Madiu 6:6 - Loina Nuahuana

⁶ Ma 'owa 'eguma 'u'ahwanoi, 'uluhu nugeta 'ino hada 'alona ma 'uhadagudu ma 'u'ahwanoi dahwana Tamadaina 'oina, ma taunamo 'i'itago ma muliyetega maisa bwebwe'ana 'i'ebwaego.

Madiu 6:6 Referans Kwoze

Madiu 14:23

Sigeluwa, ma Yesu boda 'ihewasaediya, ta muliyetega tauna 'iboinamo 'oyai 'ihaneya sabi 'ahwanoi Yehoba 'oina, ma 'iboiya. Ciboi pwaiya, ma Yesu 'iboinamo 'imiyamiya.

Paihowa 9:40

Ma Pita 'iloinaediya ta hadega sihapwesa, ma taunamo 'imiyamiya ma 'i'ahetulasa ma 'i'ahwanoi Yehoba 'oina, 'oinega 'i'ita hila ma wawanina 'ihegwaeya, 'igwae, “Tabita 'utoholo.” Ta Tabita matana 'iyahaliya ma Pita 'i'iteya, 'oinega 'eno'enowega 'imiyatoiya.

Madiu 6:18

'oinega tomota 'imi hudiina sahena sisanasanapu ma Tamamiumo to'aha 'atemiya 'imiyamiya 'isanasanapu ma 'ana maisa 'i'ebwaegomi.

Paihowa 10:9

Mali sabwelo 'asudibwalala 'abwama sitautauya ma 'asa Yopa sihahohoya, ta Pita hadai 'imiyamiya ta 'ihane tabwana sabi 'ahwanoi.

Madiu 6:4

ma 'oinega sahena tomota si'ita'ita, ma Tamamiumo 'imi 'ebwaya dahwanaina 'i'ita, ma muliyetega maisa bwebwe'ana 'i'ebwaegomi.

Epeso 3:14

Coinega taugu ya'ahetulasa Tamada matana,

Loma 8:5

Weyahina 'eguma taiyewedi mumuga bale'u simulimuliye, beno siboi weyahidi sinuwanuwatuhu, nata mumugainaina 'oinega 'amasa siloba, eeta taiyewedi Yehoba Yaluyaluwana sihematamatane, taudi Yehoba 'ina nuwatuhuina sipaipaihowa, ma 'ane yawasi bwebwe'ana ta miya daumwala siloba.

Paihowa 10:30

Ta Konilio 'igwaeya, “Bewa weyahina, sabwelo 'etoi sigumwala 'oina lahilahiya, gidemusa bewa 'ana tuta 'ahwanoi Yehoba 'oina, ma 'aigeda loheya ya'iteya mataguwa 'itotoholo, ma'ana 'ale'o 'asilalaina.

Yoni 1:48

Nataniyela Yesu 'ihesilaleya 'igwae, “Togidega ta 'usanapugauwa?” Ma Yesu 'igwae, “Nige heneyage ya'ita nugetegowa 'abwa muliyetega Pilipi 'ibwauwegowa, tutaina 'owa damaya huhuna 'umiyamiya.”

Yoni 20:17

Ma Yesu 'ihegwae hileya 'igwae, “Sahena 'u'abi'abi tohogau, weyahina 'abwa geya Tamagu 'oina yahane. Ma hesiyage 'utauya tasigwao 'oidiya, ma 'uhegwaedi 'abehega bewa tuwa taugu yahanehane Tamagu 'oina, tauna 'omi wete Tamamiu. Tauna taugu 'igu Yehoba ma 'omi wete 'imi Yehoba.”