Madiu 3:10 - Loina Nuahuana

¹⁰ Ma 'eguma 'imi mumuga geya bwebwe'adi nata Yehoba 'iheyatalaegomi, gide 'aiwe 'eguma geya huwaina bwebwe'ana, tomota sigoha yahuledi ma 'aiwe 'ala'alata 'oina siuledi ma sigabudi.

Madiu 3:10 Referans Kwoze

Yoni 15:6

Coinega taiyawedi 'omi 'eguma geya'abwa 'oiguwa wamiyamiya, nata Tamagu 'oiguwega 'i'ewa yahulegomi ma wawelai. Gidemusa 'aiwe lagalaganao siwelawelai ma 'aiwe 'ala'alasidi 'oidiya sigabugabudi.

Luke 3:9

Ma 'eguma mumugami geya bwebwe'adi 'abwa Yehoba 'ibwa'omategomi gide 'aiwe, 'eguma geya huwaina bwebwe'ana, loheloheya sigoha yahule, ma 'aiwe 'ala'alata 'oina siuledi, ma sigabudi.”

Madiu 7:19

Ma hene 'eguma 'aiwe geya sida huwa huwaina bwebwe'ana, nata tagoha yahule ma tagabu.

Yoni 15:2

Lahagwao 'eguma geya sida huwa bwaibwaina nata tauna lahagwaowedi 'i'upwa yahuledi. Ma hesi lahagwaowedi 'eguma huwaidi bwebwe'adi nata moisa 'i'abi bwaibwainidi ma sihuwa bwaibwaina.

Ibeliu 6:8

Ta hesi 'eguma bale'uina 'oina 'awata ma talitali sibwala, bale'uina ma'ana heliya Yehoba 'oinega, ta tuinenamo 'ilobwaineya.

Madiu 21:19

Ma 'edai 'aiwe 'ana 'ita gide tuwa damaya 'i'ita lobeya, ma 'inaowa deina, ta geya 'aigeda huwaina 'i'ita loba, weyahina nabainamo. Coinega Yesu 'aiweina 'iheliyeya, 'igwaeya, “Cabwa sahena wete 'uhuwahuwa hila.” Ma 'aiweina 'iwelaiya mwayamwayauwa.

Luke 23:31

Moisa, taugu nata yahesilae, ma 'omi 'abwa wahesilae geyogeyoi. Weyahina taugu gide 'aiwe 'idahigu, ma 'omi tuwa gide 'aiwe 'ama'amasidi.”

Ibeliu 12:25

Coinega wa'ita yahigomi ma tauna galewega 'igwaegwae 'oida sahena 'enana walologwahate. Weyahina mwalo tomota tupwadi bale'uwa Mosese 'ina lohatoto 'oidiya silogwahateya, ta mwau silobeya. Ma bewa sauga Yehoba galewega 'ilologuguya 'oida, ta 'eguma 'enana talogwahate mwau madou hedade taloba.