Madiu 3:2 - Loina Nuahuana

² “Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Madiu 3:2 Referans Kwoze

Madiu 4:17

Tuta nage 'oina Yesu 'ina lohatoto 'ihegaina ta 'igwae, “Cimi paihowa galadi 'oidiyega wanuwabui, weyahina nata ma Yehoba 'ihetoloina 'oida.”

Luke 24:47

ma muliyetega saninega tetela bwebwe'ana, nuwabui ma galana 'ana nuwasam weyahidi siguguyae.’ Cidi guguyaina 'ida hegaina Yelusalema 'oinega, ma 'ida sakowasi bale'u mabwaiyana 'oina.

Madiu 6:10

ma 'oinega 'ino nuwatuhuwedi 'apaihowadi, gide tuwa megalewa sipaipaihowa.

2 Kolinita 7:10

Moisa, nuwagala Yehoba 'oinega ginaula 'ausalana ma 'i'abihe nuwabuigita, ma 'oinega 'abihetena taloba. Coinega sahena nuwagalaina talologwahate. Ma hesi hali nuwagala bale'u 'oinega 'abwa 'ilohe'amasigita.

Madiu 10:7

ma 'oidiya wahepwaila 'abehega Yehoba 'ina loina 'ilatu pwaima.

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Luke 15:10

Gide wete 'eguma 'aigeda togala 'inuwabui, nata Yehoba 'ina aneloseyao weyahina siyaliyaya madouna.”

Luke 13:3

“Ma 'omi wete 'abwa wa'amasa gide tuwa taudi, 'eguma mumugami galadiyedi 'oidiyega geya wanuwabui.

Luke 11:20

Ma taugu hesi Yehoba 'ina waiwaiyega hi'ahi'a yaulaula latuhedi, 'oinega wada sanapu 'abehega Yehoba 'ina loina 'ilatu pwaima 'oimiya.

2 Pita 3:9

Tupwana tomota 'idi nuwatuhu 'abehega Yehoba geya'abwa 'ipaipaihowadi ginaulaedi mwalo 'igwae hemisaedi. Ma 'omi geya'abwa wanuwanuwatuhu 'eguma Yehoba 'ina paihowa 'oina gide 'iheheboi, ma hesi tauna ma'ina 'alama'i'ita 'iyamweyamwegomi ma mabwaiyami wanuwabui, ma genuwana 'aigeda taiya 'ihehe'waihi mahemahetena.

Paihowa 17:30

“Tutaina mwalo tomota Yehoba sihemwage mwageyeya, 'oinega geya 'ida gamwasowalediya, ma hesi bewa tuwa tauda tomota tupwa mabwaiyana 'oidiya 'iloinaegita ma 'ida pui 'oidiyega tanuwabui.

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Paihowa 2:38

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

Luke 6:20

Coinega Yesu 'ana tomuliyaowedi 'i'ebubudiya ta 'ihegwaediya, 'igwae: Ceguma 'omi wewelohemi, wayaliyaya weyahina Yehoba nimana wamiyamiya.

Madiu 13:52

Ma 'ihegwaediya, “Bewa tuwa wasanapu 'abehega loina 'ana tohe'itao 'eguma Yehoba 'ina loina simanasama pwaiya, taudi gide tuwa 'aigeda hada toniwagana 'ina tobwatobwa tupwadi miyamiyadi ma tupwadi 'ehaudi ta mabwaiyadi 'alodiya wasawasa 'imiyamiya.”

Madiu 13:47

“Ma wete Yehoba 'ina loina gide tuwa gomana tomota siyahuweya holai, ma hali silahana ma hali silahana si'onediya,

Madiu 13:33

Caigeda wete gwae hegehegedi 'i'ebwaediya, 'igwae, “Yehoba 'ina loina gide tuwa pwalawa 'ana 'ebe 'abiheseseha. Wahine 'i'eweya 'i'iuna tuwa ta pwalawa madouna ba'idana 'ihebweliyeya, 'oinega mabwaiyana 'iseseha.”

