Luke 8:41 - Loina Nuahuana

⁴¹ Coinega 'aigeda loheya 'iluhu latuma, sanina Yailo, tauna 'idi hada tapwalolo 'ana to'itayahina. Cinaoma ma Yesu 'ahena 'i'etuluha, ma 'igwaeya, “Bada tatau 'igu hada,

Luke 8:41 Referans Kwoze

Paihowa 18:8

Ma hada tapwalolo 'ana tohanugeta, sanina Kalisipo, ma'ina susuwao, Bada Yesu 'oina sihemisa, ma meKolinita tupwana baibaiwadi wete Paulo 'ina guguya sihesagoheya, ta Yesu 'oina sihemisa, ma sibabitaisowa.

Paihowa 13:15

Ma tohanugetao Mosese 'ina loina 'ana hasila, ma palopitao 'idi gwae 'ana hasila sihasilidiya, ta tohanugetaowedi 'aigeda loheya sihewasaeya Paulo ma Banaba 'oidiya ma 'abehega 'ihemataluwedi, 'igwaeya, “Ceguma guguya bo he'ita 'oimiya beno wahepwaila tomota 'oidiya.”

Luke 13:14

Nage 'oina hada tapwaloloina 'ana to'itayahina Yesu 'ina paihowa 'i'iteya, ta 'igamwasowala weyahina Sabatiya lohala 'i'abihe bwebwe'aneya, 'oinega loheyaina boda 'oidiya 'ihepwaila, 'igwaeya, “Cada loina tasanasanapu 'abehega sabwelo sikisi 'oidiya 'ida paihowao tapaihowadi. Bewa geya 'ana 'ita bwebwe'ana ma Sabatiya tolohalao si'ewedima ma 'adi lohalao ta'abihe bwebwe'anedi.”

Luke 8:49

Yesu 'abwa 'igwaegwae wahineina 'oina, ma tutaina 'oina Yailo 'ina hadega 'ina topaihowa 'aigeda wasa 'i'eweyama Yailo 'oina, 'igwaeya, “Taubada, natuu yawasina 'igumwala pwaiya, ma sahena tohe'itaina 'ina tuta wete 'uuleule.”

Heꞌitaꞌita 5:8

Pepaina 'i'eweya ta hebahebaiyedi ma wete babadaowedi lamiina 'oina sibe'u talutalubu'iya, 'oina si'e'etuluha, ta 'aigeda 'aigeda ma'idi 'ebe gihedohedou sihunuhunu, ma wete ma'idi gaeba goula bwebwe'adi, ma ginaula 'aigeda 'alodiya 'igabugabu mahaina 'ausalana, ta 'ana nuwasabwalena beno Yehoba 'ina tomotaiyao 'idi 'ahwanoi 'ihanehane 'oina.

Paihowa 18:17

Ma bodaedi Sositeni si'abiyahiya, tauna meYudiya 'idi hada tapwalolo 'ana to'itayahina, ma sihunu dadaneya Galiyo 'ina 'ebe yatala matana, ma Galiyoina geya wete weyahidi 'ida nuwatuhuwa.

Paihowa 9:38

Ta 'asaina Yopa, Lida 'oinega geya bwaga, ma tohekalesiyao sihesagoheya 'abehega Pita 'asa Lida 'oina 'imiyamiya, 'oinega tomota 'eluwa sihewasaediya Lida 'oina Pita sabi toeina, ma Lida 'oina silatuwa, ma Pita si'ahwanoiyeya, sigwae, “Bada, 'unaoma talomwayamwayau 'ima 'asa.”

Luke 17:16

ma Yesu 'ahena 'ibe'u talutalubu'iya ma 'oina 'iloyauwedowa.

Luke 5:8

Nage 'oina Saimoni Pita silahana 'ana baibaiwa 'i'itediya, ta Yesu 'ahena 'i'etuluha, ma Pita 'igwaeya, “Bada, 'u'ebesinegau, weyahina taugu togala.”

Yoni 11:21

Malidaina Yesu 'ilobeya ma 'ihegwaeya 'igwae, “Cinapwana, 'owa 'eguma 'ebwa 'uda miyamiyana, nuhugu geya'abwa yawasina 'ida gumwagumwala.

Luke 8:42

ma natugu 'ilohala madouna 'u'abihe bwebwe'ane. Tauna tuwa natugu 'aigeda tuwa, 'ana bolime tuwelo, hadai 'i'eno'eno, tuta 'i'iuna ma 'i'amasa.” Coinega ba'idana sitauya. Ma Yailo mahetena 'edai sitautau ta boda madouna simuliyediya, siheheduidui.