Madiu 19:16 - Loina Nuahuana

¹⁶ Muliyetega 'aigeda loheya Yesu 'oina 'inaoma ta 'igwaeya, “Tohe'ita, to paihowa bwebwe'ana yada paihowa ma 'oinega yawasigu miyamiya hatayana yada loba?”

Madiu 19:16 Referans Kwoze

Yude 1:21

ma wete helauina Yehoba 'oinega wa'abiyahi, ma wayamwayamwana tolahisa 'abwa 'ida Bada Yesu Keliso 'ina 'atemuyemuyega yawasimi miyamiya hatayana 'i'ebwaegomi.

Yoni 3:15

ma taiyawedi 'omi 'eguma wahemisaegauwa, nata yawasi miyamiya hatayana waloba.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Madiu 25:46

Coinega taudi sitauya muya hataya 'oina, ma todumwalu hesi yawasi hataya siloba.”

Taito 3:7

Ma tauna 'ina helauwega 'i'ahwa dumwaluwegita, 'oinega tanuwatuhu yahiya 'abehega yawasida miyamiya hatayana taloba.

1 Yoni 2:25

Ma yawasidaina 'igwae hemiseya 'ida 'ebwaegomi, beno yawasida miyamiya hatayaina.

Taito 1:2

Wete Yehoba mwalo hene 'igwae hemisaediya ta sihemisaeya 'abehega yawasidi miyamiya hatayana 'i'ebwaedi. Ta geya sowana 'i'abo.

1 Timoti 6:19

Bewa 'oinega 'adi maisa bwebwe'ana tuta 'inaonaoma 'oina siloba, beno yawasidi moisa.

1 Timoti 6:12

Ma wete tapwalolo 'ana paihowa bwebwe'adi 'oidiya 'utoho ma 'uhewaiwai, ma yawasiu miyamiya hatayana wete 'u'abiyahi, weyahina mwalo Yehoba 'ihesinuwegowa, beno tutaina 'ino hemisa 'uhepwaila latuwa tomota mabwaiyadi matadiya.

Paihowa 16:30

Ma muliyetega 'itoholo ta 'itoe latuhedima, ta 'igwae, “Babadao, wahegwaegau to'aha yapaihowa ma 'oinega Yehoba 'i'abihetegau?”

Loma 5:21

Coinega tasanapuya 'abehega pui huwaina beno 'amasa, 'ihewaiwaiya tomota 'oidiya, ma Yehoba 'ina helau huwaina 'ihewaiwai hedadeya, beno 'etolihasa ma yawasi miyamiya hatayana 'ida Bada Yesu Keliso 'ina paihowa bwebwe'ana 'oinega.

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

Yoni 12:25

Coinega 'eda 'aigedanaina wete gide, 'eguma taiya bale'u 'oina yawasina 'ihelauwe bale'u 'ana miya weyahina, nata yawasina bwebwe'ana geya'abwa 'ilobaloba. Ma hesi taiya 'eguma bale'u 'oina yawasina 'itagwale, nata tauna moisa tuta 'inaonaoma 'oidiya yawasi hataya 'iloba.

Yoni 10:28

Ma wete 'igu sipiyedi yawasidi miyamiya hatayana ya'ebwaediya ma 'oinega geya'abwa sigalagala. Ma wete taudi nata geya'abwa 'eta taiya nimaguwega 'i'waye'wayegau.

Yoni 6:68

Coinega Saimoni Pita Yesu 'enana 'ihemaiseya 'igwae, “Cinapwana, taiya nata 'oina 'atauya? Weyahina 'owa 'uboi yawasi miyamiya hatayana 'ana gwae 'oiuwa 'imiyamiya.

Yoni 6:47

Coinega bewa yagwae moisa 'oimiya 'eguma taiyawedi 'omi wahemisaegau, nata yawasi miyamiya hatayana waloba.

Yoni 5:39

Yehoba 'ina buki wahasihasili. Ma wanuwatuhu 'abehega bukiina 'oinega yawasimi miyamiya hatayana wada loba. Ma hesi geya wasanapu 'abehega bukiina taugu tuwa weyahigu 'ihehegwaegwae.

Yoni 4:14

Ma hesi taiya 'eguma we'ahina 'oiguwega ya'ebwae ma 'inuma, nata geya'abwa wete tani'ona 'iyahayahala hila. Weyahina we'ahina 'oiguwega ya'ebwae, nata 'atena 'ihebidala yawasina miyamiya hatayana weyahina.”

Madiu 19:29

“Ma 'eguma taiyawedi 'omi 'imi hadao, bo tasimiyao, bo sinamiyao, bo nuhumiyao, bo tamamiyao, bo natumiyao, bo 'imi tanohao wa'ebesinedi, 'abwa ginauledi wa'ebesinediya 'adi miyalaena ma 'adi loheposeyana handeledi walobadi, yawasimi hataya ba'idana.

1 Timoti 1:16

Yehoba 'ina 'atemuyamuya 'oiguwa huhuna bewa gide, 'abehega Yesu Keliso taugu togala madouna weyahigu 'i'alama'i'ita, ma 'ane togala mabwaiyadi si'itegau ma sisanapu taudi wete 'eguma Keliso sihemisae yawasidi hataya siloba.

Madiu 19:26

Ma Yesu 'i'ebubudiya ma 'igwaeya, “Ginaula bewa mwau hedada tomota 'oidiya, ma hesi Yehoba 'oina ginaula mabwaiyana meyameyahadi.”

Madiu 19:15

Coinega Yesu gwagwamaedi 'i'abitohodiya, ma muliyetega 'i'ebesinediya.