Madiu 6:16 - Loina Nuahuana

¹⁶ Wete 'eguma tutaina 'oina tapwalolo weyahina wahudi, beno geya sowana wa'ai, sahena manimi 'ilolonohunohu gide tuwa tonuwagala. Ma to'abo 'idi paihowa gide, weyahina taudi 'adi 'ita si'abihegaledi ma 'abehega 'idi hudi tomota sisanapu. Taudi 'adi hepwatu tuta bewamo silobaloba, ma 'abwa geya.

Madiu 6:16 Referans Kwoze

Luke 18:12

Taugu hesi wiki 'aigeda 'aigeda sabwelo 'eluwa 'oidiya 'e'ahai 'oinega yahudihudi, ma wete 'igu tobwatobwa mabwaiyana 'oinega tupwana ya'ebwa'ebwaego.’

Maki 2:18

Yoni 'ana tomuliyao ma wete Palisiyao sihudiya 'idi tapwalolo weyahina, 'oinega tupwadi loheloheya Yesu 'oina sinaoma ma sihesilala, sigwaeya, “Yoni 'ana tomuliyao ma wete Palisiyao 'adi tomuliyao sihudihudi, ma togidega 'a tomuliyaowedi geya sihudi?”

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

Madiu 6:5

Cimi 'ahwanoi wete gide, 'eguma wa'ahwanoi Yehoba 'oina, sahena to'e'abo'abo gide wa'ahwa'ahwanoi, weyahina taudi nuwanuwadi ma tomota matadiya tapwalolo 'alona nuwana 'asai sitoholo ma si'ahwa'ahwanoi. Moisa 'adi hepwatu tuta bewa tuwa silobaloba, ma tuta 'inaonaoma geya.

Madiu 6:2

Ma tutaina wahehelau towewelohe 'oidiya, sahena yoguli wamu'amu'a, gide taudi to'e'abo'abo hada tapwalolo nuwana 'asa 'oidiya yoguli simu'amu'adi ma 'abehega tomota 'idi helau si'itadi ma sihepwatuwedi. Hede 'adi maisa tuta bewamo 'oina silobaloba ma hesi tuta 'inaonaoma geya maisadimo.

2 Kolinita 11:27

'ima paihowa madouna, ma miyamwau 'adi tuta 'oidiya, nihuwana geya yada 'enowa, ma gomale ta tani'oyahala, wete tuta tupwana baibaiwana geya 'agumo, ta geya 'igu hadamo, ma geya 'agu 'wamamo tuta gogai 'oidiya.

1 Kolinita 7:5

Ma wete geya'abwa wa'eno'eno wasiwasi mwanemiyao 'oidiyega. Beno tuwa 'eguma tohai siteluwaedi 'idi nuwatuhu mahemahetena ma sabwelo tupwadimo 'oidiya sida 'ahwa'ahwanoi Yehoba 'oina ma muliyetega wete si'enoluwa hila, ta geya'abwa wamiyamiya wasiwasi hedade tabu ta nuwatuhu dahwanaedi 'oimiya sihapwesa ma 'oidiyega Seitani 'itoho ma 'imi hai 'i'abihegaladi.

Luke 2:37

Ma mwanena 'i'amasa ta tauna 'ihiwapeya, ma 'imiyamiya 'ana siga 'ana bolime 'eitipowa. Ma wahineina tauna Hada He'asisi geya 'ida 'ebesineya sabwelo ma hinuwana 'oidiya, ma Hada He'asisi 'alona Yehoba 'ihehe'asisiye, ma 'i'ahwa'ahwanoi hegomaleyega.

2 Kolinita 6:5

sapi, 'ebepai, 'aleha, paihowa, 'oyatola masala, gomale,

Paihowa 10:30

Ta Konilio 'igwaeya, “Bewa weyahina, sabwelo 'etoi sigumwala 'oina lahilahiya, gidemusa bewa 'ana tuta 'ahwanoi Yehoba 'oina, ma 'aigeda loheya ya'iteya mataguwa 'itotoholo, ma'ana 'ale'o 'asilalaina.

Madiu 6:1

Wete Yesu 'igwaeya: Ceguma tutaina nuwanuwami ma wahelau taudi towewelohe 'oidiya, sahena tomota matadiya wapaipaihowa. Ceguma gide wapaihowa 'ese, sahena hepwatu nuwana maisa walobaloba Tamamiu galewa 'oinega.