Madiu 11:27 - Loina Nuahuana

²⁷ Ma wete 'igwaeya, “Ginaula mabwaiyana Tamagu nimaguwa 'ilagu pwaidiya ma Tamaguina taboinamo 'isanapugauwa, ma taugu wete Tamagu taugumo yasanapuya, ma wete 'eguma taiyawedi taudi nuwanuwagu ma Tamagu yahe'itae 'oidiya, taudi wete sisanapu.

Madiu 11:27 Referans Kwoze

Madiu 28:18

Eeta Yesu 'inaoma 'oidiya ma 'ihegwaediya, 'igwae, “Tamagu loina waiwaina mabwaiyana galewa ma bale'uwa 'i'ebwae pwaigauwa.

Luke 10:22

Nage tutaina 'oina wete 'igwaeya, “Ginaula mabwaiyadi Tamagu nimaguwa 'ilagudiya, ma Tamagu 'iboimo 'isanapugauwa, ma Taugu wete yaboimo Tamagu yasanapuya, ma wete taiyewedi taudi 'eguma nuwanuwagu ma Tamagu yahe'itae 'oidiya, taudi wete sida sanapu.”

2 Yoni 1:9

Ma 'eguma watauya pui ma Keliso 'ina he'ita wa'ebesine, 'omi Yehoba wa'ebe'ebesine, ma hesi 'eguma Keliso 'ina he'itao wa'abiyahi momosidi, Tamadai ma wete Natuna 'oimiya simiyamiya.

1 Yoni 2:23

Ceguma taiya 'owa Yehoba Natuna 'ulogwahateya geya Yehoba maheteu wamiyamiya. Ma hesi 'eguma 'utagwalego Natuna 'oina, tauna ma Tamana mahetemwao wamiyamiya.

Yoni 10:15

Gidemusa tuwa, Tamagu 'isanasanapugau ma wete taugu Tamagu yasanasanapu. Eema yawasigu yatagwaleya ma 'igu sipi weyahidi ya'amasa.

Yoni 3:35

Eeta Yehoba natunaina 'ihelauweya, 'oinega 'ina 'ebeloina mabwaiyana natuna nimana 'ilaguya.

Yoni 6:46

Ma geya 'eta taiya Tamadai 'i'ita toho, beno tuwa yaboi, weyahina taugu 'oinega yasuluma.

Yoni 1:18

Yehoba 'ana 'ita geya 'eta taiya 'ida 'iteya, ma hesi natuna moisa 'iboi 'isanasanapu Tamana 'ana 'ita. Weyahina tauna Tamana deina 'imiyamiya, 'oinega tauna Tamana 'ana 'ita 'ihe'itegita.”

Yoni 7:29

Yaboi hesi yasanasanapu weyahina tauna 'ihesumanegauma ma wete tauna 'oinega yatauyama.”

Yoni 17:6

“Tamagu, mumugau mabwaiyana yahe'ita pwaidiya taudi tomotaedi gogo gabulena 'oina 'u'ebwaegauwa 'oidiya. Ma wete 'enau mabwaiyana si'obigaiya, weyahina tomotaedi 'owa 'u'ebwaegauwa.

Yoni 13:3

Ma hesi Yesu 'isanapu pwaiya 'abehega ginaula mabwaiyana Tamana 'i'ebwaya pwaiya ma 'iboimo 'iloina. Ma wete Yesu 'isanapuya 'abehega Yehoba 'oinega 'itauyama ma 'isanapuya 'abehega Yehoba 'oina nata wete 'ilohihila.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.