Madiu 28:9 - Loina Nuahuana

⁹ Ma Yesu 'edai 'ilobediya ma 'iloyauwedowediya, ma sinaoma ma 'ahena sigitohodiya ma si'etuluha 'oina.

Madiu 28:9 Referans Kwoze

Madiu 28:17

ma Yesu si'iteya ma 'oina si'etuluha. Ma tupwadi 'oidiyega 'abwa ma'idi henuwanaluwa.

Madiu 14:33

Ma taudi waga 'ana tomiyao si'etuluha Yesu 'oina, ma sigwae, “Moisa tuwa 'owa Yehoba Natuna.”

Yoni 20:28

Coinega Tomasi 'igwae hila, ma 'igwaeya, “Cowa moisa 'igu Badaina ma wete 'igu Yehobaina.”

Luke 24:52

Taudi 'ina 'ebehaneina 'oina ma'idi he'asisi si'etuluha, ma muliyetega ma'idi yaliyaya madouna sihila Yelusalema.

Yoni 12:3

Muliyetega Meli holowa 'aigeda bwebwe'ana sanina nadi ma wete 'ana maisa madouna, 'i'eweyama Yesu 'ahena 'iheholoiya ma wete Meliina debanega Yesuina 'ahena 'isaudiya. Holowainaina mahaina madou hedadena 'oinega mahainega hada 'alona mabwaiyana 'imiya hegagaleya.

Luke 7:38

Yesu deina 'itoholowa ma 'idoudou, ma mataneunega Yesu 'ahena 'ihebuteya, ta debanega 'isaudiya, weyahina wahineina debana dudulena, ma wete Yesu 'ahena 'inisoya, ma holowaina 'isiweya Yesu 'ahena.

Heꞌitaꞌita 3:9

“Moisa taudi Tomudulele 'ina bodao si'abowa ta sigwae 'abehega taudi meYudiya, ma geya. Cabwa yaloinaedi ma sinaoma matamiya ma si'etuluha, ma 'ane mabwaiyadi sisanapu 'abehega 'omi ya'atemuya muyaegomiya.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

Yoni 20:19

Ma wete wiki 'ana sabwelo nugenugetaina lahilahiyega Yesu 'ana tomuliyaowedi 'oidiya 'ilatuwa. Tutaina 'oina, 'ana tomuliyaedi hada 'aigeda 'oina siluhuwa ma si'eda gudu su'wasu'wana ma solana simiyamiya, weyahina meYudiya simatautediya. Coinega Yesu 'oidiya 'ilatuwa ma gamwagamwanidiya 'itoholowa ma 'ihegwaediya 'igwae, “Sahena wa'ate'ate yoho.”

Luke 1:28

Ma anelose Meli 'oina 'ilatuwa ma 'ihegwaeya 'igwae, “Yauwedo Meli. Bada 'ina helau madou hedadena 'oiuwa, ma tauna bewa tuwa maheteu.”

Madiu 23:7

ma 'eguma 'ebe maketi 'oina sitauya nuwanuwadi ma tomota baibaiwadi siloyauwedowedi nuwana si'ahwa tohe'itaedi.

Madiu 28:8

Coinega wahiwahineyedi ma'idi matauta, ma wete ma'idi yaliyaya, galiha si'ebesineya ma sipili mwayamwayauwa, 'abehega Yesu 'ana tomuliyao 'oidiya ginaula bewa sida hepwaile.

Madiu 28:10

Coinega Yesu 'ihegwaediya, 'igwaeya, “Sahena wa'ate'ateyoho, ma hesi watauya ma 'iyagwao wahemataluwedi ma sitauya Galili 'oina, nage 'oina 'abwa si'itegau.”