14 Ma tutaina Yesu wagega 'iulasuluwa 'oya'oya boda madouna 'i'itediya, ta 'ina 'atemuyemuyega tolohalao 'i'abihe bwebwe'anediya.
Tupwadi topwaoliyao geya sida 'atemuyamuyaegita 'ida we'a weyahidi, ta hesi Yesu 'ida miyamwau 'inuwa sabwalenidiya ta 'i'atemuyemuyegita, weyahina mwalo bale'uwa Tomudulele 'ina 'ebetoho mabwaiyana 'ilobediya gide tauda talobaloba 'esedi, ta Yesu geya 'eta wete 'ina pui.
Ma boda 'i'itediya ma 'i'atemuyemuyediya, weyahina 'adi mwauwao 'oidiyega geya 'adi to'abihetenamo, gide sipi 'wani'wanidi, geya 'adi to'itayahinamo.
Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.
Topwaoliyedi 'idi mumuga nuhana tomata'u'upao ma topuiyao 'oidiya, weyahina topwaoliyedi tomota tuwa, ma'idi we'a.
Yesu 'ilatu pwaiya Yelusalema deina, ma 'asaina madouna 'i'iteya, nuwana 'igala ma 'idouwa, 'igwaeya,
Ta Yesu hiwapeina 'i'iteya, ma 'i'ate muyamuyaeya, ma 'ihegwaeya, “Sahena 'udoudou.”
Ma 'eguma 'itai, sauga tupwana 'ibe'u 'aiwe 'ala'alasina 'oidiya ma sauga tupwana bwasi ni'una 'oidiya, nata eeta 'ilohe'amasi. Coinega 'eguma sowasowana 'uda 'atemuyamuya ma 'u'abihetemai.”
Cabwa muliyetega waga 'iluhuwa ma Yesu 'isuluwa dabala, ma boda madouna nenegwala 'i'itediya ma 'i'ate muyamuyaediya, weyahina taudi gide sipiyao geya 'adi to'itayahinamo, 'oinega 'ihe'aleya ma sanapu baibaiwana 'ihe'itaeya 'oidiya.
Yesu Galili mabwaiyana 'isakowasiyeya, ma 'idi hada tapwalolo 'oidiya 'ilohatotowa, ma tetela bwebwe'ana Yehoba 'ina loina weyahina 'ihehepwaila, ma wete tomota 'adi lohalao 'oidiyega 'i'abi hebwebwe'anediya mabwaiyadi.
Ma lahilahiya 'ana tomuliyao sinaoma ta Yesu sihegwaeya, sigwae, “Bada, tupwa bewa balabala 'awawa, ma nata 'iboi. Coinega boda bewa 'uhesumanedi ma sihila, ma 'adi sigimwane 'asa deidiya 'oidiya.”