Madiu 13:47 - Loina Nuahuana

⁴⁷ “Ma wete Yehoba 'ina loina gide tuwa gomana tomota siyahuweya holai, ma hali silahana ma hali silahana si'onediya,

Madiu 13:47 Referans Kwoze

Yoni 15:6

Coinega taiyawedi 'omi 'eguma geya'abwa 'oiguwa wamiyamiya, nata Tamagu 'oiguwega 'i'ewa yahulegomi ma wawelai. Gidemusa 'aiwe lagalaganao siwelawelai ma 'aiwe 'ala'alasidi 'oidiya sigabugabudi.

Heꞌitaꞌita 3:1

Aneloseina totapwalolowedi Salidisa 'oina 'i'ita'itayahidi, 'ina leta 'ulele meSalidisa weyahidi, ma 'ugwae: Wasa bewa 'itauyama loheyaina 'oinega, tauna loheyaina Yehoba Yaluyaluwana sebeni ma wete 'ipwala sebeni 'oina simiyamiya. Tauna bewa 'ina hepwaila 'oimiya 'igwaeya, “Cimi paihowao yasanapu pwaidiya, ta tetelimi yahesagoheya 'abehega mayawasimi wamiyamiya, ma geya, weyahina yaluyaluwami bo'i si'amasa.

Maki 1:17

Ta Yesu 'ibwauwedima, 'igwae, “Wamuliyegau ma tomota wa'onadi.”

Galetiya 2:4

Ma 'iyadao tupwadi 'abo'abodi silugu pwaima, nuwanuwadi si'ita 'ida miya bwebwe'ana Yesu Keliso mahetemai, ta taudi geya tohemisa moisa, weyahina nuwanuwadi ma loina mwauna si'ebwaemai.

2 Kolinita 11:26

Ma wete 'igu 'adau 'oidiyega 'ebehesilae yalobediya we'aha madoudi ma toyagahao 'oidiyega, ma 'igu bodao meYudiya 'oidiyega, ma taudi geya meYudiya 'oidiyega, ta 'asa madoudi 'oidiyega, ta pwatula 'oidiya, ta wete ni'u 'awawa, ma wete tasidao 'abo'aboidi 'oidiyega,

Paihowa 20:30

Ta wete 'omi nata 'oimiyega tupwadi sihegaina ma sihe'ita 'abo'abo 'oimiya, ta tupwana tomota silisidi taudi 'idi bodao 'oidiya.

Luke 5:10

ma wete gide Saimoni 'iyanaowedi Yemesa ma Yoni, taudi Sebedi natunao. Coinega Yesu Pita 'ihegwaeya, 'igwae, “Sahena 'u'ate'ateyoho. Ma hesi bewa 'oinega ma tomota gide 'u'ona 'esedi.”

Madiu 4:19

Coinega 'ibwauwediya, ta 'igwae, “Wamuliyegau ma tomota wa'onadi.”

1 Kolinita 11:19

Ta hesi 'imi 'ewatawatahaina 'ana bwebwe'ana beno 'abehega taiyewedi taudi tohekalesiyao moisa ta'inanadi.

Yoni 15:2

Lahagwao 'eguma geya sida huwa bwaibwaina nata tauna lahagwaowedi 'i'upwa yahuledi. Ma hesi lahagwaowedi 'eguma huwaidi bwebwe'adi nata moisa 'i'abi bwaibwainidi ma sihuwa bwaibwaina.

Madiu 13:44

“Yehoba 'ina loina gide tuwa wasawasa goula ma mane madouna, mwalo bale'u 'aigeda 'oina sidahweya, ma 'aigeda loheya 'ilobeya, ta 'idahwa hileya, ma ma'ina yaliyaya 'itauya, ma 'ina tobwatobwa mabwaiyadi 'ihegimwaneyediya, ma 'adi maisao 'i'eweya ta bale'uina 'igimwaneya.

Madiu 13:46

Coinega 'aigeda mwali 'ausala hedade 'ilobeya, ta 'oinega tauna 'ina bagi mabwaiyadi 'iulediya ma 'abehega mwaliina 'ausala hedade 'i'ewa.

Madiu 13:48

ta gomanaina 'imaha 'apu'apuwa ma silisiya 'oya'oya, ma simiyatoiya, ma silahana mabwaiyadi siwatahiya, ta silahana 'ausaladi gaeba 'oidiya silagudiya, ma silahana galadi siulediya.