Madiu 19:5 - Loina Nuahuana

⁵ ma 'igwaeya, ‘Bewa huhuna 'oinega loheya tamana ma sinana 'i'ebesinedi ma mwanena ba'idana simiyaluwa, ma siteluwaedi sihe'wapina 'aigeda tuwa,

Madiu 19:5 Referans Kwoze

1 Kolinita 7:4

Weyahina 'eguma wahine 'ihai, geya sawasawahina ma tauna wahina 'iloinae ma hesiyage loheya 'iloinae. Wete loheya, geya sawasawahina ma tauna wahina 'iloinae ma hesiyage wahine 'iloinae.

1 Kolinita 7:2

Ma hesi geya sawasawahimi ma mabwaiyami gidemusa wamiyamiya, weyahina baibaiwa hedade taudi wewelohe sipaipaihowa besobeso. Nuwana 'ilobwainegomiya wa'elohai ma 'aigeda 'aigeda mamwanena, ma geya'abwa paihowa besobeso 'imadomadou 'oimiya.

Epeso 5:31

“Bewa weyahina loheya tamana ma sinana 'i'ebesinedi ma mamwanena sida miya 'aigeda, gide wahi 'aigeda tuwamo.”

1 Kolinita 6:16

Weyahina 'eguma taiya loheya toganawala mahetena sipui, beno silo'aigeda pwaiya, gidemusa Buki He'asisi 'igwaeya, “Siteluwa silo'aigeda, gidemusa tuwa wahidi 'aigeda.”

Loma 12:9

Wahelau moisa. Pui waguipaile, ma mumuga bwebwe'ana hesiyage wa'abiyahi.

Madiu 19:6

ma tuta bewa sihe'aigeda pwaiya. Yehoba 'ihemiyaluwa pwaiyediya, 'oinega sahena 'eta taiya 'ihemiya wasiyedi’.”