Madiu 8:22 - Loina Nuahuana

²² Ta Yesu 'ihegwaeya, “Tuwa! Nobwa tamau, ma hesi 'umuliyegau, ma taudi to'amasao 'idi to'amasa silagu galiha.”

Madiu 8:22 Referans Kwoze

Luke 15:32

ma hesi tasiu bewa 'i'amasa, ta bewa tuwa mayawasina taloba hileya, 'oinega 'ilobwainegita ma mahetedai tayaliyaya.’” Tetela bewa 'oinega Yesu Palisiyao ma loina 'ana tohe'itao 'igwae hegehegediyediya.

Kolose 2:13

Comi mwalo geya 'wapi'upwa* waloba, ta 'imi puiyao weyahidi gide 'ama'amasimi, ma hesi Keliso ba'idadai yawasi bwebwe'ana Yehoba 'i'ebwaegita, beno 'ida puiyedi 'inuwasamudiya.

Epeso 5:14

ma 'eguma ta'ita pwaiya, tauna hesi 'asilalaina. Bewa weyahina Buki He'asisi 'oina 'igwaeya, “Cowa to'eno'eno 'amasega 'utoholo ma Keliso 'ina 'asilala 'oinega 'u'asilala.”

Epeso 2:1

Ma 'omi mwalo gide 'ama'amasimi 'imi puiyao 'oidiyega ma Yehoba 'igihetoholo hilegomiya.

1 Timoti 5:6

Ma taudi hesi yaliyaya besobeso weyahina sinuwanuwatuhu, beno taudi wahidi mayawasidi, ma yaluyaluwadi si'amasa pwaiya.

Yoni 1:43

Gona 'i'adaleya, Yesu nuwanuwana 'itauya Galili. Citauya ma Galili 'oina Pilipi 'ilobeya, 'ibwauweya 'igwae, “Pilipi, 'unaoma 'umuliyegau.”

Madiu 9:9

Coinega Yesu tupwa bewa 'i'ebesineya ma 'itauya, ma loheya 'aigeda 'i'iteya, sanina Madiu, takesi 'ana hada 'ebe paihowa 'alona 'imiyamiya, 'oinega 'ihegwaeya, 'igwae, “Madiu, 'umuliyegau.” Ta Madiu 'itoholowa ma Yesu 'imuliyeya.

Madiu 8:21

Ta 'aigeda wete tomuliya 'inaoma ma Yesu 'ihegwaeya, 'igwae, “Bada, 'utagwalegau ma yahila nugeta ma tamagu yayamwa 'ina 'amasa weyahina, ma yalagu, ma muliyetega yamuliyego.”

Maki 2:14

Cihe'ita 'igumwala ma 'inaonao. Ma loheya 'aigeda takesi 'ana to'ewa 'i'iteya 'ina hada 'ebe paihowa 'oina 'imiyamiya. Loheyaina Libai, ma tamana Alipiyo. Ma Yesu 'ihegwaeya, “Libai 'umuliyegau.” Coinega Libaiina 'itoholowa ma Yesu 'imuliyeya.

Luke 9:59

Coinega heluwena wete 'inaoma ma Yesu loheyaina 'oina 'igwaeya, “Cumuliyegau.” Ma tauna 'igwaeya, “Bada, 'utagwalegau ma nugeta yahila, ma tamagu yayamwa 'ina 'amasa weyahina, yagalihe, ma muliyetega yamuliyego.”

Luke 9:60

Ma Yesu 'igwaeya, “Tuwa nobwa tamauina, ma taudi to'amasa 'idi to'amasa sigalihedi. Ma 'owa hesi 'ino paihowa 'abehega 'uhetohalewasa Yehoba 'ina 'ebeloina weyahina.”

Luke 15:24

Weyahina natugu bewa mwalo 'i'amasa, ta nige mayawasina taloba hileya.’ Coinega sihegaina ma siguyai ma'idi yaliyaya.

Yoni 21:19

Gwae bewa 'oinega Pita 'ina 'amasa weyahina Yesu 'ilihasa, ma 'ina 'amasaina 'oinega nata Yehoba sanina 'i'abi hanehe. Muliyetega Yesu Pita 'ihegwae hileya 'igwae, “Cumuliyegau.”

Yoni 21:22

Coinega Yesu Pita 'enana 'ihemaiseya 'igwae, “Beno geya 'eta to'aha 'oiuwa, ma 'eguma nuwanuwagu ma loheyainaina tuwa 'imiyamiya 'ana siga yahilama, nata wete gidemusa 'ilatu 'esa. Ma hesiyage 'owa bewa tuwa 'umuliyegau.”