Madiu 9:4 - Loina Nuahuana

⁴ Cidi nuwatuhuina Yesu 'isanapu pwaiya ma 'ihegwaediya, 'igwae, “To'aha weyahina 'atemiyega wanuwanuwatuhu galana?

Madiu 9:4 Referans Kwoze

Luke 6:8

Ma Yesu hesi 'idi nuwatuhu 'isanapuya, 'oinega loheyaina 'ihegwaeya, 'igwae, “Cutoholo ma 'ulagama.” Ma loheyaina 'itoholowa ta 'ilaga.

Madiu 12:25

Ma Yesu 'idi nuwatuhu 'isanapu pwaiya ta 'ihegwaediya, 'igwae, “Tomudulele tauna 'iyanao geya sowana 'iulaula latuwedi.” Ma wete 'igwae, “Ceguma 'aigeda 'ebeloina 'oina tomota siwataha ma siboidimo silolo'aleha, 'abwa 'ebeloinaina 'iwe'a ma 'ibe'u. Casa bo susu wete gide 'eguma 'alodiya wataha 'ilatu, 'abwa siwe'a ma sibe'u.

Heꞌitaꞌita 2:23

Ma wete natunao yalohe'amasidi, ma 'oinega boda hekalesiyao mabwaiyadi sisanapu 'abehega taugu tomota mabwaiyadi 'idi nuwatuhu 'atediya mabwaiyana 'ana tosanapu, ma wete mabwaiyami 'oimiya yahemaisa to'aha gide 'imi paihowao, nuwana bwebwe'adi, bo galadi.

Yoni 16:30

Coinega bewa tuwa 'asanapu bwaibwainigowa 'abehega 'owa moisa ginaula mabwaiyana 'usanapudiya. Coinega bewa tuwa geya'abwa wete 'ahehesilala hilago, weyahina 'ima nuwatuhu mabwaiyadi 'usanapu pwaidiya. Beno 'oinega 'ahemisaegowa 'abehega 'owa moisa Yehoba 'oinega 'utauyama.”

Luke 11:17

Ma Yesu bodaedi 'idi nuwatuhuina 'isanapu pwaiya, ma 'ihegwaediya, 'igwae, “Tomudulele tauna 'iyanao gesowana 'ipa'ipa'idi.” Ma wete 'igwaeya, “Ceguma 'aigeda 'ebeloina 'oina loheloheya siwataha ma siboi silo'aleha, nata 'ebeloinaina 'iwe'a ma 'ibe'u. Ma wete gidemusa 'eguma 'aigeda susu taudimo silo'aleha, nata 'abwa 'idi miya 'igala.

Paihowa 5:9

Coinega Pita 'igwae, “Togidega ma wateluwa watagwala ma watoho ta 'abehega Bada Yaluyaluwana wa'abowe? Cuhesagohe, mwaneu 'ana togalihao siluhuluhuma ma 'i'iunamo si'ahala latuhego wete.”

Yoni 16:19

Eeta Yesu 'ana tomuliyaedi 'idi nuwatuhu 'isanapuya, 'oinega 'ihegwaediya 'igwae, “To'aha weyahina wahehegwaegwae? Bo nuwana yahegwaegomiya 'abehega sauga 'i'iunamo ma ya'ebesinegomi 'abwa wete sauga 'i'iunamo 'oina wa'ita hilegau weyahina wahehegwaegwae, 'awa?

Yoni 6:64

Ma hesiyage tupwami geya wahemisegauwa.” Gwae bewa Yesu 'i'inanediya weyahina 'isanapu nugeteya taiyawedi geya sihemisae, ma wete 'isanapuya taiya tauna 'abwa nata 'itebae 'ana 'alehaowedi 'oidiya.

Yoni 6:61

Ma hesi Yesu nige heneyage 'isanapu pwaiya 'abehega 'ana tomuliyaowedi gwae bewa weyahina silolomugi. Coinega 'ihegwaediya 'igwae, “Gwae bewa weyahina ma 'abehega waguipaila?

Yoni 21:17

Coinega Yesu Saimoni Pita 'ihesilaleya hetoina 'igwae, “Saimoni, Yoni natuna, 'uhelauwegauwa?” Ta Saimoni Pita nuwana 'igala weyahina Yesu 'ina hesilala 'oina matoi, 'oinega Yesu 'enana 'ihemaiseya 'igwae, “Cinapwana, 'owa ginaula mabwaiyana 'usanasanapudi, ma 'usanapu pwaigauwa 'abehega yahelauwegowa.” Coinega Yesu wete Saimoni Pita 'ihegwaeya 'igwae, “Cigu sipi 'u'ita yahidi.

Luke 5:22

Cidi nuwatuhu Yesu 'isanapu pwaiya, 'oinega 'ihegwaediya, “To'aha weyahina 'atemiya beno gide wanuwatuhu 'esa?

Maki 12:15

Sowasowana takesiina tahemaisa Kini 'oina, bo sahena?” Ma Yesu 'idi 'abo 'isanapu pwaiya, 'oinega 'ihegwaediya, 'igwae, “To'aha weyahina watohotohogau? Hana maneina wa'eweyama, ma ya'ita.”

Maki 2:8

Ma hesi Yesu 'atena 'idi nuwatuhu 'isanapuya, 'oinega 'ihegwaediya, “To'aha weyahina beno gide wanuwanuwatuhu 'esa?

Luke 7:40

Bewa 'oinega Yesu 'ihegwaeya ma 'igwae, “Saimoni, nuwanuwagu ma 'aigeda ginaula yahepwaile 'oiuwa.” Ta Saimoni 'igwaeya, “Bada, to ginaula? Cuda hegwaegauma.”