Madiu 12:12 - Loina Nuahuana

¹² Moisa sipi ginaula 'i'iuna, ma tomota hesi ginaula madouna. Coinega sawasawahina ma paihowa bwebwe'adi Sabatiya tapaihowadi.”

Madiu 12:12 Referans Kwoze

Madiu 6:26

Bewa 'aigeda 'ebe'ita ya'ebwaegomi bwasumo 'oidiya, tuta mabwaiyana geya sidauna, geya si'eli'eli, ma wete geya 'idi hada 'e'ahaimo. Bwasumowedi ginaula 'i'iudi, ma tuwa beno Tamadai galewa tuta baibaiwana 'adi 'e'ahai 'i'ebwa'ebwaedi. Ma hesi wanuwatuhuyahi 'abehega 'omi madoumi Yehoba 'oina, 'oinega sawasawahina ma 'ihe'aigomi.

Luke 6:9

Coinega Yesu Palisiyao ma'iyadiyao 'ihegwaediya 'igwae, “Bewa 'igu hesilala 'oimiya: To nuwatuhu bwebwe'ana 'oida? Sabati 'oina tomota talemedi bo talohe'amasidi?”

Maki 3:4

Cilagama. Yesu babadaedi 'ihegwaediya, 'igwae, “Bewa 'igu hesilala 'oimiya: To nuwatuhu bwebwe'ana 'oida? Sabati 'oina tomota talemedi, bo talohe'amasidi?”

Madiu 10:31

Coinega sahena wa'ate'ateyoho, weyahina 'omi Yehoba 'ina ginaula madouna, ma dinegwa geya ginaula madouna.

Luke 12:24

“Bewa 'aigeda 'ebe'ita ya'ebwaegomi 'ao'ao weyahidi, tuta baibaiwana geya sida dauna, geya sida 'etahiya, ma wete geya 'idi hada 'e'ahaimo. Bwasumowedi ginaula 'i'iudi, ma tuwa Yehoba tuta baibaiwana 'adiwa 'i'ebwa'ebwaedi, ma hesi wanuwatuhuyahi 'abehega 'omi ginaula madouna Yehoba 'oina, 'oinega sowasowahina ma 'ihe'aigomi.

Luke 14:1

Sabati 'aigeda 'oina Yesu 'itauya sabi 'ai Palisi 'idi bada 'aigeda 'ina hada. Hadaina 'oina 'iluhuwa ma boda si'e'ebubu,