Madiu 12:41

“Cabwa sabwelo yatala 'oina nata meNinibe sitoholo ma mehau 'omi sihe'ewegomi, weyahina Yona 'oidiya 'ilohatotowa ma Ninibeyedi 'idi mumuga galana 'oidiyega sinuwabuiya, ma 'omi tuta bewa lohatoto 'ausala hedade wahesagoha pwaiya ma geya wada nuwabuiya.

2 Timoti 2:25

Ma wete 'ada 'alehao 'oidiya mumugada nuhana 'oinega ta'abihe dumwaludi, ma 'oinega Yehoba, 'eguma sawasawahina ma 'i'abihetedi ma sinuwabui ta he'ita moisa simuliye,

Kolose 1:13

Moisa, tupwa guguyou 'oinega 'i'etolihasigita ma 'ilagubuigita Natuna 'ina 'ebeloina bwebwe'ana 'oina.

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

Luke 15:7

Coinega gide wete 'eguma 'aigeda togala 'inuwabui, megalewa aneloseyao weyahina siyaliyaya madouna, ma hesi tobwebwe'adi site nainti naeniyedi weyahidi 'idi yaliyaya 'i'iuna.

Luke 13:5

Geya hene! Ma hesi 'omi 'abwa 'eguma mumugami 'oidiyega geya wanuwabui, 'abwa wa'amasa site 'eitiniyedi gidemusa.”

Luke 9:2

Coinega 'ihewasediya ma 'abehega Yehoba 'ina hetoloina tomota 'oidiya siguguyae, ma wete lohalao si'abihe bwebwe'anedi.

Maki 6:12

Coinega 'ana tomuliyaowedi sisakowasiya 'asa mabwaiyana 'oidiya, siguguya ma 'abehega tomota mumugadi galana silogwahatedi ma sinuwabui,

Maki 1:4

Coinega Yoni to'abihe babitaisoina 'ilatuwa yoho 'awawa, 'ihepwaila tomota 'oidiya, 'igwae, “Mumugami galadi 'oidiyega wanuwabui ma ya'abihe babitaisogemi ma Yehoba 'imi mumugaedi 'inuwasamudi.”

Madiu 5:10

Ceguma 'omi 'imi paihowa bwebwe'ana weyahina tomota si'alehegomi, beno wayaliyaya weyahina Yehoba nimana wamiyamiya.

Madiu 5:3

Comi ma'imi nuwadobi wayaliyaya, weyahina Yehoba nimana wamiyamiya.

Heꞌitaꞌita 2:21

Ma wahineina 'ina tuta ya'ebwae pwaiya ma 'abehega 'ina puiyedi 'oidiyega 'ida nuwabui, ma hesi genuwana ma 'ina logwali 'ilogwahate.

Madiu 13:31

Caigeda wete gwae hegehegedi 'i'ebwaediya, 'igwae, “Yehoba 'ina loina gide tuwa seyala patuna 'aigeda loheya 'i'eweya ma tanoha 'idauniya.

Madiu 13:11

Ma Yesu 'igwaeya, “Comi Yehoba 'oimiya 'itagwala pwaiya ma 'ina loina 'alona 'ana tosanapuwao, ma bodaedi geya.

Madiu 6:33

Cilobwainegomiya ma nugeta Yehoba 'ina loina ta 'ina 'eda dumwaluna wa'ebese ma wamuliye, eeta 'ami 'e'ahai ma 'ami 'ale'o 'i'ebwaegomi wete.

Heꞌitaꞌita 2:5

Mwalo bwebwe'ami, ma wanuwatuhu ta'eha 'oinega wabe'uwa, 'oinega wanuwabui hila ma wapaihowa bwebwe'ana, gide mwalo. Ma 'eguma 'abwa geya wanuwabui, nata yatauyawa 'oimiya ma 'imi mayale 'oimiyega ya'ewa yahule.

