Maki 2:1 - Loina Nuahuana

¹ Sabwelo tupwana sigumwala ma Yesu 'ihila Kapaneumi 'oina, ma wasana sihesagoheya 'abehega Yesu 'ihila pwaima.

Maki 2:1 Referans Kwoze

Yoni 4:47

Toloinaina Yesu wasana 'ihesagoheya 'abehega Yudiya 'oinega 'itautauyama Galili. Coinega loheyainaina Yesu 'oina 'itauya ma 'i'ahwanoiya 'igwae, “Ceguma sawasawahina 'owa mahetegu tatauya Kapaneumi ma natugu 'u'abi hebwebwe'ane. Weyahina gwamainaina 'i'iunamo ma yawasina 'igumwala.”

Maki 7:24

Nage 'oina Yesu 'itoholowa ma 'itauya Taiya ma Saidoni tupwaidiina, ma 'aigeda hada 'oina 'iluhuwa, weyahina geya nuwana ma tomota sisanapu 'ina latu weyahina, ma hesi geya sawasawahina ma 'i'edahwana,

Luke 5:18

Coinega boda 'aigeda topeu mahewaina si'ahaliyama, eeta sitohoya ma 'abehega siluhuwe hadai ma Yesu matana silagu.

Maki 1:45

Ma loheyaina geya Yesu 'ina loina 'ihematamatane, ma hesi tomota 'oidiya 'ihepwaila dadaneya. Eeta Yesu geya sowasowahina ma 'iyawala 'asaedi 'alodiya, ta 'oinega 'inaowa yoho 'awawa ma nobwa 'imiyamiya, ma tomota tupwa mabwaiyana 'oidiyega sinaoma 'oina.

Madiu 9:1

Coinega Yesu wagai 'igeluwa ma 'ihabala hila 'ina gogowa.

Paihowa 2:6

ma daguguina sihesagoheya ta si'eto'autama, ma mabwaiyadi taudi 'enadiyega 'aigeda 'aigeda gwae sihesagoheya 'oinega nuwadi 'ihepwanopwanowa madouna,

Madiu 4:13

Coinega Nasaleta 'i'ebesineya ma 'ilo'asa Kapaneumi holai, beno susu Sebuloni ma Napitalai 'idi bale'uwa.

Maki 2:2

Ma boda madouna hada 'alona ma wete 'ahwa'edaina 'atamanina si'eto'auta, ma Yesu 'iguguya 'oidiya.

Maki 3:20

Yesu 'ihila 'asai, ma boda madouna si'autama, ma geya sowasowahina Yesu ma'ana tomuliyaowedi si'aiyawasi eema si'ai.

Maki 7:17

Eeta Yesu ma'ana tomuliyao boda si'ebesinediya ma hadai siluhuwa, eema 'ana tomuliyaowedi sihesilaleya sigwae, “Sawasawahina 'ino gwae hegehegediina 'ulihasi 'oima?”

Maki 9:28

Muliyetega Yesu ma 'ana tomuliyao siluhu hadai ma nobwa siboi. Eeta tomuliyaowedi Yesu sihegwaeya, sigwae, “Bada, togidega tauma geya sawasawahina hi'ahi'a 'apa'i ma 'ihapesa?”

Luke 4:23

Coinega 'ihegwaediya, 'igwae, “Hesi yasanapugomiya weyahina nata gwae hegehegediyega wahegwaegau ma wagwae, ‘Cowa to'abihe bwebwe'ana, 'oinega 'uboi 'u'abihe bwebwe'anigo.’ Ma wete nata 'imi gwae 'aigeda 'oinega wahegwaegau ma wagwae, ‘Paihowaedi waiwaidi gogo Kapaneumi 'oina 'upaihowediya, gide wete 'upaihowa 'esedi 'ebwa 'ida gogo bewa 'oina.’