Maki 12:6 - Loina Nuahuana

⁶ “Nage 'oina 'aigeda tuwamo 'imiyamiya, tauna natuna moisa. Tauna wete 'ihewasaeya 'oidiya, 'ina nuwatuhu 'igwaeya, ‘Tauna tuwa natugu, nata sihe'asisiyane.’

Maki 12:6 Referans Kwoze

Yoni 1:34

Coinega Yoni boda 'ihegwaediya 'igwae, “Loheyainaina moisa mataguwega ya'iteya, ma bewa tuwa weyahina 'oimiya yahehewasa tauna moisa Yehoba natuna.”

Madiu 3:17

Ma hesi 'aigeda 'enana galewega 'igwaema 'igwae, “Beno natugu moisa. Tauna weyahina yayaliyaya madouna.”

1 Yoni 4:9

ta 'ina helau 'igihe hapweseya 'oida Natuna 'oinega, weyahina Natunaina 'iboimo 'ihetuneyama, ta bale'uwa 'itauyama, ma 'abehega yawasida moisa 'i'ebwaegita.

Ibeliu 1:6

Ma tutaina 'ina tautuwa 'ihesumaneyama bale'uwa, 'igwaeya, “Aneloseyao galewa sawasawahidi ma tauna 'oina si'etuluha.”

Yoni 5:23

ma 'oinega mabwaiyami wahe'asisiyanegau gide Tamagu wahehe'asisiyana 'ese. Ma 'eguma taiyawedi geya wahe'asisiyanegau, beno wete Tamagu tauna 'ihesumanegauma geya wahe'asisiyane.

Yoni 3:35

Eeta Yehoba natunaina 'ihelauweya, 'oinega 'ina 'ebeloina mabwaiyana natuna nimana 'ilaguya.

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”

Yoni 1:14

Ma Gwae huhuna 'iheloheya, ma bewa tuwa mahetedai tamiyamiya. Ma 'ina wasawasa madou hedadena 'i'abi hemaedaneya 'oima ta 'a'iteya, 'oinega 'asanapuya 'abehega tauna tuwa Yehoba natuna moisa, ma wete tauna tohelau moisa, wete mumugana mabwaiyana bwebwe'ana.

Luke 9:35

Ma yaloha 'oinega 'enana sihesagoheya, 'igwae, “Bewa Natugu bwebwe'ana hedada, 'ina gwae wahesagohedi.”

Luke 3:22

ma Yaluyaluwa Tabuna, mawahina 'ana 'ita gide gabubu, 'isuluma Yesu 'oina. Coinega 'aigeda 'enana galewega 'igwaema, 'igwae, “Cowa natugu moisa, weyahiu yayaliyaya madouna.”

Maki 9:7

Eeta yaloyaloha wete 'isuluwa ma 'i'ahusamudiya. Yaloyalohaina 'oinega 'aigeda 'enana sihesagoheya, 'igwae, “Bewa natugu bwebwe'ana hedada, ma 'ina gwae wahesagohe.”

Maki 1:11

Wete 'enana 'aigeda galewega 'igwaema, 'igwae, “Cowa natugu 'ausalana, weyahiu yayaliyaya madouna.”

Madiu 26:63

Ma Yesu tuwa 'ihehenonomo. Ma topwaoli madouna 'ihesilala, 'igwaeya, “Yehoba miyamiya hatayana matana 'uhe'isa moisa, togidega 'owa Keliso, Yehoba Natuna, bo geya.”

Madiu 17:5

Pita 'ina gwae 'abwa geya 'ilosalohi ma yaloyaloha 'asilalana 'i'ahuhe taluhidiya, ma yaloyaloha 'oinega 'enana 'aigeda sihesagoheya, 'igwae, “Bewa Natugu bwebwe'ana hedade, tauna weyahina yayaliyaya madouna, 'oinega 'ina gwaeyao wahesagohedi.”

Madiu 11:27

Ma wete 'igwaeya, “Ginaula mabwaiyana Tamagu nimaguwa 'ilagu pwaidiya ma Tamaguina taboinamo 'isanapugauwa, ma taugu wete Tamagu taugumo yasanapuya, ma wete 'eguma taiyawedi taudi nuwanuwagu ma Tamagu yahe'itae 'oidiya, taudi wete sisanapu.

Madiu 1:23

“Gumalaulauna geya 'ilogwali ma 'igamwa ma natuna meloheyana 'ihenatune, ma sanina sida hesaniye Imanuweli.” (Ma saniina 'ana bui Yehoba ba'idadai.)

Maki 12:5

“Coinega wete hetoina 'ihewasaeya 'oidiya ta silohe'amasiya. Ma baibaiwadi wete 'ihetunediya 'oidiya, ma tupwadi sisapidiya ta tupwadi silohe 'amasidiya, eeta mabwaiyadi si'abihe galediya.

Maki 12:7

“Ma natunaina 'ilatuwa 'oidiya ma to'itayahinaowedi siboidimo 'oidiya sigwae, ‘Bada bewa natuna 'inaonaoma, ma 'eguma talohe'amasi nata tanoha bewa mabwaiyana taloinae.’

3 Yoni 1:1

Taugu 'imi bada, leta bewa yaleleyawa 'owa 'iyagu Geyo 'oiuwa. Moisa, 'ateguwega yahelauwegowa.