Madiu 16:24 - Loina Nuahuana

²⁴ Muliyetega Yesu 'ana tomuliyao 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma tauna 'ina nuwatuhuwao 'ilogwahatedi, ma tauna 'ana kelose 'i'ahali, ma 'oinega 'i'amasa, beno gide 'agu muliyaina 'ana 'eda.

Madiu 16:24 Referans Kwoze

Madiu 10:38

Ma 'eguma taiya yawasina geya 'itagwale ma 'i'amasa kelose 'oina, gide taugu, tauna geya sawasawahina ma 'imuliyegau.

Luke 14:27

Ma 'eguma taiya yawasina geya 'itagwale ma 'i'amasa kelose 'oina gide taugu, tauna geya sowasowahina ma 'imuliyegau.

Maki 10:21

Coinega Yesu ma'ina yaliyaya loheyaina 'i'ebubuya ma 'igwae, “Beno tuwa 'aigeda ginaula 'ilosapuligowa. Coinega 'uhila 'ino 'asa, ma 'ino tobwatobwa mabwaiyana 'uhegimwaneye, ma 'adi maisa 'uheguyaiye towewelohe 'oidiya, eema 'unaoma 'umuliyegau, 'abwa muliyetega 'ino wasawasa galewa 'uloba hila.”

2 Timoti 3:12

Moisa, 'eguma Yesu Keliso tahemisae, ma tatagwalegita 'ina 'eda bwebwe'adi 'oina, nata miyamwau tomota 'oidiyega taloba.

Maki 8:34

Coinega Yesu boda mabwaiyadi ma wete 'ana tomuliyao mahetediyao 'ibwau he'autedima, ma 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma 'iboi 'ina loina 'ilogwahate, ma 'aneyage 'iboi 'ana kelose 'i'ahali ma 'i'amasa, beno gide 'ana 'eda'eda, 'eguma taiya 'imuliyegau.”

Paihowa 14:22

Ta 'idi lohihilaina 'oina Yesu 'ana tohemisao sigihe pa'alidiya 'asa 'aigeda 'aigeda 'oidiya, ta siguguyediya ma gesowana 'idi hemisa 'ida we'awe'a, ma sigwaeya, “Moisa 'abwa 'ida muya baibaiwadi 'oidiyega taluhu Yehoba 'ina 'ebeloina 'oina.”

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

Yoni 19:17

Sitauyeya ma Yesu 'iboinamo 'ana kelose 'i'ahaliya, ma tolo'alehaedi mahetenao sitauya 'asa 'aigeda sanina Bulubulu 'oina, ma hesiyage sanina meYudiya 'enadiyega sigwae Goligota.

1 Tesalonaika 3:3

ma 'ane sahena 'ami mwauwao 'oidiyega wawe'awe'a. Weyahina miyamwauwedi wasanapudiya 'abehega mabwaiyada talobalobadi.

Madiu 27:32

Yesu sihapweseya ma sitauyeya, ma 'edai Sailini loheyaina 'aigeda, sanina Saimoni, sihalobeya, ma siloineya ma Yesu 'ana kelose 'i'ahali.

Maki 15:21

Yesu sitoeya, 'asa madouna 'oinega silatuwa, ma silobeya gwama Sailini pwatulega 'itautauyama, ta siloineya ma Yesu 'ana kelose 'i'ahali. Loheyaina sanina Saimoni, beno Alekisana ma Lupuso tamadiu.

Luke 23:26

Yesu sitoe pwaiya ta sitauyeya, ma 'edai 'aigeda loheya sanina Saimoni silobeya, tauna gwama Sailini, pwatulega 'ilatuma ta 'itautauya 'asai. Coinega tolo'alehaowedi Saimoniina siloineya ta Yesu 'ana kelose 'i'ahaliya, ta 'imuliya.

Yoni 21:19

Gwae bewa 'oinega Pita 'ina 'amasa weyahina Yesu 'ilihasa, ma 'ina 'amasaina 'oinega nata Yehoba sanina 'i'abi hanehe. Muliyetega Yesu Pita 'ihegwae hileya 'igwae, “Cumuliyegau.”

Yoni 21:22

Coinega Yesu Pita 'enana 'ihemaiseya 'igwae, “Beno geya 'eta to'aha 'oiuwa, ma 'eguma nuwanuwagu ma loheyainaina tuwa 'imiyamiya 'ana siga yahilama, nata wete gidemusa 'ilatu 'esa. Ma hesiyage 'owa bewa tuwa 'umuliyegau.”

1 Pita 2:21

Ma 'eda bewa weyahina Yehoba 'ibwau pwaigita, weyahina Keliso tauna weyahida 'i'emuyamuya eeta 'ebe'ita 'ilaguya 'oida ma 'abehega leleyana tamuliyedi.