Maki 13:8 - Loina Nuahuana

⁸ Weyahina 'abwa hali boda ma hali boda si'aleha hiladi, ma wete hali 'ebeloina ma hali 'ebeloina silo'aleha hiladi, ma wete mwani'ini'i sipilipili hali tupwa ma hali tupwa 'oidiya, ma gomale madoudi sihapwehapwesa. Ma ginaulaedi bewa tuta mwauna 'ana 'ebehegaina tuwa.

Maki 13:8 Referans Kwoze

Madiu 24:8

Ma ginaulaedi tuta mwaudi 'adi 'ebehegaina tuwa.

Heꞌitaꞌita 6:4

Coinega 'aigeda hosi bwehabwehalina 'ilatuma, ta 'ana togeluina waiwai si'ebwaeya ma 'aleha 'i'eweyama gogo gabulena, ma 'oinega tomota mabwaiyadi siboidimo sihe'upwa hiledi ta si'ehunuwa hiledi, ma wete 'elepa madouna si'ebwaeya.

1 Tesalonaika 5:3

ma 'eguma tomota sigwae, “Cida miya mabwaiyana bwebwe'ana tuwa,” ma muliyetega hesilae taudi 'ilohesalutuidi, gide wahine 'ina 'abihelolo 'ina henatuna 'oina. Coinega nage gide hesilaeina, ma geya sowasowahina sidenasine.

Paihowa 11:28

ma 'aigeda 'oidiyega, sanina Agabu, 'idi 'eto'auta 'oina 'itoholo, ma Yaluyaluwa Tabuna 'ina waiwaiyega 'ihepwaila nugeta 'abehega 'abwa gomale madouna 'ihapwesa gogo mabwaiyadi 'oidiya, eeta muliyetega Sisa Kalodiu 'ina tuta hetoloina 'oina gomale madouna 'ihapwesa.

Maki 13:7

Wete wasa 'abwa wahesagohedi 'alehao deimiya, ma wete bwaga, taudimo si'ale'aleha hiladi, ma hesi sahena wa'ate'ateyoho. Ginaula bewa nata silatu nugeta ma hesi bale'u 'ana 'ebelosaloha 'ana tuta 'abwa hedada.

Maki 13:9

“Ta 'omi hesi wa'itayahigomi, weyahina tomota 'abwa si'abiyahigomi ma sitauyegomi yatala weyahina, ta Hada Tapwalolo 'oidiya sisapigomi, ta wete 'abwa toloinao ma kiniyao matadiya sitoegomi ma watoholo ma siheyatalaegomi, beno weyahina 'omi 'abehega taugu 'igu bodao, ta saugaina 'oina teteligu wahepwaile 'oidiya.