Madiu 6:10 - Loina Nuahuana

¹⁰ ma 'oinega 'ino nuwatuhuwedi 'apaihowadi, gide tuwa megalewa sipaipaihowa.

Madiu 6:10 Referans Kwoze

Ibeliu 10:36

Ma 'ilobwainegomiya watoholo pa'ala ma Yehoba 'ina nuwatuhu wapaihowa, ma to'aha 'igwae hemisaeya wa'ewa.

Yoni 4:34

Muliyetega Yesu 'ana tomuliyaedi 'ihegwae hilediya, “Bewa tauna 'aguina: Tauna 'ihesumanegauma 'ina nuwatuhu yapaihowadi ma 'ina paihowa mabwaiyana yalosalohidi.”

Madiu 26:42

Cigumwala, 'ihanaowa wete, 'i'ahwanoiya, 'igwae, “Tamagu yo, 'eguma geya sowana muyamuya biyoina 'u'ewa, ma 'eguma 'ino nuwatuhu gidemusa, tuwa yanuma.”

Madiu 12:50

“Weyahina 'eguma taiyawedi Tamagu galewa 'ina nuwatuhu simulimuliye, taudi tasigwao, nuwana nuhugwao, nuwana sinagwao.”

1 Tesalonaika 5:18

Ma wete tuta mabwaiyana waloyauwedo Yehoba 'oina, 'eguma 'imi miya bwebwe'adi 'oidiya ma wete miya galadi 'oidiya, 'imi yaliyayaina beno Yehoba 'ina nuwatuhu, tauda Yesu Keliso 'ina bodao weyahida.

Loma 12:2

Sahena bale'u mumugana 'oina watagwa tagwalegomi, ma hesi wahimi mabwaiyana watagwaledi Yehoba 'oina. Coinega 'imi nuwatuhuwao Yehoba 'i'abi hehauhaudi, ma 'ina nuwatuhu bwebwe'adi ta yaliyaliyayadi ma dumwadumwaludi wasanapudi.

Yoni 6:40

Tamagu bewa gide wete 'ina nuwatuhu ma 'abehega taiyawedi 'eguma taugu natunaina si'itegauwa ma sihemisaegauwa, nata yawasidi miyamiya hatayana siloba. Ma wete tuta 'ana 'ebe losaloha 'oina 'amasa 'oinega ya'abi hetoholo hiladi.”

Kolose 1:9

Saugaina wasami 'ahesagoha nugeteya 'ana siga bewa, 'ima 'ahwanoi weyahimi geya 'ada lolaguwa. Ma hesi Yehoba 'oina 'a'ahwa'ahwanoi ma 'oinega Yaluyaluwa Tabuna 'i'abihenuwa sabwalenigomi, ta 'ane wasanapu bwaibwaini to'aha 'ina nuwatuhu weyahimi.

Epeso 6:6

Geya'abwa 'abehega 'eguma tutaina 'imi babadao si'ebubugomi ma 'abwa 'oidiya wapaihowa bwaibwaina, ma 'eta tuta geya, ma hesi Yehoba weyahina 'imi guibiga 'atemiyega wapaipaihowa.

Madiu 7:21

Baibaiwadi 'oiguwa si'ahwa'ahwa bada ma 'abwa sahena siluhuluhu Yehoba 'ina 'ebeloina 'oina, beno namo taudi Tamagu galewa 'ana tohematamatanao.

1 Pita 2:15

Ma Yehoba 'ina nuwatuhu bewa ma 'eguma tomata'u'upao sigwae besobeso weyahimi, ma 'iyamo 'imi paihowa bwebwe'ana 'abwa si'ita ma gesowana to'aha weyahimi sigwaegwae.

Ibeliu 13:21

Ma Yehoba sowasowana ginaula baibaiwadi 'ausaladi 'i'ebwaegomi ma 'oidiyega 'ina nuwatuhu wamuliye moisa, ma 'oinega Yesu Keliso 'ina paihowega Yehoba 'i'abihe bwebwe'anigomi to'aha gide 'ina nuwatuhu, ma weyahimi 'iyaliyaya. Coinega Kelisoina tada hepwatu hatae. Emeni.

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Luke 22:42

'igwaeya, “Tamagu yo, 'eguma nuwanuwau, muyamuya biyoina bewa 'oiguwega 'uda 'ewayahule. Ma sahena taugu 'igu nuwatuhu 'oinega, ma hesi 'owa 'ino nuwatuhu 'oinega 'upaihowa.”

Yoni 7:17

Taiyawedi 'omi 'eguma Yehoba 'ina nuwatuhu wapaipaihowa, 'omi nata wasanapugau 'abehega 'igu he'itaina Yehoba 'oinega, ma geya yaboi 'igu nuwatuhuwega.

Heꞌitaꞌita 19:6

Ma wete yahesagoheya gide boda madouna 'enadi, ma wete gide we'aha daudauna 'enana, ma wete gide gugula 'enana sigwaegwae, “Yehoba wahepwatuwe, weyahina tauna 'ida Bada Tohewaiwai hedade ta 'ihetoloina pwaiya.

