Madiu 5:17 - Loina Nuahuana

¹⁷ Sahena wanuwanuwatuhu 'abehega taugu yanaoma ma Mosese 'ina loinao nuwana palopitao 'idi he'itao ya'ewayahuledi. Ma hesi yanaoma ma 'abehega loinaedi ya'abilatuhedi.

Madiu 5:17 Referans Kwoze

Loma 10:4

Ma Keliso 'ina paihowega Mosese 'ina loina 'oidega 'igumwala, eeta bewa tutaina tauna 'ina loina 'ihegaineya ma 'eguma taiya Kelisoina 'ihemisae, nata Yehoba 'i'ahwa dumwaluwe.

Luke 16:17

Galewa ma bale'u 'idi sawala sowasowahina, ma hesi Mosese 'ina loinao bwagana 'i'iu sehenina, geya'abwa sigumwagumwala.”

Loma 8:4

Ma bewa tutaina sowasowahida loina bwebwe'ana tamuliye, beno Yehoba Yaluyaluwana 'ina 'abihetenega, ma geya tomota mumugadiyega.

Loma 3:31

Coinega togidega bewama 'ana sanapu, loinaina 'abehega tabuiyahule ta hemisa tada 'abiyahi, 'awa? Sahena! Ma hesi sawasawahina loina tahe'asisiye ma 'oida 'ihemadou.

Madiu 7:12

Ma 'eguma nuwanuwami to'aha ma tomota 'oimiya sipaihowa, beno 'omi wete gide 'oidiya wapaihowa 'ese, weyahina bewa Mosese ma palopitao 'idi loina 'ana bwagila.

Madiu 3:15

Ma Yesu Yoni 'ina gwae 'ihemaiseya, 'igwae, “Geya. Hesi bewa gide 'owa 'u'abihe babitaisogau. Weyahina bewa 'oinega loina mabwaiyadi 'ausaladi tamuliyedi.”

Paihowa 18:13

ma sigwae, “Loheyaina bewa tomota 'itebatebaedi ta 'abehega hali tapwalolo Yehoba 'oina sipaihowa, ma bewa 'ida loina 'iligeligehi.”

Paihowa 6:13

ta tohe'ewa 'abo'abowedi sibwauwedima, ma taudi sigwae, “Loheya bewa tuta baibaiwana 'oidiya Mosese 'ina loinao ma Hada He'asisi bewa wete 'isinasinalidi,

Yoni 8:5

Tauda 'ida loina Mosese 'i'ebwaegita 'abehega 'eguma taiyawedi tolopui talobadi wahine bewa gidemusa, 'abehega 'ilobwainediya ma da'ule 'oidiyega ta'ahu yamatedi ma si'amasa. Ma hesi 'owa togidega 'ino nuwatuhu wahine bewa weyahina?”

Paihowa 21:28

ta siwuiwui, sigwaegwae, “MeIsileli he, wanaoma ma loheya bewa wa'ita, tauna tomota tupwa mabwaiyana 'oidiya 'ihe'ita puidiya, 'abehega 'ida boda sisinasinaligita, ta 'ida loinao ma 'ida Hada He'asisi sisinalidi, ma wete Hada He'asisi bewa 'i'abihe ginaula bwagebwageya, weyahina tupwa ganamuliyega, taudi geya meYudiya, 'i'ewedima 'alona.”