Madiu 2:2 - Loina Nuahuana

² sigwae, “To'eha meYudiya 'idi kini hauhaunaina? Casanapuya 'ili'u pwaiya, weyahina 'ina 'ipwala 'a'iteya tupwa bomatuwega 'isaehaneya, 'oinega 'atauyama sabi 'etuluha 'oina.”

Madiu 2:2 Referans Kwoze

Heꞌitaꞌita 22:16

“Taugu Yesu, ta 'igu anelose yahetune pwaiyawa 'oimiya, ta 'abehega ginaulaedi bewa 'ihepwailedi tohekalesiyao 'oimiya. Taugu Debida 'ina susu 'aigeda, ma taugu wete tomodaba 'asilalana.”

Yoni 18:37

Coinega Pailatoina Yesu wete 'ihesilala hileya 'igwae, “Cabehega 'owa 'aigeda kini?” Ma Yesu 'igwae, “Beno tuwa 'ugwae pwaiya, weyahina yali'uma ta bale'u bewa 'oina yatauyama ginaula bewa weyahina, ma 'oinega sanapu moisa weyahina yahetohepwaila, ma taiyawedi 'eguma sanapu moisaina sihemisae ma si'abiyahi, taudi beno 'enagu 'ana tohesagohao moisa.”

Ibeliu 1:6

Ma tutaina 'ina tautuwa 'ihesumaneyama bale'uwa, 'igwaeya, “Aneloseyao galewa sawasawahidi ma tauna 'oina si'etuluha.”

Luke 23:38

Ma wete 'ana kelose pwatana 'ina 'amasa huhuna sileleya, 'igwaeya, “Loheya bewa meYudiya 'idi kini.”

Luke 23:3

Coinega Pailato Yesu 'ihesilaleya, 'igwaeya, “Togidega, 'owa meYudiya 'idi kini, wa?” Ta 'ihegwaeya, 'igwae, “Beno 'ugwae pwaiya.”

Yoni 5:23

ma 'oinega mabwaiyami wahe'asisiyanegau gide Tamagu wahehe'asisiyana 'ese. Ma 'eguma taiyawedi geya wahe'asisiyanegau, beno wete Tamagu tauna 'ihesumanegauma geya wahe'asisiyane.

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Luke 19:38

sigwaegwae, “Yauwedo Bada, Yehoba Saninega 'utauyama, 'oinega yaliyaya ma hepwatu galewa 'oina simadou hedada.”

Luke 2:11

Ma wasaina bewa, nige hinuwanaina Debida 'ina 'asa, 'ami To'abihetenaina 'ili'uwa, Tauna 'ida Bada Keliso.

Yoni 9:38

Coinega loheyaina 'igwae, “Cinapwana, 'abwa hesi yahemisaegowa,” eeta 'i'etuluha Yesu 'oina.

Yoni 19:19

Yesuina 'ana kelose debana Pailato gwae 'ileleya ma 'i'ahu hepa'ineya 'igwae, “Yesu gwama Nasaleta tauna meYudiya 'idi kini.”

Yoni 12:13

Coinega tomotaedi sadasada lahwaina si'ewediya ma silatuwa 'edai Yesu sabi lobaina. Cedaina 'oina sitotoholo ma 'enadi madouna 'oidiyega sibwaubwau sigwae, “Yauwedo Cinapwana, Yehoba saninega 'utauyama, ma 'uhetoloina madouna 'ima 'asa Isileli 'oina.”

Madiu 27:11

Coinega Yesu Pailato matana sihetoholoya, tauna toloina madouna, ma Pailatoina Yesu 'ihesilaleya, 'igwae, “Cuhepwaila, 'owa meYudiya 'idi kini, 'awa?” Ma Yesu 'igwaeya, “Beno 'ugwae pwaiya.”

Yoni 20:28

Coinega Tomasi 'igwae hila, ma 'igwaeya, “Cowa moisa 'igu Badaina ma wete 'igu Yehobaina.”

Madiu 21:5

“Saiyoni* tomotainao wahegwaedi wagwae, ‘Wa'ita 'imi toloina madouna 'inaonaoma 'oimiya. Tauna tonuwadobi moisa, ta 'ase 'igeluya, ta 'aseina meloheyana ma yauyaubona.’”

Madiu 2:3

Cidi gwae bewa toloinaina Helodi 'ihesagoheya ma 'i'ateyohowa ma wete meYelusalema mabwaiyadi si'ateyohowa gwae bewa weyahina.