Luke 9:47 - Loina Nuahuana

⁴⁷ Ma Yesu hesi 'idi nuwatuhu 'isanapudiya. Coinega gwama 'aigeda 'itoeyama ta deina 'ihetoholoya,

Luke 9:47 Referans Kwoze

Yoni 16:30

Coinega bewa tuwa 'asanapu bwaibwainigowa 'abehega 'owa moisa ginaula mabwaiyana 'usanapudiya. Coinega bewa tuwa geya'abwa wete 'ahehesilala hilago, weyahina 'ima nuwatuhu mabwaiyadi 'usanapu pwaidiya. Beno 'oinega 'ahemisaegowa 'abehega 'owa moisa Yehoba 'oinega 'utauyama.”

Heꞌitaꞌita 2:23

Ma wete natunao yalohe'amasidi, ma 'oinega boda hekalesiyao mabwaiyadi sisanapu 'abehega taugu tomota mabwaiyadi 'idi nuwatuhu 'atediya mabwaiyana 'ana tosanapu, ma wete mabwaiyami 'oimiya yahemaisa to'aha gide 'imi paihowao, nuwana bwebwe'adi, bo galadi.

Ibeliu 4:13

Weyahina Yehoba matana geya 'eta wete to'aha 'imiya dahwana, mabwaiyana silo'atamanediya, ta tauna 'oina 'abwa 'ida paihowa mabwaiyana tahepwailedi.

Luke 5:22

Cidi nuwatuhu Yesu 'isanapu pwaiya, 'oinega 'ihegwaediya, “To'aha weyahina 'atemiya beno gide wanuwatuhu 'esa?

Madiu 9:4

Cidi nuwatuhuina Yesu 'isanapu pwaiya ma 'ihegwaediya, 'igwae, “To'aha weyahina 'atemiyega wanuwanuwatuhu galana?

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

Yoni 21:17

Coinega Yesu Saimoni Pita 'ihesilaleya hetoina 'igwae, “Saimoni, Yoni natuna, 'uhelauwegauwa?” Ta Saimoni Pita nuwana 'igala weyahina Yesu 'ina hesilala 'oina matoi, 'oinega Yesu 'enana 'ihemaiseya 'igwae, “Cinapwana, 'owa ginaula mabwaiyana 'usanasanapudi, ma 'usanapu pwaigauwa 'abehega yahelauwegowa.” Coinega Yesu wete Saimoni Pita 'ihegwaeya 'igwae, “Cigu sipi 'u'ita yahidi.

Yoni 2:25

Coinega geya 'eta taiya sawasawahina ma boda weyahidi 'ihegwaegwae Yesu 'oina, weyahina Yesu boda mabwaiyadi 'idi nuwatuhu 'atediya simiyamiya 'isanasanapudi.

Madiu 12:15

Taudi 'idi loina 'waihina Yesu 'isanapu pwaiya, 'oinega tupwa nage 'i'ebesineya ma 'itauya hali tupwa, ma tomota mabwaiyadi simuliyeya, ta nage 'oina tolohala mabwaiyadi 'i'abihe bwebwe'anediya,