Madiu 5:47 - Loina Nuahuana

⁴⁷ Wete 'eguma tasimiyaomo wahe'iya'iyaguwedi geya mumugami hali tomota mumugadi 'ibwebwe'ana sine, weyahina taudi ganamuli 'iyadiyaomo sihehelabinidi, 'oinega taudi ma 'omi tuwa mumugami mahemahetena.

Madiu 5:47 Referans Kwoze

Luke 6:32

Ma 'eguma tomota tupwadi sihelauwegomi ma siboidimo wahelauwedi, geya 'ana bwebwe'anamo 'oimiya, weyahina togala wete 'iyadiyao sihehelauwedi, 'oinega taudi ma 'omi tuwa mumugami mahemahetena.

Madiu 5:20

Wete yahegwaegomi 'abehega 'ilobwainegomiya ma mumugami taudi Palisiyao ma loina 'ana tohe'itao 'idi mumuga 'ida bwebwe'ana sinedi. Ma 'eguma geya, sahena Yehoba 'ina 'ebeloina 'oina waluhuluhu.

1 Pita 2:20

Ma wanuwatuhuyahi 'abehega 'eguma 'ida paihowa galana 'oinega sigihemuyegita ma ta'alama'i'ita, beno geya ginaula madouna. Ma hesi 'eguma 'ida paihowa bwebwe'ana 'oinega sigihemuyegita, ma ta'alama'i'itana, Yehoba weyahida 'iyaliyaya.

Madiu 10:12

Ma 'eguma 'aigeda hada 'oina waluhu, nugeta waloyauwedo 'oidiya.

Madiu 5:46

Ma 'eguma 'iyamiyaomo wahehelauwedi, geya sawasawahina ma maisa Yehoba 'oinega waloba, weyahina togalaedi, gide takesi 'ana to'ewao, 'idi helau gide 'omi 'imi helau, 'iyadiyaomo sihehelauwedi.

Madiu 5:48

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Kolose 4:14

Wete 'iyadai Luke, tauna to'abilohala, ma Dimasa 'idi loyauwedo 'oimiya.

Kolose 4:15

Ciyadao Leodisiya tupwaina 'oina simiyamiya 'igu loyauwedo wahepwaila 'oidiya, ma wete tohekalesiyaowedi wahineina Nimpa 'ina hada sitapwalolo 'oidiya.