Madiu 9:2 - Loina Nuahuana

² Ma 'aigeda topeu boda si'ahaliya 'ina 'ebe'eno 'oina ma sinaoleyama Yesu 'oina. Bodaedi 'idi hemisa Yesu 'isanapuya ma topeu 'ihegwaeya 'igwae, “Natugu, 'uyaliyaya, 'ino mumuga galadi 'adi nuwasam 'uloba pwaiya.”

Madiu 9:2 Referans Kwoze

Madiu 9:22

Ma Yesu 'ilo'itahila ta wahineina 'i'iteya, ma 'igwae, “Yauwedo natugu, 'ino hemisega 'ubwebwe'ana pwaiya.” Ma tuta nage 'oina wahineina 'ibwebwe'ana.

Yemesa 2:18

Ma 'eguma tupwadi tomota sigwae, “Cowa ma'ino hemisa ta taugu ma'igu paihowa,” ta hesiyage taugu 'igu gwaehila 'abehega, “Ceguma 'ino hemisaina geya paihowa ba'idana, togidega 'ana bwebwe'ana? Ta taugu bewa 'igu hemisa yahe'itego 'igu paihowega.”

Paihowa 19:12

ta 'ana 'amweyahi 'ana 'ebe sauwao ta 'ana 'ale'owao si'ewediya ma tolohalao 'oidiya si'abihe pa'idiya, ta 'adi lohala sigumwagumwala, ma wete hi'ahi'a siula latuhediya.

Yoni 21:5

Coinega 'ihegwaediya 'igwae, “Ciyagwao, hisa silahana wa'onediya?” Ta taudi sigwae, “Geya 'eta silahana 'a'onatoho.”

Madiu 8:10

Cina hepwaila bewa 'oinega Yesu 'iyaliyaya madouna, ta 'isakowasiya ma bodaedi simulimuliye 'ihegwaediya, 'igwae, “Moisa, geya 'aigeda taiya yaloba meIsileli 'oimiyega 'ina hemisa loheya bewa gide,

Madiu 4:24

Coinega Yesu tetelina 'isaweyaneya Siliya gogonao mabwaiyadi 'oidiya, 'oinega tolohalao mabwaiyadi sitautauyedima 'oina, taudi silohala madouna ma wahidi simuyamuya, ma taudi hi'ahi'a* si'abi hebuwediya, ma taudi 'adi lohala hebwasubwasumo ma wete tobelu, ma Yesu 'i'abi hebwebwe'anediya mabwaiyadi.

Loma 5:11

Ma ginaula 'aigeda bwebwe'ana wetenuge beno Yehoba mahetedai tayaliyaliyaya, weyahina 'ida Bada Yesu Keliso tauna 'itoegitama ta Yehoba mahetedai tahe'iya'iyagu hila.

Paihowa 14:9

Eeta tolopegoiina 'imiyamiyatoiya, ma Paulo 'ina loguguya 'ihesagoheya, 'oinega Paulo tolopegoiina 'i'ebubuya, ma 'isanapuya 'abehega ma'ina hemisa Yesu 'oina ta sowasowahina 'ida 'abihe bwebwe'ane.

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Madiu 9:6

Ma wasanapu 'abehega taugu Loheyaiguina bale'uwa ma sawesawehigu tomota 'idi mumuga galana yanuwasamudi.” Coinega topeuina 'ihegwaeya, 'igwae, “Cutoholo ma 'ino 'ebe'eno 'u'ahali ma 'utauya 'ino gogowa.”

Madiu 8:16

Coinega boi hohauwa tomiya 'asao tupwadi tomota si'ewedima, taudi hi'ahi'a* 'oidiya simiyamiya, 'oinega Yesu hi'ahi'aedi 'ina gwaeyega 'iula latuwediya, ma wete tolohalao mabwaiyadi 'i'abihe bwebwe'anediya.

Yoni 2:25

Coinega geya 'eta taiya sawasawahina ma boda weyahidi 'ihegwaegwae Yesu 'oina, weyahina Yesu boda mabwaiyadi 'idi nuwatuhu 'atediya simiyamiya 'isanasanapudi.

Maki 5:34

Eeta Yesu 'igwaeya, “Natugu, 'ino hemisega ta 'ubwebwe'ana. Cutoholo ma'ino yaliyaya 'utau. Cino lohalao mabwaiyana sigumwala pwaiya.”

Maki 1:32

Ma 'ilahilahi, sinala 'isopu pwaiya, ma tomota 'idi tolohalao ma wete taudi hi'ahi'a 'i'abi hebuwediya sitoedima Yesu 'oina.

Madiu 6:12

Ma 'ima mumuga galadi 'unuwasamudi, gide wete tauma 'iyamayao 'idi mumuga galadi 'oima 'anuwasamudi.

Madiu 9:5

Ma to'aha wanuwatuhuya yada gwae loheya bewa 'oina ma 'abehega yagwae, ‘Cino mumuga galana yanuwasam pwaiya’, nuwana yada gwae, ‘Cutoholo ma 'utauya’?

Madiu 14:27

Ma Yesu 'ihegwaediya, “Sahena wamatauta. Taugu tuwa, 'imi Cinapwana.”

Maki 6:50

'oinega simatauta ma siwuiya. Ma Yesu 'ihegwaediya, 'igwae, “Sahena wa'ate'ateyoho. Taugu tuwa, 'imi Badaina.”

Maki 10:49

Coinega Yesu 'itoholo henonowa, ma 'igwae, “Wabwauweyama.” Ma tomota sigwae, “Bwebwe'ana, 'utoholo. Yesu 'ibwauwegowa.”

Paihowa 23:11

Eeta hadai 'imiya heboiya, ma nihuwanega 'ina Bada 'ilatuma Paulo deina, 'itoholowa ma 'ihegwaeya, 'igwae, “Paulo, sahena 'u'ate'ateyoho, weyahina Yelusalema 'oina 'uhepwaila pwaigauwa. Ma Loma 'oina wete gidemusa 'abwa 'uhepwaila 'esegau.”