Madiu 20:1 - Loina Nuahuana

¹ “Yehoba 'ina loina gide tuwa loheya 'aigeda ma'ina tanoha, loheyaina 'abwakululu 'itoholowa ma 'itauya 'asai ta tupwadi topaihowao 'itoediya sabi paihowa 'ina tanoha.

Madiu 20:1 Referans Kwoze

Madiu 13:47

“Ma wete Yehoba 'ina loina gide tuwa gomana tomota siyahuweya holai, ma hali silahana ma hali silahana si'onediya,

Madiu 13:24

Gwae hegehegedi 'aigeda wete Yesu 'i'ebwaediya, 'igwae, “Yehoba 'ina loina gide tuwa 'aigeda loheya witi patuna bwebwe'adi 'ina tanoha 'isaweyanediya.

Ibeliu 13:21

Ma Yehoba sowasowana ginaula baibaiwadi 'ausaladi 'i'ebwaegomi ma 'oidiyega 'ina nuwatuhu wamuliye moisa, ma 'oinega Yesu Keliso 'ina paihowega Yehoba 'i'abihe bwebwe'anigomi to'aha gide 'ina nuwatuhu, ma weyahimi 'iyaliyaya. Coinega Kelisoina tada hepwatu hatae. Emeni.

1 Kolinita 15:58

Ma wete 'iyagwao yaloyauwedo madouna 'oimiya ta yaguguyegomi ma watoholo pa'ala ma tuta mabwaiyana wada hetapewa Bada 'ina paihowa 'oina, weyahina 'abwa Bada 'ina paihowaina 'oinega huwaina taloba.

Yoni 15:1

Coinega Yesu wete 'ihegwaediya 'igwae, “Taugu 'aiwe huwahuwa moisa waini weyahina, ma Tamagu tauna topaihowa.

Madiu 25:1

Ma Yesu 'ihegwaediya wete, 'igwae, “Yehoba 'ina loina bewa gide: wahiwahine site teni 'idi mayale si'ewediya ma sitauya tohai meloheyana sabi helatuina 'ina hai guyaina weyahina.

Madiu 22:2

“Yehoba 'ina loina gide kini 'aigeda 'ai 'ipaihoweya natuna meloheyana 'ina hai weyahina.

Madiu 13:33

Caigeda wete gwae hegehegedi 'i'ebwaediya, 'igwae, “Yehoba 'ina loina gide tuwa pwalawa 'ana 'ebe 'abiheseseha. Wahine 'i'eweya 'i'iuna tuwa ta pwalawa madouna ba'idana 'ihebweliyeya, 'oinega mabwaiyana 'iseseha.”

Madiu 13:31

Caigeda wete gwae hegehegedi 'i'ebwaediya, 'igwae, “Yehoba 'ina loina gide tuwa seyala patuna 'aigeda loheya 'i'eweya ma tanoha 'idauniya.

Madiu 25:14

“Yehoba 'ina loina wete gide 'eguma 'aigeda bada nata 'itauya hali tupwa, ma 'ina topaihowao 'ibwauwedima, ma 'ihegwaediya ma 'abehega 'ina tobwatobwa si'itayahi.

Maki 13:34

Cebe'ita wete Yesu 'i'ebwaediya 'igwae, “Ceguma 'aigeda bada 'abehega 'ina hada 'abwa 'ipilisine ma 'itautau hali tupwa, 'ina topaihowa 'aigeda 'aigeda 'idi paihowa 'iheguyaidi, ma 'iloinedi ma 'abehega 'ina hada si'itayahi, ma wete hada 'ana 'ahwa'eda 'ana to'itayahina 'ihegwae, 'igwae, ‘Geya'abwa 'u'eno'eno, ma hesi 'ulomatayahi bwaibwaini.’

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Madiu 23:37

“Yelusalema yo! Togidega ta palopitao 'ulohe'amasidiya ma wete Yehoba 'ina tohalewasao galewega 'uloda'ulediya. Tuta baibaiwana nuwanuwagu ma 'ino tomotaiyao yabwau he'autedima gide 'am'am natunao pepenega 'i'ahusamudiya, ma tuwa silogwahategauwa.

Madiu 21:28

Yesu wete topwaoliyedi ma babadaedi 'ihegwaediya, “Togidega 'eguma loheya natunao meloheyadi 'eluwa tamadiu tautuwa 'oina 'igwae, ‘Natugu, nata 'utauya tanoha 'upaihowa,’

Madiu 20:2

Coinega loina 'ilaguya ma 'abehega sabwelo 'aigeda paihowa 'ana maisa kina 'aigeda, ta sitagwala. Coinega 'ihesumanediya ta sitauya 'ina tanoha sabi paihowa.