Madiu 12:43 - Loina Nuahuana

⁴³ “Ceguma hi'ahi'a loheya 'aigeda 'oinega 'ilatu, loheya 'ibwebwe'ana, ma hi'ahi'aina nata tuwa 'atamana 'iyawayawala bwagabwaga ma 'ina 'ebe 'aiyawasi 'i'ebe'ebesa ma geya 'iloba.

Madiu 12:43 Referans Kwoze

Madiu 8:29

Siteluwaedi Yesu si'iteya ma sitala'asona, sigwae, “Cei! Cowa Yehoba Natuna, to'aha 'utohotoho ma 'abehega 'upaihowa 'oima? Cabehega tuta bewa 'unaoma sabi 'abihe muyemuyemai ma muliyetega heyatala?”

1 Pita 5:8

Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.

Paihowa 8:13

Ma Saimoni wete Yehoba 'ihemiseya, ta 'ina babitaiso mulina Saimoni Pilipi 'i'wayabuya ma Saimoniina 'i'iteya Pilipi 'ina 'ila'ilalao ma 'ina paihowa waiwaidi, ta 'oinega 'ihenainaida moisa.

Madiu 12:44

Coinega hi'ahi'aina 'iboinamo 'oina 'igwae, ‘Nuwana yalohihila 'igu 'ebemiya nugenugetana 'oina.’ Eeta 'ihila ta 'ebemiyaina 'ilobeya hadenamo se'ise'ilina ma 'atu'atububuna.