Madiu 26:53 - Loina Nuahuana

⁵³ Ma hesi wada sanapu 'abehega sawasawahina yada 'ahwanoi Tamaguina sauga bewa ma 'ida 'ebwaegau 'ina aneloseyao 'idi bodao tausani ma tausaniyao sabi 'abihetegau.

Madiu 26:53 Referans Kwoze

Madiu 4:11

Ma Seitani Yesu 'i'ebesineya, ma muliyega aneloseyao silatuwa ma silemeya.

Luke 8:30

Coinega Yesu loheyaina 'ihesilaleya, 'igwae, “Togidega saniu?” Ma tauna 'igwaeya, “Sanigu Baibaiwa Hedada, weyahina hi'ahi'a baibaiwadi siluhu pwaiya 'aloguwa ta simiyamiya.”

Yude 1:14

Mwalohene Inoke togalaedi weyahidi 'iloguguya, ma Inokeina 'eguma yasoyao tahasilidi Adama 'oinega ma 'itauya yaso sikisi sigumwala, ma yaso hesebenina beno Inoke 'ina yaso. Eeta Inokeina 'ina loguguya 'oina 'igwaeya, “Wa'ita! Bada 'ina aneloseyao 'asi'asilalaidi ma mabwaiyadi mahetenao sinaonaoma,

2 Tesalonaika 1:7

Yahegwaegomi 'omi tomiya mwau, 'ida Bada Yesu galewega nata 'isulu mwayamwayauma, ma 'ina aneloseyao ta 'aiwe ganinisa wete 'i'eweyama, ma 'omi ma tauma 'ida 'aiyawasi 'i'ebwaegita.

Madiu 25:31

“Cabwa taugu Loheyaiguina, ma'igu wasawasa 'asi'asilalaina, ma ma'igu aneloseyao 'alatuma, ma 'oinega 'igu wagahata wasawasa 'oina yamiyatoi sabi loina,

Maki 5:9

Ma Yesu wete 'ihesilala 'igwae, “Togidega saniu?” Ma tauna 'igwaeya, “Sanigu Baibaiwa Hedada, weyahina mabodaima loheya bewa 'alona 'amiyamiya.”

Maki 5:15

Coinega Yesu 'oina sinaoma, ma loheyaina si'iteya, mwalo hi'ahi'a 'alona simiyamiya, debana 'idumwaluwa ma 'ale'o 'i'oteya ta 'imiyamiya. Nage 'oina mabwaiyadi si'ateyohowa.

Yoni 10:18

Cigu 'amasaina geya 'eta taiya 'iloinaegau ma ya'amasa, yaboi tuwa yatagwalegauwa ma ya'amasa. Sowasowahigu yatagwalegau ya'amasa, ma weteyage sowasowahigu yawasigu ya'ewa hila, weyahina Tamagu bewa gide 'ina nuwatuhu ta wete 'ina loina 'oiguwa.”

Yoni 18:36

Ma Yesu 'igwaeya, “Bale'u bewa taugu geya 'igu 'ebeloina. Weyahina taugu 'eguma moisa bale'u bewa 'igu 'ebeloina, 'agu tomuliyaedi sawasawahidi ma weyahigu silosabilau ma meYudiya geya'abwa si'abi'abi yahigau. Ta moisa tuwa, bale'u bewa taugu geya 'igu 'ebeloina.”