Madiu 24:48 - Loina Nuahuana

⁴⁸ “Ma hesi 'eguma topaihowa 'imumuga galana ma 'iboinamo 'oina 'igwae, ‘Cigu bada 'abwa 'iheheboi,’

Madiu 24:48 Referans Kwoze

Madiu 18:32

Coinega badaina 'ina topaihowa 'ibwauweyama ma 'ihegwaeya, 'igwae, ‘Cowa topaihowa galau, weyahina 'ino 'ahwanoi 'atemuyemuyega 'ino lowaga mabwaiyana yanuwa samudiya,

Luke 12:45

Ma hesi 'eguma topaihowaina 'iboimo 'oina 'igwae, ‘Cigu bada 'abwa 'iheheboi, 'oinega taugu 'igu nuwatuhu yapaihowadi.’ Coinega 'iyanaowedi loheloheyadi ma mewahinedi 'isapisapidi, ma wete geya 'e'ahai 'ida 'ebwaediya, ma 'iboinamo 'i'ai'ai ma 'inumanuma, ma 'inuma yauyaule.

Paihowa 5:3

Pita 'ihegwaeya, 'igwae, “Ananaiyasi to'aha weyahina Seitani nuwau 'i'eweya ma tanoha 'ana maisa tupwana 'udahweya? Beno 'ino 'abo Yaluyaluwa Tabuna 'oina.

Yoni 13:2

Sauga nage 'oina Yesu ma 'ana tomuliyao nima bwaubwau ma 'eluwa mahetenao si'ai'ai. Ma Yudasa Isakaliyota, tauna Saimoni natuna, Seitani 'oina 'iluhu pwaiya 'ihenuwa laguweya ma 'abehega Yesu 'itebae.

Maki 7:21

gidemusa nuwatuhu galana ma logwali, yagaha, lohe'amasa, pui,

Paihowa 8:22

Coinega 'ilobwainegowa ma 'ino pui bewa 'oinega 'unuwabui, ma 'u'ahwa'ahwanoi Yehoba 'oina, ma nuwana 'ino nuwatuhu galadi bewa 'inuwasamudi.

Luke 19:22

“Ma badaina 'igwaeya, ‘Moisa, 'owa topaihowa galau. Tuwa 'uboi 'ino gwaeyega 'a loina ya'ebwaego. Weyahina 'usanapugauwa 'abehega taugu loheya pa'aligu, ta 'igu wasawasa ya'ewa'ewa hali tomota 'idi paihowa 'oidiyega,

Madiu 25:26

“Ma badaina 'iheliyeya, 'igwae, ‘Topaihowa galau ta tologwahata 'owa, 'usanapugauwa 'abehega 'igu wasawasa ya'ewa'ewa hali tomota 'idi paihowa 'oidiyega,

Madiu 24:47

‘Cino paihowa 'ausaladi weyahina yayaliyaya, 'oinega ginaula mabwaiyadi 'adi loina ya'ebwaego ma 'uloina.’

Madiu 24:49

ma 'ihegaina ma 'iyanao 'isapi dadanedi ma 'i'ai hedahedade, nuwana 'inuma hedahedade toheyauyaule ba'idanao,