Madiu 6:33 - Loina Nuahuana

³³ Cilobwainegomiya ma nugeta Yehoba 'ina loina ta 'ina 'eda dumwaluna wa'ebese ma wamuliye, eeta 'ami 'e'ahai ma 'ami 'ale'o 'i'ebwaegomi wete.

Madiu 6:33 Referans Kwoze

Luke 12:31

Ma 'ilobwainegomiya nugeta Yehoba 'ina loina 'oina watagwalegomi, ma 'oinega 'amiwa ta 'ami 'wama wete 'i'ebwaegomi.

Madiu 5:6

Ma 'eguma 'omi mumuga 'ausalana nuwanuwami madouna wayaliyaya, beno 'abwa mumuga bwebwe'ana 'atemiya 'imadou.

Yoni 6:27

Coinega bewa tuwa yahegwaegomi, sahena 'e'ahai gumwagumwalidi weyahidi wapaipaihowa, ma hesi 'e'ahai yawasimi miyamiya hatayana weyahidi wapaihowa. Ce'ahainaina bewa weyahina yahehegwaegwae. Loheyaiguina taugu nata ya'ebwaegomi. Weyahina Tamagu 'ina paihowa bewa weyahina 'ihesumanegauma ma yapaihowadi.”

Loma 14:17

Ma hesi wanuwatuhuyahi beno Yehoba 'ina 'ebeloina geya 'e'ahai nuwana we'aha weyahidi, ma hesi mumuga bwebwe'ana, ma nuwadaumwala ma yaliyaya, beno Yaluyaluwa Tabuna 'oinega.

Madiu 19:29

“Ma 'eguma taiyawedi 'omi 'imi hadao, bo tasimiyao, bo sinamiyao, bo nuhumiyao, bo tamamiyao, bo natumiyao, bo 'imi tanohao wa'ebesinedi, 'abwa ginauledi wa'ebesinediya 'adi miyalaena ma 'adi loheposeyana handeledi walobadi, yawasimi hataya ba'idana.

Loma 8:31

Ma moisa Yehoba 'ina helau 'imadou hedadeya. Ta 'eguma Yehoba mahetedai, nata 'i'abihetegita, eeta geya sowana 'eta taiya 'ilolo'alehegita.

1 Timoti 4:8

Eema ginauledi tapaipaihowedi wahida 'ana 'abi weyahina, beno ginaula bwebwe'ana, ma hesi yaluyaluwada 'ana 'abi ginaula bwebwe'ana hedada, 'i'abihetegita 'ida tuta bale'uwa weyahina, ma wete tuta 'inaonaoma weyahina.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

Madiu 4:17

Tuta nage 'oina Yesu 'ina lohatoto 'ihegaina ta 'igwae, “Cimi paihowa galadi 'oidiyega wanuwabui, weyahina nata ma Yehoba 'ihetoloina 'oida.”

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

2 Tesalonaika 1:5

Bewa 'ebe'ita ma 'oinega Yehoba 'ina loina dumwaluna tasanapu, weyahina 'ami mwauwedi 'oidiyega 'i'abihe pa'aligomi, ma 'ane 'ina 'ebeloina 'ana lugu 'ilobwainegomi.

Loma 10:3

Cedaina sihemata hwadiyeya, 'oinega siboidimo 'idi nuwatuhu simuliyediya ma 'abehega 'oidiyega Yehoba 'i'ahwa dumwaluwedi, ta si'aipate 'asaya, weyahina Yehoba 'ina nuwatuhuina 'adi 'ahwadumwalu weyahina geya sihemise.

Paihowa 28:31

ta Yehoba 'ina loina weyahina 'iguguguyae ma 'ihehe'itae Bada Yesu Keliso weyahina, ta geya 'aigeda taiya 'itoho ma 'ina guguyaina 'i'ausi.

2 Pita 1:11

ma 'oinega muliyetega ma'imi yaliyaya waluhu 'ida Bada ma 'ada To'abihetena Yesu Keliso 'ina 'ebeloina 'oina ma nobwa wamiya hataya.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

Luke 1:6

Ma siteluwaedi 'idi miya 'idumwalu hedadeya Yehoba matana, weyahina Yehoba 'ina loinao mabwaiyana sihematamatana bwaibwainidiya.

1 Kolinita 3:22

Gidemusa taugu ma Apolosa ma Pita wete 'ilagumaiya 'ami to'abihetenao, ma bale'u wete mabwaiyana 'i'ebwaegomiya, ma wete yawasimi ta 'imi 'amasa, wete ginaula mabwaiyana tuta bewa 'oina ma tuta sinaonaoma 'oidiya 'i'ebwaegomiya.

Paihowa 20:25

“Wanuwatuhuyahi mwalo tuta baibaiwana 'oidiya 'asakosakowasi 'oimiya, ta Yehoba 'ina hetoloina tetelina weyahina yalologuguya. Ma bewa wahesagohe, 'abwa nata geya wete wa'ite'ite hilegau.

Madiu 19:28

Ma Yesu 'ihegwaediya, “Yagwae moisa, 'abwa bale'u 'ana 'abihe'ehau 'oina taugu Loheyaiguina 'igu wagahata wasawasa 'oina yamiyatoi, ma wete 'omi 'agu tomuliyao wate tuwelo 'imi wagahata tuwelo 'oidiya wete wamiyatoi, ma meIsileli 'idi susuwao tuwelo waloinaedi.

Yoni 5:4

(-)