Luke 8:8 - Loina Nuahuana

⁸ Ma tupwana bale'u 'ausalana 'oina sibe'uwa ta sibwalama, ma simadouwa ma sihuwa, ta 'oidiyega 'ebayo bwebwe'ana silobeya, weyahina patuwedi 'aigeda 'aigeda 'oidiyega handeledi silobediya.” Coinega Yesu boda 'ihegwaediya, 'igwae, “Ceguma matenami gwae bewa wahesagohe.”

Luke 8:8 Referans Kwoze

Madiu 11:15

“Coinega 'eguma taiya matenana gwae bewa 'ihesagohedi.

Heꞌitaꞌita 2:11

“Ceguma taiya 'oimiyega matenana Yaluyaluwa Tabuna 'ina gwae tohekalesiyao 'oidiya 'ihesagohe. Ma wete 'omi taiyawedi 'eguma Seitani wahewaiwai sineya, geya'abwa 'amasa heluwena 'igihegihe galegomi.”

Heꞌitaꞌita 2:7

“Ceguma taiya 'oimiyega matenana, 'ihesagohe Yaluyaluwa Tabuna 'ina gwae tohekalesiyao 'oidiya. Ma 'eguma taiya 'oimiyega 'ihewaiwai, 'oina yatagwala ma yawasida 'ana 'aiwe huwaina 'i'ai, 'aiweina Yehoba 'ina tanoha 'itotoholo.”

Maki 4:20

“Ma 'ane patuwedi bale'u bwebwe'ana 'oina sibe'uwa, 'ana nuwasabwalena 'abehega tomotaedi taudi ma'idi tagwala moisa Yehoba 'ina gwae sihesagoheya, 'oinega huwaidi bwebwe'adi ma baibaiwadi 'ilagudiya. Tupwadi huwaidiyao teti, ma tupwadi sikisiti, ma tupwadi handeledi.”

Maki 4:8

Ma hesi tupwana patu bale'u bwebwe'ana 'oina sibe'uwa, ma sibwalama sihemadouwa ma sihuwa, ma tupwana patuwedi huwaidi 'adi baibaiwa teti, ma tupwadi sikisiti, ma wete tupwadi handeledi.

Madiu 13:23

“Ma patuwedi bale'u 'ausalana 'oina sibe'uwa, taudi tetela bwebwe'ana sihesagoheya, ma 'ana nuwasabwalena 'oidiya 'imiyamiya, ta huwaidi 'ausala silagudiya. Tupwadi huwaidiyao handeledi, ma tupwadi sikisiti, ma tupwana teti.”

Luke 8:15

Ma patuwedi bale'u bwebwe'ana 'oina sibe'uwa, taudi beno ma 'idi 'atetagwala gwaeina sihesagoheya, 'oinega sihe'alama'i'itana, ma Yehoba 'ina gwae 'oidiya 'ihuwa bwaibwaina.”

Kolose 1:10

Ta 'imi paihowaedi 'oidiyega 'ida Badaina wa'abihe yaliyaya. Ma wete mumugami bwebwe'ana 'ihuwahuwa, ta Yehoba 'ana sanapu 'oimiya 'ihemadou.

Epeso 2:10

Ma hesi Yehoba 'iboimo 'ina paihowa 'ateda 'i'atububudiya Yesu Keliso 'oinega, ma 'abehega tapaipaihowa paihowaedi bwebwe'adi Yehoba mwalo hene 'ihesinuwediya weyahida.

Maki 4:23

Ceguma matenami, gwae bewa wahesagohedi.”

Maki 7:16

(-)

Luke 8:7

Ma tupwadi patu talitali 'oidiya sibe'uwa, ta sibwala hegogona, ma hesi talitali 'ihewaiwaiya ta 'isahila he'amasidiya.

Luke 14:35

Geya wete 'ilobwalobwaine ma bale'u 'i'abihe bwebwe'ane, ma hesi talogwahateyamo. “Ceguma matenami gwae bewa wahesagohe.”

Heꞌitaꞌita 3:6

“Ceguma taiya 'oimiyega matenana, Yaluyaluwa Tabuna 'ina gwae boda hekalesiyao 'oidiya 'ihesagohe.”

Heꞌitaꞌita 3:13

“Ceguma 'oimiyega taiya matenana Yaluyaluwa Tabuna 'ina gwae boda hekalesiyao 'oidiya 'ihesagohe.”

Heꞌitaꞌita 13:9

Ceguma taiya matenana, gwae bewa 'ihesagohe.