Madiu 14:27 - Loina Nuahuana

²⁷ Ma Yesu 'ihegwaediya, “Sahena wamatauta. Taugu tuwa, 'imi Cinapwana.”

Madiu 14:27 Referans Kwoze

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Paihowa 23:11

Eeta hadai 'imiya heboiya, ma nihuwanega 'ina Bada 'ilatuma Paulo deina, 'itoholowa ma 'ihegwaeya, 'igwae, “Paulo, sahena 'u'ate'ateyoho, weyahina Yelusalema 'oina 'uhepwaila pwaigauwa. Ma Loma 'oina wete gidemusa 'abwa 'uhepwaila 'esegau.”

Yoni 6:20

Ma 'iyamo Yesu 'ihegwaediya 'igwae. “Sahena wamatamatauta, taugu tuwa.”

Madiu 17:7

ma Yesu 'inaoma ta 'i'abihe toholodiya, 'igwaeya, “Watoholo. Sahena wamatamatauta.”

Madiu 9:2

Ma 'aigeda topeu boda si'ahaliya 'ina 'ebe'eno 'oina ma sinaoleyama Yesu 'oina. Bodaedi 'idi hemisa Yesu 'isanapuya ma topeu 'ihegwaeya 'igwae, “Natugu, 'uyaliyaya, 'ino mumuga galadi 'adi nuwasam 'uloba pwaiya.”

Luke 1:30

Ta anelose 'igwaeya, “Meli, sahena 'umatamatauta. Weyahina Yehoba 'ina helau madou hedadena 'oiuwa 'imiyamiya,

Luke 1:13

Coinega aneloseina Sakaliya 'ihegwaeya 'igwae, “Sakaliya, sahena 'umatamatauta ma hesi 'uyaliyaya. Weyahina 'ino 'ahwanoi Yehoba 'ihesagoheya, 'oinega mwaneu Elisabeti 'abwa natumiu loheyana 'ihenatune ma sanina 'ulagu Yoni.

Madiu 28:10

Coinega Yesu 'ihegwaediya, 'igwaeya, “Sahena wa'ate'ateyoho, ma hesi watauya ma 'iyagwao wahemataluwedi ma sitauya Galili 'oina, nage 'oina 'abwa si'itegau.”

Luke 2:10

Coinega aneloseina 'ihegwaediya, 'igwae, “Sahena wamatamatauta, ma hesi wayaliyaya, weyahina wasa bwebwe'ana ya'eweyama 'oimiya, ma nata tomota mabwaiyadi wete 'idi 'ebe yaliyaya.

Madiu 14:28

Ma Pita 'igwaeya, “Bada, 'eguma 'owa, 'uhegwaegau ma hola pwatanega yanaowa 'oiuwa.”

Madiu 28:5

Ma aneloseina wahiwahineyedi 'ihegwaediya 'igwaeya, “Sahena wa'ate'ateyoho. Yasanasanapu 'omi Yesu tauna silohe'amasiya wabesebese.

Maki 6:50

'oinega simatauta ma siwuiya. Ma Yesu 'ihegwaediya, 'igwae, “Sahena wa'ate'ateyoho. Taugu tuwa, 'imi Badaina.”

Luke 5:10

ma wete gide Saimoni 'iyanaowedi Yemesa ma Yoni, taudi Sebedi natunao. Coinega Yesu Pita 'ihegwaeya, 'igwae, “Sahena 'u'ate'ateyoho. Ma hesi bewa 'oinega ma tomota gide 'u'ona 'esedi.”

Luke 12:32

Ma 'omi moisa Yehoba 'ina sipiyao, 'oinega sahena wa'ate'ateyoho, weyahina tauna 'ihesinuwa paigomiya ma 'ina 'ebeloina 'oina waluhu.