelo tupwana sigumwala ma Yesu 'ihila Kapaneumi 'oina, ma wasana sihesagoheya 'abehega Yesu 'ihila pwaima.