Madiu 9:13 - Loina Nuahuana

¹³ Coinega 'ilobwainegomiya ma Yehoba 'ina gwae wanuwa sabwalena Buki He'asisi 'oina, 'igwaeya, ‘Nuwanuwagu 'atemuyamuya, ma geya nuwagu pwaoli.’ Bewa yanaoma geya tobwebwe'ana weyahidi, ma hesi topui sabi 'abihetedi.”

Madiu 9:13 Referans Kwoze

Maki 2:17

Ma Yesu Palisiyao 'idi gwae 'ihesagoheya, ta 'ihegwaediya, “Taudi wahidi waiwaidi genuwadi to'abihe bwebwe'ana, ma tolohalao hesi. Taugu yanaoma geya 'abehega tobwebwe'adi weyahidi, ma hesi topui ya'abihetedi.”

Luke 19:10

Taugu Loheyaiguina, ta yanaoma ma 'ane todeya ya'ebesedi ma ya'abihetedi, gide loheya bewa.”

Luke 5:32

Taugu yanaoma geya 'abehega tobwebwe'adi weyahidi ma hesi topuiyao ya'abihetedi, ma 'abehega nuwabui 'oinega ma sibwebwe'ana.”

Madiu 12:7

Yehoba 'ina gwae 'abehega, ‘Pwaoli geya nuwagu, ma 'atemuyamuya hesi.’ Ceguma gwae bewa 'ana sanapu wasanapu, sahena 'agu tomuliyao wa'ahwa'ahwa galagalaedi, weyahina geya sipui.

2 Pita 3:9

Tupwana tomota 'idi nuwatuhu 'abehega Yehoba geya'abwa 'ipaipaihowadi ginaulaedi mwalo 'igwae hemisaedi. Ma 'omi geya'abwa wanuwanuwatuhu 'eguma Yehoba 'ina paihowa 'oina gide 'iheheboi, ma hesi tauna ma'ina 'alama'i'ita 'iyamweyamwegomi ma mabwaiyami wanuwabui, ma genuwana 'aigeda taiya 'ihehe'waihi mahemahetena.

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

Luke 24:47

ma muliyetega saninega tetela bwebwe'ana, nuwabui ma galana 'ana nuwasam weyahidi siguguyae.’ Cidi guguyaina 'ida hegaina Yelusalema 'oinega, ma 'ida sakowasi bale'u mabwaiyana 'oina.

Madiu 4:17

Tuta nage 'oina Yesu 'ina lohatoto 'ihegaina ta 'igwae, “Cimi paihowa galadi 'oidiyega wanuwabui, weyahina nata ma Yehoba 'ihetoloina 'oida.”

Paihowa 2:38

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

Madiu 3:8

Coinega 'ilobwainegomiya ma 'imi nuwabui moisa wahe'itaedi 'imi paihowa bwebwe'adi 'oidiyega.

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

Madiu 21:42

Coinega Yesu wete gwae hegehegediyega Buki He'asisi 'oinega 'ihepwaileya, 'igwae, “Nuwana Buki He'asisi 'ina hepwaila geya wanuwatuhuyahi, beno 'igwaeya, ‘Logidiina mwalo tohada'abi silogwahateya, ma tuta bewa sihetoholo pwaiya ma sihelogidi nugeteya, ma logidi mabwaiyadi 'iloinaedi. Beno Bada 'ina paihowa 'ebe henainaida 'oida.’

Madiu 12:3

Coinega Yesu 'idi gwae 'ihemaiseya, 'igwae, “Buki He'asisi 'oina sileleya Debida weyahina, 'eguma wahasili wasanapu 'abehega Debidaina ma'iyanao sigomaleya,

Maki 12:26

“Mwalona Yehoba Mosese 'ihegwaeya toholohila weyahina, 'eguma Buki He'asisi wahasili, nata wa'ita loba. Weyahina tutaina Mosese yoho 'awawa 'itautauya ma Yehoba 'aiwe 'ala'alasina 'oinega Moseseina 'ihegwaeya 'igwae, ‘Taugu Ebalahamo 'ina Yehoba, ma Aisake 'ina Yehoba, ma Yakobo 'ina Yehoba.’

Yoni 10:34

Coinega Yesu wete 'ihegwae hilediya 'igwae, “Cima loina 'oidiya Buki He'asisi 'oina silele pwaiya Yehoba 'ina gwae 'abehega, ‘Comi tuwa yehobaedi.’

Madiu 19:4

Ta Yesu 'igwae, “Buki He'asisi 'oina wasanapu pwaiya lelelena 'abehega tuta 'ana 'ebe hegaina 'oina Tohemasalaha tomota 'eluwa 'ihemasalehediya, meloheyana ma mewahinena,

Madiu 12:5

“Buki He'asisi 'alona loina wete 'imiyamiya 'abehega Hada He'asisi 'ana topwaoliyao Sabati 'ana loina siligehi, ma beno geya pui.

Luke 10:26

Coinega Yesu 'igwaeya, “Loinaedi Mosese 'ilelediya Buki He'asisi 'oina, 'usanapu pwaidiya, 'awa?”

Maki 12:33

Coinega 'ilobwainegita ma tahelauwe 'ateda mabwaiyanega ta nuwada mabwaiyanega ta 'ida waiwai mabwaiyanega, ma wete 'iyadao tahelauwedi gidemusa tauda tahehelau 'esegita. Loina 'eluwaedi madoudi, ma hesi hebai nuwana 'e'ahai tapwaoliye Yehoba 'oina, beno geya madouna, 'awa?”

Luke 5:31

Ma Yesu 'idi gwaeina 'ihemaiseya, 'igwae, “Taudi wahidi waiwaidi genuwadi to'abihe bwebwe'ana, ma tolohalao hesi.