1 Tesalonaika 4:3

Yehoba nuwanuwana 'imi miya 'ausaladi, ma sahena wapuipui,

Paihowa 21:14

Ta 'a'etobode 'asaeya ta 'alolaguwa, ma 'agwae, “Causala beno, to'aha 'ida Bada 'ina nuwatuhu gidemusa 'ida paihowa.”

Paihowa 13:22

Muliyetega Yehoba Saulo 'ilososomaneya ta 'idi kini hauhauna Debida 'ilaguya. Tauna Debida weyahina Yehoba 'igwaeya, 'Desi natuna Debida yalobeya, ma yahemisaeya, weyahina 'igu nuwatuhuwao baibaiwadi 'ipaipaihowadi.’

Madiu 4:17

Tuta nage 'oina Yesu 'ina lohatoto 'ihegaina ta 'igwae, “Cimi paihowa galadi 'oidiyega wanuwabui, weyahina nata ma Yehoba 'ihetoloina 'oida.”

Heꞌitaꞌita 12:10

Muliyetega galewega 'enana madouna yahesagoheya, 'igwaeya, “Bewa tuwa Yehoba 'ina waiwaiyega 'iloinegita, ma 'i'abihetegita. Ta wete 'ada To'abihetenaina 'ihetoloina 'oida. Weyahina tasidao 'adi tohe'ewa, tauna mwalo nihuwana ma sabwelowa Yehoba matana 'itotoholo ta 'ihehe'ewediya, tauna galewega siula latuheya.

1 Pita 4:2

Coinega 'ida tuta mabwaiyana bale'uwa tamiyamiya tatagwalegita Yehoba 'oina ma tauna 'iloinaegita ma hesi 'ida nuwa'ubuna geya'abwa 'iloloinaegita.

Ibeliu 10:7

Coinega yatagwalegauwa 'owa Yehoba 'oiuwa, ta yatauyama ma 'ane 'ino nuwatuhu yapaihowa, gide mwalo weyahigu Buki nupinupilina 'oina sileleya.”

Luke 19:38

sigwaegwae, “Yauwedo Bada, Yehoba Saninega 'utauyama, 'oinega yaliyaya ma hepwatu galewa 'oina simadou hedada.”

Maki 3:35

Taiya 'owa 'eguma Yehoba 'ina nuwatuhuina 'umulimuliya, 'owa beno tasigu bo nuhugu, nuwana sinagu.”

Madiu 16:28

“Yagwaeya moisa 'oimiya 'abehega tomota tupwami sahena wa'ama'amasa 'ana siga taugu Loheyaiguina yahilama sabi loina, ma 'oina wa'ita hilegau.”

Maki 11:10

Cebeloina tubumai Debida 'oinega 'ilatu hilama. Bewa weyahina Yehoba Tolotabwana hedada 'ahehepwatuwe.”

Heꞌitaꞌita 11:15

Ma anelose hesebenina 'ina yoguli 'imu'eya, ta galewega 'enadi madounega sigwaegwae, “To'abihetena ta Tamana Yehoba sihetoloina pwaiya bale'u 'ina 'ebeloina mabwaiyana 'oidiya, ma geya'abwa 'idi loinaina 'igumwagumwala.”

Heꞌitaꞌita 20:4

Ma wete tupwana wagahata wasawasa ya'itediya, ma 'oidiya taudi Yehoba loina 'i'ebwaediya simiyatoiya. Ta wete tomotaedi tani'odi si'upwediya, weyahina taudi Yesu 'ana tohepwailao ma Yehoba 'ina gwae 'ana tohepwailao, yaluyaluwadi ya'itediya, taudi geya hebaiina ma'ina dimwa tagitagina 'oidiya sida 'etuluha, ta geya 'ana 'ila'ilala manidiya ma nimadiya silagudi. Taudi bewa 'amasega sitoholo pwaiya, ta Keliso ba'idadiu siloiloina bolime tausani 'oidiya.

Ibeliu 1:14

Ta anelose taudi yaluyaluwa tuwa ma tohalewasa, taudi Yehoba 'ilagudiya ta 'abehega si'abihetegita tauda taiyawedi 'eguma 'abihetena weyahina 'ihesinuwanegita.

Kolose 1:13

Moisa, tupwa guguyou 'oinega 'i'etolihasigita ma 'ilagubuigita Natuna 'ina 'ebeloina bwebwe'ana 'oina.

Luke 19:11

Ma Yelusalema deina nata ma silatu, eeta bodaedi sinuwanuwatuhu 'abehega Yehoba 'ina loina nata 'ihegaina, 'oinega gwae hegehegedi bewa 'i'ebwaediya,

Paihowa 22:14

“Ta 'ihegwaegauwa, 'Tubudao 'idi Yehoba 'ihesinuwegowa, 'abehega 'ina nuwatuhu 'usanapu ma Tobwebwe'anaina 'u'ita, ta 'ina gwae 'uhesagohe,