Madiu 22:21 - Loina Nuahuana

²¹ Ma sigwaeya, “Kini Sisa.” Coinega Yesu 'ihegwaediya, “Cehe, gide. Coinega 'eguma kini 'ina ginaula wa'ebwae kini 'oina, ma 'eguma Yehoba 'ina ginaula Yehoba 'oina wa'ebwae.”

Madiu 22:21 Referans Kwoze

Loma 13:7

Coinega takesi 'adi tuta 'ewa 'oina ma'ida tagwala tatakesi, ma weteyage toloinao ma babada tahe'asisiyanedi ma weyahidi tayaliyaya.

Paihowa 4:19

Ta Pita ma Yoni 'idi loina sihemaiseya, sigwae, “Togidega 'ilobwaineya ma Yehoba matana tauna 'ina gwae 'amuliya, bo nuwana 'omi tuwa 'imi gwae 'ada muliya? Bewa weyahina wanuwanuwa.

Madiu 22:37

Ma Yesu 'igwaeya, “‘Cino Bada Yehoba 'uhelauwe 'ateu ma yaluyaluwau ma 'ino nuwatuhu mabwaiyadi 'oidiyega.’

Luke 23:2

Sitauyeya Pailatoina 'oina, ta Yesu weyahina sihepwaila 'abo'abowa, sigwaeya, “Loheya bewa 'ina he'ita 'ahesagohediya ta 'abehega tauma meYudiya 'ihawasiyemai, beno gide 'igwaeya, ‘Sahena Kini Sisa 'ana takesi walagulagu, weyahina taugu kiniina, ta To'abihetenaigu.’”

Paihowa 5:29

Ta Pita ma tohepwailaowedi sigwaeya, “Cilobwaineya ma Yehoba 'ina gwae 'ahematamatane, ma geya'abwa tomota 'idi gwae.

Madiu 4:10

Coinega 'iheliyeya 'igwae, “Seitani 'u'ebesinegau. Buki He'asisi 'alona loina 'imiyamiya 'abehega, ‘Cino Bada Yehoba namo 'oina 'u'etuluha ma taunamo 'ina gwae 'uhematamatanedi.’”

Madiu 22:20

ta Yesu 'ihegwaediya, 'igwae, “Wahegwaegau, mane bewa 'oina taiya ma'ama'ayauna ma sanina?”

Maki 12:17

Ta Yesu 'ihegwaediya, “Ee gide, 'eguma Kini 'ina ginaula wa'ebwae Kini 'oina, ma 'eguma Yehoba 'ina ginaula Yehoba wa'ebwae.” Ma Yesu 'ina gwaeina weyahina nuwadi 'ihepwanopwano madouna.

Luke 20:25

Coinega Yesu 'igwaeya, “Cehe gide! Ceguma Kini 'ina ginaula wa'ebwaya Kini 'oina, ma 'eguma Yehoba 'ina ginaula Yehoba wa'ebwae.”