Madiu 23:26 - Loina Nuahuana

²⁶ Comi Palisiyao mata gibugibuimi, 'imi biyo ta 'imi gaeba 'alodi wa'abi he'ehau nugetedi, ma 'oinega wete 'atamanega wa'abi he'ehaudi.

Madiu 23:26 Referans Kwoze

Yemesa 4:8

Ta wanao Yehoba deina ma 'oinega tauna wete 'inaowa deimiya. Ta 'omi galami ma to'abo 'ilobwaineya ma nimami wadeulidi ma 'atemi wagihe'ehaudi.

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

Madiu 12:33

Yesu wete 'ihegwaediya, “Caiwe 'eguma 'ausalana, huwaina wete 'ausalana. Ma 'eguma 'aiwe galana, huwaina wete galana. Weyahina 'aiwe 'aigeda 'aigeda huwaidi 'oidiyega tasanasanapudi 'abehega 'aiwedi 'ausaladi bo galadi.

Luke 6:45

Gide loheya mumugana, 'eguma loheya 'ina nuwatuhu 'ausalana mumugana mabwaiyana bwebwe'ana. Ma 'eguma loheyaina 'ina nuwatuhu galadi mumugana mabwaiyana galadi. Weyahina nuwatuhuwedi to'aha gide 'atemiya simiyamiya sauga baibaiwana 'ahwamiyega silatulatu.

Madiu 14:8

Coinega sinana 'igwae gumalaulauina 'oina, ma gumalaulauina Helodi 'ihegwaeya, 'igwae, “Nuwanuwagu Yoni to'abihebabitaiso mwaguna gaeba 'oina 'ulagu ma 'u'ebwaegau.”

Maki 7:4

Ma 'eguma 'ebe gimwane 'oinega sinaoma nimadi sideuli nugete 'abwa si'ai. Ma wete loina baibaiwana tubudiyao 'oidiyega gaeba ma biyo ma walata 'adi deula weyahina simulimuliye.

Luke 11:39

Ma Yesu Palisiina 'ina nuwatuhuina 'isanapu pwaiya, 'oinega 'oina 'igwaeya, “Comi Palisiyao gide tuwa biyo ma gaeba, weyahina gwahumiumo wabuyobuyodi, ma 'alomiya 'imaha moisa yagaha ma mumuga galadi 'oidiyega.