Madiu 13:42 - Loina Nuahuana

⁴² siula latuhedi, 'aiwe 'ala'alasina 'alona. Beno tupwaina 'oina tomota sidou ma sihesala'i'ita muyamuya 'oinega.

Madiu 13:42 Referans Kwoze

Madiu 13:50

ma siula latuwedi 'aiwe 'ala'alasina 'alona, ma 'oina sidou ma sihesala'i'ita muyamuya 'oinega.”

Heꞌitaꞌita 20:10

Coinega 'adi to'abo Seitaniina si'eweya, 'asa 'ala'alata 'alona siuleya. Yahiyahiina 'alona mwalohene hebaiina ma palopita 'abo'aboina siula pwaidiya, ma tupwaina 'oina sitetoiyedi simuyamuya sabwelo ma nihuwana 'oidiya, ta geya'abwa 'igumwagumwala.

Madiu 8:12

ma hesiyage 'omi 'abehega Yehoba natunao 'iula latuwegomi guguyou 'alona, ma nobwa wadou ma wahesala'i'ita, muyamuya 'oinega.”

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.

Heꞌitaꞌita 14:10

nata taudi Yehoba 'ina waini waiwaina 'oinega sinuma, ta wainiina beno Yehoba 'ina gamwasowala moisa 'isiweya gamwasowala biyona 'oina. Ma wete 'aiwe yahiyahina ma da'ule yahiyahidi tomotaedi wahidiya silotoho, Yehoba 'ina aneloseyao ta lami matadiya.

Madiu 25:41

“Ma taudi 'igu 'adigeyageya simiyamiya yahegwaedi, ‘Comi togala wa'ebesinegau, ma watauya 'aiwe ninima hatayana 'oina, tauna Yehoba 'i'atububuya Tomudulele ma 'ina bodao weyahidi.

Madiu 22:13

Coinega kiniina 'ina topaihowao 'ihegwaediya, ‘Loheya bewa wa'abiyahi, ma nimana ma 'aena wapaidi, ma waula latuwe tupwa guguyou 'oina, ma nage 'oina tomota sidou ma sihesala'i'ita muya 'oinega.’

Heꞌitaꞌita 21:8

Ma hesi taudi 'atewe'awe'adi, ma taudi geya sihemisa, ma tohemata ganawalao, ma tolohe'amasao, ma tologwaliyao, ma Tomudulele ma'iyanao, ma dimwa 'adi tohemisao, ma to'e'abo'abowao, taudi bewa 'idi tupwa 'asa 'ala'alataina, beno 'amasa heluwena.”

Luke 13:28

Ma 'oinega 'abwa 'eguma Ebalahamo ta Aisake ta Yakobo ma wete palopitao mabwaiyadi mahetediyao wa'itadi Yehoba 'ina 'ebeloina 'oina simiyamiya, ma 'omi ma'imi dou ta ma'imi hesala'i'ita tutaina 'oina, 'eguma 'atamana wamiyamiya.

Madiu 3:12

Ma wete 'ina goliyega witi 'isapidi ma huwaidi sigubala ma muliyetega huwaina 'ausaladi 'ihedodo 'ina hada 'e'ahai, ma mohomohowedi 'igabudi 'aiwe ninima hatayaina 'oina.”

Heꞌitaꞌita 9:2

ma gaulaina 'iso'eya, ma 'alonega 'asu 'ilatulatuma, tuwa gide duba madouna, ma sinala 'iguguyouwa ma wete gogo gabulena mabwaiyana 'iguguyouwa gaulaina 'asuna 'oinega.