Madiu 27:24 - Loina Nuahuana

²⁴ Coinega Pailato 'isanapuya 'abehega geya 'ina waiwaimo, ma boda sihe'ohe'ohe 'ana 'oleya 'abehega nata sihegaina ma sihe'upwa. Coinega we'ahega nimana 'ibuyoya bodaedi matadiya, ma 'igwae, “Sahena wete to'aha yaloiloina loheya bewa bwebwe'ana 'ina 'amasa weyahina, ma waboimo wada loina.”

Madiu 27:24 Referans Kwoze

Madiu 27:4

ta 'igwae, “Yalopuiya, weyahina loheya bwebwe'ana 'oimiya yatebaeya.” Ma sigwaeya, “Beno geya 'aigeda to'aha 'oima, ma 'owa tuwa weyahiu 'unuwanuwatuhu.”

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

Madiu 26:5

ta sigwaeya, “Sahena guyai 'alona Yesu ta'abi'abiyahi, 'amuge ta tomota sigamwasowala ma silo'aleha 'oida.”

Paihowa 3:14

“Moisa tuwa, Yesu tauna loheya dumwaluna ma bwebwe'ana, ma hesi walogwahateya, ta tomota 'adi tolohe'amasa 'aigeda nuwanuwami, ta weyahina Pailato 'oina wa'ahwanoiyeya.

Yoni 19:4

Ma Pailato 'ilatu hila ma bodaedi 'ihegwaediya, 'igwae, “Loheya bewa yatoeyama 'oimiya, ma waboi matamiyega wa'ita ma wasanasanapu 'abehega geya 'eta wete pui 'oinega yaloba toho.”

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Madiu 27:9

Nage 'oina to'aha palopita Yelemaiya 'igwae nugeteya 'ihapwesa, weyahina mwalo Buki He'asisi 'oina sileleya 'abehega, “MeIsileli tauna 'ana maisa sibwauweya, beno dimwa siliba 'adi baibaiwa teti, ta maneyedi si'ewedima.

Madiu 27:19

Ma wete tutaina 'abwa Pailato yatala 'ipaipaihowa, ma mwanena wasa 'ihetuneyama ma 'igwaeya, “Sahena wete to'aha 'uloinae loheya beno bwebwe'ana. Weyahina nige yanihiyeya, ta 'ebe matauta madouna 'oiguwa.”

Madiu 27:23

Ma Pailato 'ihegwaediya, “To'aha hede 'ina pui, ma 'oinega 'abehega 'amasa 'iloba?” Ma sibwau 'aso'asona, sigwaeya, “Kelose 'oina tada tutuhepa'ine!”

Yoni 13:9

Saimoni Pita Yesu 'oina 'itagwala 'igwae, “Cinapwana, bwebwe'ana. Ta geya 'abehega 'ahegumo, ma hesi nuwanuwagu nimagu wete debagu mabwaiyana 'ubuyodi.”