Madiu 23:35 - Loina Nuahuana

³⁵ “Ma 'ana 'ebelosaloha 'oina tobwebwe'ana 'adi lohe'amasa 'ana maisa mabwaiyana 'omi waloba. Loheya nugenugetana Ebeli tauna tobwebwe'ana silohe'amasiya, eeta silolohe'amasa 'ana siga Balakaya natuna Sakaliya wete silohe'amasiya Hada He'asisi ma 'ebe pwaoli gamwagamwanidiya.

Madiu 23:35 Referans Kwoze

Ibeliu 11:4

Coinega Ebeli wete ma'ina hemisa 'ipwaoli Yehoba 'oina, 'oinega 'ina pwaoliina Keni 'ina pwaoli 'ibwebwe'ana sineya, ta Yehoba 'iyaliyaya Ebeli 'ina pwaoli weyahina ta 'i'ahwa dumwaluweya. Ebeliina bale'u 'i'ebesine pwaiya, ma hesi 'ina hemisega 'oida 'ihehe'ita.

Heꞌitaꞌita 18:24

“Ma wete mwalo tomota baibaiwadi gide palopitao ta Yehoba 'ina topaihowao silohe'amasidiya 'asaina Babiloni 'oina, ma weyahina 'ana mwau 'ilobeya Yehoba 'oinega.”

Ibeliu 12:24

ta wete Yesu 'oina, tauna loina hauhauna 'ana to'eheleina, ta bweyahina 'ana losehusehula 'oinega 'i'abihetegita, ma geya gide Ebeli bweyahina, weyahina beno 'ebehesilae.

Luke 11:51

beno Ebeli silohe'amasiya ma 'oinega silolohe'amasa ma 'ana siga Sakaliya 'ina tuta 'oina silohe'amasiya Hada He'asisi ma 'ebepwaoli gamwagamwanidiya. Moisa tuwa lohe'amasaedi mabwaiyadi 'adi maisa mehau 'omi waloba.

Paihowa 5:28

'igwae, “Mwalo 'oimiya 'aloina pa'ala 'abehega gesowana Yesu saninega wahehe'ita tomota 'oidiya, ma togidega ta 'oinega Yelusalema mabwaiyana 'alona Tomota wahehe'ita Yesu weyahina, 'abehega tauma 'ima loinega silohe'amasiya?”