Madiu 24:30 - Loina Nuahuana

³⁰ Tuta nage 'oina taugu Loheyaiguina 'igu 'ila'ilala galewega 'ilatuma, ma boda mabwaiyadi bale'uwa si'itegau yaloha pwatanega ma'igu waiwai ma ma'igu wasawasa madouna yalatulatuma, ma sidougwaegwae.

Madiu 24:30 Referans Kwoze

Heꞌitaꞌita 1:7

Ma wa'ita 'abwa tauna galewega 'isuluma yaloha 'oinega, ma tomota mabwaiyadi eema taudi mwalo 'ana tobadiyao 'abwa si'ita, ma tomiya bale'u mabwaiyadi 'abwa sinuwagala, ma matana sidou. Gide. Emeni.

Paihowa 1:11

ta sigwae, “MeGalili he, to'aha weyahina wa'e'ebubuna galewa? Yehoba Yesuina 'itoe pwaiya galewa, ma 'abwa 'isulu hilama, ma 'ina suluma 'ana 'ita 'abwa gide 'ina haneina nige wa'iteya.”

Madiu 26:64

Ma Yesu 'igwaeya, “Cino gwaeina gidemusa. Ma wete yahegwaegomi beno 'abwa taugu Loheyaiguina wa'itegau Tohewaiwaina 'ina 'ebeulega yamiyatoi sabi loina, ma wete 'igu hilama wa'ita galewa yaloha debadiya.”

Luke 21:27

“Taugu Loheyaiguina, ta tuta nage 'oina mebale'u mabwaiyadi si'itegau yalohega yasulusuluma, ma'igu waiwai ta ma'igu wasawasa madouna.

Madiu 24:3

Muliyetega 'itauya Olibe 'oyana 'oina ta 'imiyatoiya, ma 'ana tomuliyao 'oina sinaoma ta siboidimo simiyamiya ma 'oinega sihesilaleya, sigwaeya, “Bada, 'uhegwaemai to tuta 'oina Hada He'asisi sile'wa, ma 'ino tuta hilama, ma tuta 'ana 'ebelosaloha weyahina 'adi 'ila'ilala 'uhe'itemai ma 'asanapu.”

2 Tesalonaika 1:7

Yahegwaegomi 'omi tomiya mwau, 'ida Bada Yesu galewega nata 'isulu mwayamwayauma, ma 'ina aneloseyao ta 'aiwe ganinisa wete 'i'eweyama, ma 'omi ma tauma 'ida 'aiyawasi 'i'ebwaegita.

Maki 13:26

Tuta nage 'oina mebale'u taugu Loheyaiguina si'itegau yaloha 'oidiyega yasulusuluma ma'igu waiwai ta ma'igu wasawasa madouna,

Luke 22:69

Ma wasanapu 'abehega tuta bewa 'oinega ma muliyetega taugu Loheyaiguina yamiyamiya Yehoba Tohewaiwai hedade 'ina 'ebeulega.”

Maki 13:4

“Bada 'uhegwaemai to tuta 'oina Hada He'asisi siligehi, ma to 'ila'ilala 'adi 'ita 'oidiyega 'ada sanapu 'abehega ginauledi 'i'iunamo silatuma?”

Madiu 24:37

Tuta nage, Nowa 'ina tuta gide.

Madiu 24:39

ma yagewa 'ilohe'ateyohodiya, ta 'oinega tomota mabwaiyadi sidamana, ma taugu Loheyaiguina 'igu hilama gide.

Heꞌitaꞌita 12:1

Ma galewa 'ebe henainaida madouna 'ilatuwa, beno wahine 'aigeda, 'ana 'ale'o sinala gide, ma wai'ena 'oina 'itotoholo, ma debana 'ana pasa 'ipwala tuwelo.