Madiu 6:28 - Loina Nuahuana

²⁸ Coinega to'aha weyahina wanuwanuwatuhu madouna 'ami 'ale'o weyahidi? Ma 'aigeda wete bewa 'ebe'ita, haneyao 'idi bwala gogowa weyahidi wanuwatuhu dadani. Tuta baibaiwana geya sipaihowa ma wete geya 'adi 'ale'o sipaihowadi.

Madiu 6:28 Referans Kwoze

Madiu 6:25

Coinega yahegwaegomi 'abehega sahena 'imi miya bale'uwa weyahina wanuwanuwatuhu madouna, 'ami 'e'ahai ta 'ami we'aha ta 'ami 'ale'o weyahidi. Weyahina yawasida ginaula madouna 'oida, ma tobwatobwaedi wahi weyahidi geya ginaula madouna.

Pilipai 4:6

Geya'abwa 'aigeda to'aha weyahina wanuwanuwa, ma hesi ma'imi loyauwedo ginaula mabwaiyadi weyahidi, Yehoba 'oina wa'etuluha, ta 'imi nuwatuhuwao weyahidi wa'ahwanoi,

Luke 12:27

“Ma 'aigeda wete bewa 'ebe'ita, hane 'idi bwala weyahina wanuwanuwatuhu. Tuta baibaiwana geya sida paihowa, ma wete geya 'adi 'ale'o sida paihowediya. Ma moisa tuwa, Solomoni 'ana 'wamao ma 'ana pasao 'adi 'ita 'ausaladi, ma hesi hane 'adi 'ita 'ausala hedadena.

Madiu 6:31

Geya'abwa wanuwanuwatuhu madouna ma wagwaegwae 'abehega, “To'aha 'a'ai?” bo “To'aha 'anuma?” bo “To'aha 'a'ote?”

Luke 3:11

Ma Yoniina 'igwaeya, “Ceguma taiyawedi 'omi 'ami 'ale'o 'eluwa ma 'iyamiyao geya 'adi 'ale'omo, 'aigeda wa'ebwaedi. Ma wete gide 'eguma 'ami madouna, tupwana togomaleyao 'oidiya waheguyaiye.”

Madiu 10:10

Sahena wete peha wa'ewa'ewa, sahena wete 'ami 'ale'o 'eluwa, sahena 'ami butu 'eluwa, sahena 'imi digona 'eluwa wa'ewa'ewadi, ma hesi 'abwa 'ami 'iluwana waloba, 'abwa wa'ai.

Madiu 6:27

Ma taiya 'oimiyega sawasawahina 'ina nuwatuhuwega 'ina tuta bale'uwa 'i'abiheduduli? Geya, 'awa?

Luke 10:41

Ta Yesu 'igwaeya, “Malida, togidega ma ginaula mabwaiyana weyahidi 'unuwanuwatuhu,

Luke 12:11

“Ma 'eguma tomota sitoegomi hada tapwalolo 'oidiya sabi heyatalaegomi babadao ta toloinao matadiya, sahena wa'ate'ateyoho bo nuwana wanuwanuwatuhu togidega 'idi hesilalaina wahemaisa 'ese,

Luke 12:22

Coinega 'ana tomuliyao 'oidiya 'igwaeya, “Sahena 'imi miya weyahina wanuwanuwatuhu madouna, 'amiwa ma 'ami 'ale'o weyahidi.

1 Pita 5:7

Ceguma wanuwagala, beno 'ami mwauyao mabwaiyadi Yehoba 'oina wa'ebwae ma 'i'ewayahuledi, weyahina Yehobaina 'i'atemuyamuyaegomiya.