Madiu 8:4 - Loina Nuahuana

⁴ Coinega Yesu 'ihegwaeya, “Cutauya ma sahena 'eta taiya 'oina 'uhehepwailegau, ma hesi dumwadumwaluna 'utauya topwaoli 'oina ma 'i'itago, ma 'oinega 'upwaoli Yehoba 'oina to'aha gide 'ada loina Mosese 'oinega, ma tomota sisanapugo 'abehega 'ubwebwe'ana pwaiya.”

Madiu 8:4 Referans Kwoze

Luke 17:14

Coinega 'ilo'itahila ma 'ihegwaediya, “Watauya ma topwaoli 'oidiya wahe'itaegomi.” Ma sitautauya 'edai ta 'adi lepelo 'igumwala,

Luke 5:14

Coinega Yesu loheyaina 'oina 'ilohatoto, 'igwaeya, “Cutautau ma gesowana 'aigeda taiya wete 'oina 'uhehepwailegau, ma hesi 'utau topwaoli 'oina ma 'i'itago, ma 'oinega 'ino pwaoli 'u'ebwae Yehoba 'oina, to'aha gide 'ada loina Mosese 'oinega, ma 'oinega tomota sisanapugo 'abehega 'ubwebwe'ana pwaiya.”

Maki 7:36

Ma Yesu tomota 'i'etobodediya ma 'abehega geya'abwa taiya 'oina sida hehepwaila. Ma 'etobodaina geya sihesagohe, ma hesi sihe'ote'otetela dadaneya tomota 'oidiya.

Madiu 9:30

ma matadi si'asilala. Ma Yesu loina pa'alina 'i'ebwaediya, 'igwae, “Sahena taiya 'oina wahehepwailegau.”

Maki 6:11

Ma hesi 'eguma 'asa tupwadi 'oidiya walatu ma tomotaedi geya sibwauwegomi ma wete geya 'imi loguguya sihesagohe, 'asaedi 'ahemi gawalana 'oina walohutuhutu yahule ma wa'ebesine, ma 'oinega wahe'itadi 'abehega nata mwau 'oidiya 'ilatu.”

Maki 5:43

Ma Yesu 'i'ausidiya, 'igwae, “Sahena taiya 'eta 'oina wahehepwaila 'igu paihowa bewa weyahina, ma hesi gwama 'ana wa'ebwae ma 'i'ai.”

Madiu 17:9

Yesu ba'idanao 'oyega sidobidobima, ma Yesu 'ihegwaediya, 'igwae, “Ginauledi nige wa'itediya sahena tomota 'oidiya wahehepwaila 'ana siga taugu Loheyaiguina 'amasega yatoholo hilama.”

Madiu 10:18

ma sitoegomi ma sitauyegomi toloinao ma kiniyao matadiya ma sihe'ewegomi, weyahina 'omi 'abehega 'igu bodao, ma wasagu 'oidiya wahepwaile, ma wete tupwa 'atamana tomotaedi 'imi hepwaila sihesagohe.

Madiu 6:1

Wete Yesu 'igwaeya: Ceguma tutaina nuwanuwami ma wahelau taudi towewelohe 'oidiya, sahena tomota matadiya wapaipaihowa. Ceguma gide wapaihowa 'ese, sahena hepwatu nuwana maisa walobaloba Tamamiu galewa 'oinega.

Madiu 5:17

Sahena wanuwanuwatuhu 'abehega taugu yanaoma ma Mosese 'ina loinao nuwana palopitao 'idi he'itao ya'ewayahuledi. Ma hesi yanaoma ma 'abehega loinaedi ya'abilatuhedi.

Yoni 8:50

Taugu moisa yaboi geya sanigu yada 'abi haneheya. Toloina 'aigeda tauna hesi sanigu 'i'abi'abi hanehe.

Yoni 7:18

Ma hesi wanuwatuhuyahi 'eguma taiya 'iboimo 'ina nuwatuhu 'ihehe'ita, 'iboimo sanina weyahina 'ipaipaihowa. Ma hesi taugu nuwanuwagu ma tauna 'ihesumanegauma sanina ya'abi hemadou. Weyahina taugu 'igu gwaeyao moisa, ma wete geya 'igu puimo.

Yoni 5:41

“Ma hesi wada sanapu 'abehega taugu geya tomota 'idi hepwatu weyahidi yada nuwatuhuwa.

Luke 21:13

Cimi yatalaedi 'oidiya wasagu wahepwaile 'oidiya.

Maki 8:30

Ma Yesu 'iloina pa'alediya, 'igwae, “Geya sawasawahina 'eta taiya 'oina wahehepwailegau.”

Madiu 16:20

Eeta Yesu 'ana tomuliyao 'iloina pa'alediya, 'igwae, “Sahena 'aigeda taiya 'oina wahehepwailegau 'abehega taugu To'abihetenaina.”

Madiu 3:15

Ma Yesu Yoni 'ina gwae 'ihemaiseya, 'igwae, “Geya. Hesi bewa gide 'owa 'u'abihe babitaisogau. Weyahina bewa 'oinega loina mabwaiyadi 'ausaladi tamuliyedi.”

Maki 13:9

“Ta 'omi hesi wa'itayahigomi, weyahina tomota 'abwa si'abiyahigomi ma sitauyegomi yatala weyahina, ta Hada Tapwalolo 'oidiya sisapigomi, ta wete 'abwa toloinao ma kiniyao matadiya sitoegomi ma watoholo ma siheyatalaegomi, beno weyahina 'omi 'abehega taugu 'igu bodao, ta saugaina 'oina teteligu wahepwaile 'oidiya.

Maki 3:12

Ma Yesu 'iloina pa'alediya, 'igwae, “Sahena wabwaubwau ma wahehepwailegau 'abehega Taugu Yehoba Natuna.”

Maki 9:9

Coinega 'oyega sisulusuluma ma Yesu 'iloinaediya, 'igwae, “Ginauledi nige wa'ita pwaidiya geya'abwa tomota 'oidiya wahehepwailedi eema 'ana siga taugu Loheyaiguina 'amasega yatoholo hilama.”

Luke 4:41

Ma wete tupwana baibaiwadi 'oidiyega hi'ahi'a silatulatu ma siwuiwui, sigwaeya, “Moisa 'owa Yehoba Natuna!” Ma Yesu 'i'ausidiya ma sahena gide sigwaegwae 'esa, weyahina sisanapu pwaiya 'abehega tauna To'abihetenaina Yehoba 'oinega.

Luke 8:56

Nage 'oina tamana ma sinana nuwadi 'ihenainaida moisa. Ma Yesu wete 'ihenuwa laguwediya 'igwae, “Sahena 'aigeda taiya 'oina wahehepwaila 'igu paihowa bewa weyahina.”

Luke 9:21

Nage 'oina Yesu 'ana tomuliyao 'iloina pa'alediya ma sahena sihehepwaile tomota 'oidiya.