Madiu 13:51 - Loina Nuahuana

⁵¹ Coinega Yesu 'ihesilala 'oidiya, 'igwae, “Togidega gwae hegehegediyedi mabwaiyadi wasanapudiya?” Ma sihesagoha ma si'ahwa moisa, sigwae, “Cehe.”

Madiu 13:51 Referans Kwoze

Maki 4:34

Weyahina tauna sauga baibaiwana gwae hegehegediyega 'ilologuguya boda 'oidiya, ma 'ana tomuliyaomo 'oidiya gwae hegehegediyedi 'ilihalihasidi.

Madiu 13:19

Ceguma taiya Yehoba 'ina loina tetelina 'ihesagoheyamo, ma geya 'inuwasabwalena, 'abwa togalaina 'inaoma ma gwaeyedi loheya 'atenega 'i'ewayahuledi. Beno patuwedi sibe'uwa 'edai 'adi sanapu.

Madiu 13:11

Ma Yesu 'igwaeya, “Comi Yehoba 'oimiya 'itagwala pwaiya ma 'ina loina 'alona 'ana tosanapuwao, ma bodaedi geya.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Maki 7:18

Eeta Yesu 'ihegwaediya, “Nuwana 'omi wete nuwami geya 'i'elo'asilala, 'awa? Coinega geya wasanapu 'abehega to'aha ta'ai'ai ma 'iluhuluhu 'aloda geya wete 'ida 'abihebi'igita,

Madiu 24:15

“Cabwa 'ila'ilalaina palopita Daniyela 'ihepwaila nugetaeya 'ilatu, beno ginaula gala hedade ma didiga tupwa he'asisi 'oina 'itoholo. (Ceguma taiya gwae bewa 'ihasili 'inuwasabwalena.)

Madiu 16:11

Coinega to'aha weyahina ta geya wanuwa sabwalena 'abehega geya 'e'ahai weyahina yagwaegwae? Ma hesi Palisiyao ma Sadusiyao 'idi 'ebe 'abiheseseha 'oinega wa'itayahigomi.”

Madiu 15:17

Coinega wasanapu 'abehega to'aha 'ahwadega 'iluhuluhu gamwada 'idobidobi, ma muliyetega 'itautauya mohomoho 'oina.

Madiu 13:50

ma siula latuwedi 'aiwe 'ala'alasina 'alona, ma 'oina sidou ma sihesala'i'ita muyamuya 'oinega.”

Madiu 13:52

Ma 'ihegwaediya, “Bewa tuwa wasanapu 'abehega loina 'ana tohe'itao 'eguma Yehoba 'ina loina simanasama pwaiya, taudi gide tuwa 'aigeda hada toniwagana 'ina tobwatobwa tupwadi miyamiyadi ma tupwadi 'ehaudi ta mabwaiyadi 'alodiya wasawasa 'imiyamiya.”