Ibeliu 6:1

He'ita nugenugetana Keliso weyahina wahesagoha pwaidiya ta wasanapudiya, 'oinega nuwanuwagu sanapu hauhaudi Keliso weyahina yahe'itegomi ta 'imi nuwatuhu 'oidiya waheloheya. He'itaedi tahesagoha pwaidiya ta tasanapudiya sahena talolohilahiladi. He'itaedi bewa: 'ida mumuga mwalo galadi 'adi logwahata, 'ida hemisa Yehoba 'oina,

Paihowa 26:20

ma hesi Damasiko 'oina yahepwaila nugeta, ma muliyetega Yelusalema wete 'oina, ma Yudiya 'asanao mabwaiyana 'oidiya, ma taudi geya meYudiya 'asa ganamuli wete 'oidiya yahepwaile, ta 'abehega mumugadi galana 'oidiyega sinuwabui Yehoba 'oina, ta mumuga bwebwe'ana 'oidiyega 'idi nuwabui sihe'itae.

Madiu 22:2

“Yehoba 'ina loina gide kini 'aigeda 'ai 'ipaihoweya natuna meloheyana 'ina hai weyahina.

Madiu 25:1

Ma Yesu 'ihegwaediya wete, 'igwae, “Yehoba 'ina loina bewa gide: wahiwahine site teni 'idi mayale si'ewediya ma sitauya tohai meloheyana sabi helatuina 'ina hai guyaina weyahina.

Madiu 23:13

“Ma hesi 'omi loina 'ana tohe'itao ma Palisiyao 'atemuyamuyaimi, weyahina 'imi 'abowega tomota wa'ausidiya ma 'oinega Yehoba 'ina 'ebeloina 'oina sahena siluhuluhu. Comi geya'abwa waluhuluhu, ma tomota wete taiyawedi nuwanuwadi ma siluhu wanuwahidiya.

Madiu 20:1

“Yehoba 'ina loina gide tuwa loheya 'aigeda ma'ina tanoha, loheyaina 'abwakululu 'itoholowa ma 'itauya 'asai ta tupwadi topaihowao 'itoediya sabi paihowa 'ina tanoha.

Madiu 18:23

Weyahina Yehoba 'ina loina gide kini 'aigeda, tauna nuwanuwana ma 'ina topaihowao 'idi lowaga sihemaise 'oina.

Madiu 11:20

Coinega Yesu 'asaedi 'ina paihowa waiwaidi si'iteya, ma geya sinuwabui 'idi puiyao 'oidiyega, taudi 'iheheliyediya, 'igwaeya,

Luke 21:31

Gide wete 'eguma 'ila'ilalaedi wa'italobadi, beno wada sanapu 'abehega Yehoba 'ina loina 'ilatulatuma.

Luke 16:30

Ma hesi towasawasaina 'igwaeya, ‘Tamagu, beno geya sowasowahina. Ma 'eguma taiya 'amasega 'itoholohila ma 'itauya 'oidiya, ma tauna si'ita, 'oinega sinuwabui bwaibwaini.’

Madiu 25:14

“Yehoba 'ina loina wete gide 'eguma 'aigeda bada nata 'itauya hali tupwa, ma 'ina topaihowao 'ibwauwedima, ma 'ihegwaediya ma 'abehega 'ina tobwatobwa si'itayahi.

Madiu 13:24

Gwae hegehegedi 'aigeda wete Yesu 'i'ebwaediya, 'igwae, “Yehoba 'ina loina gide tuwa 'aigeda loheya witi patuna bwebwe'adi 'ina tanoha 'isaweyanediya.

Madiu 4:23

Yesu Galili mabwaiyana 'isakowasiyeya, ma 'idi hada tapwalolo 'oidiya 'ilohatotowa, ma tetela bwebwe'ana Yehoba 'ina loina weyahina 'ihehepwaila, ma wete tomota 'adi lohalao 'oidiyega 'i'abi hebwebwe'anediya mabwaiyadi.

Luke 1:16

Ma 'oinega tauna meIsileli baibaiwadi 'itoe hiledima 'idi Bada Yehoba 'oina.