Maki 2:16 - Loina Nuahuana

¹⁶ Simiyamiya ta Palisi 'idi loina 'ana tohe'itao si'itediya, eeta Yesu 'ana tomuliyaowedi 'oidiya sihesilala, sigwae, “To'aha weyahina 'imi tohe'ita takesi 'ana to'ewaowedi ma tolopuiyedi wete ba'idanao si'ai'ai hegogona?”

Maki 2:16 Referans Kwoze

Luke 19:10

Taugu Loheyaiguina, ta yanaoma ma 'ane todeya ya'ebesedi ma ya'abihetedi, gide loheya bewa.”

Luke 18:11

Coinega Palisiina 'itoholowa ma 'i'ahwanoiya, 'igwae, ‘Yehoba yo, yaloyauwedo 'oiuwa weyahina taugu geya gide 'iyagwao mumugadi, weyahina taudi toyagaha hedade, ma 'abo'aboidi, ma lologwalidi, ma wete taugu geya gide takesi 'ana to'ewa nage.

1 Kolinita 2:15

Ta hesi tauda ginaula mabwaiyadi tasanasanapudi, to'aha bwebwe'ana ma to'aha galana, 'oinega geya 'eta taiya sowasowahina ma 'i'ahwa galagalaegita.

Paihowa 23:9

Nage 'oina yatala bahobaho 'ilatuwa, 'oinega Palisiyao 'idi loinao 'adi tohe'itao tupwadi sitoholowa ma sigwaeya, “Loheya bewa, geya 'eta wete 'ina pui 'oinega 'aloba. Ma hesi 'ina nuwatuhu bewa, nuwana Yehoba 'ina anelose bo yaluyaluwa 'oinega 'i'eweya.”

Luke 19:7

Nage 'oina tomotaedi ginaula bewa si'iteya, ma silomugiyeya, sigwaeya, “Togidega ta Yesu 'iluhuwa togala 'ina hada?”

Ibeliu 12:3

Yesuina wanuwatuhuyahi 'abehega 'i'alama'i'ita madouna togala 'idi lo'aleha 'oinega, ta 'oinega 'omi wete gide 'abehega sahena wahesabulolo nuwana wawe'awe'a.

Madiu 18:17

Ma 'eguma tuwa geya nuwana ma 'ihesagohegemi, wagwae latu tohekalesiyao mabwaiyadi 'oidiya, ma 'eguma geya nuwana wete tohekalesiyao 'idi gwae 'ihesagohedi, walogwahate tuwa, ma 'imiya ganamuli gide takesi 'ana to'ewa.

Madiu 9:11

Coinega tupwadi Palisiyao si'iteya ma Yesu 'ana tomuliyao 'oidiya sihesilala, sigwae, “To'aha weyahina 'imi tohe'ita takesi 'ana to'ewao ma wete togala tupwadi ba'idanao si'ai'ai hegogona?”

Madiu 5:46

Ma 'eguma 'iyamiyaomo wahehelauwedi, geya sawasawahina ma maisa Yehoba 'oinega waloba, weyahina togalaedi, gide takesi 'ana to'ewao, 'idi helau gide 'omi 'imi helau, 'iyadiyaomo sihehelauwedi.

Maki 2:15

Muliyetega Yesu ma'ana tomuliyao sinaoma Libai 'ina hada sabi 'ai, ma boda Yesu simuliyeya, taudi tolopui gide takesi 'ana to'ewao ma tolopui tupwadi wete, Yesu ma'ana tomuliyao ba'idadiyao simiyatoiya.

Luke 5:30

Eeta Palisiyao ta 'idi loina 'ana tohe'itao silolomugi Yesu 'ana tomuliyao 'oidiya, sigwaeya, “To'aha lamuna ma takesi 'ana to'ewao ta wete togala tupwadi mahetemiyao wa'ai hegogona?”