Luke 7:13 - Loina Nuahuana

¹³ Ta Yesu hiwapeina 'i'iteya, ma 'i'ate muyamuyaeya, ma 'ihegwaeya, “Sahena 'udoudou.”

Luke 7:13 Referans Kwoze

Ibeliu 4:15

Tupwadi topwaoliyao geya sida 'atemuyamuyaegita 'ida we'a weyahidi, ta hesi Yesu 'ida miyamwau 'inuwa sabwalenidiya ta 'i'atemuyemuyegita, weyahina mwalo bale'uwa Tomudulele 'ina 'ebetoho mabwaiyana 'ilobediya gide tauda talobaloba 'esedi, ta Yesu geya 'eta wete 'ina pui.

Luke 8:52

Ma boda hadai 'abwa tuwa sidoudou ta wete siwuiwui gwamaina weyahina. Coinega Yesu 'i'ausidiya 'igwae, “Tuwa! Dou walolagu! Weyahina gwama geya 'i'amasa, ma hesi tuwa 'i'enosineya.”

Ibeliu 2:17

Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.

Yoni 20:15

Ta Yesu Meli 'ihesilaleya 'igwae, “Taiya weyahina 'ubesabesa ma 'udoudou?” Ma Meliina 'ina nuwatuhu 'abehega tanoha 'ana topaihowa 'aigeda, 'oinega 'ihegwaeya 'igwae, “Cinapwana, 'eguma 'owa moisa 'u'eweya, bewa tuwa 'uhepwaile ta'eha 'ulaguya, ma ya'ewa hila.”

Maki 8:2

“Tomota bewa ya'ate muyamuyaediya, weyahina sabwelo 'etoi 'ebwa ba'idadao tamiyamiya, ma geya 'adimo.

Yoni 11:2

Meliina tauna 'abwa nata Yesu 'ahena 'iheholoi ma wete debanega Yesuina 'ahena 'ilogogosi.

Luke 24:34

ma bodaedi Yesu weyahina sigwaegwae, sigwaeya, “Saimoni 'ida Badaina 'i'ita pwaiya, 'amasega 'itoholo hila.”

Luke 17:5

Eeta Yesu 'ana tohepwailaowedi sigwaeya, sigwae, “Cima hemisa 'u'abihewaiwai.”

1 Kolinita 7:30

Ta 'omi todou wamumuga gidemusa taudi geya sida douwa, ta wete 'omi toyaliyaya wamumuga gidemusa tonuwagala. Wete 'omi tohegimwane wamumuga gidemusa wewelohedi,

Yoni 20:13

Siteluwaedi Meli sihegwaeya sigwae, “To'aha weyahina 'udoudou?”. Ma Meli 'igwaeya, “Cigu Cinapwana galiha bewa 'oinega si'eweya ma ta'eha nana silaguya, ma weyahina yadoudou.”

Luke 13:15

Ma Yesu 'ihesagoha pwaiya, ta mabwaiyadi 'oidiya 'igwaeya, “Cabo'aboimiu, weyahina 'omi mumugami Sabati 'aigeda 'aigeda 'oidiya 'imi hebaiyao mabwaiyadi 'adi 'ali 'oidiyega walihasidi, ma silatulatu 'atamana we'aha sabi numa.

Luke 10:1

Tuta nage mulina, tupwadi wete 'ana tomuliyao 'ihesinuwediya, sebeniti 'adi baibaiwa, ma 'eluwa 'eluwa 'ihesumane nugetediya gogo baibaiwadi 'oidiya, ma 'ane toni'asa si'atububudi Yesu 'ina tauyama 'oidiya weyahina.

Luke 7:19

Coinega 'ana tomuliyao 'eluwa 'ibwauwediya ma 'ihegwaediya, 'igwae, “Watauya ma badaina wahesilale, nuwana tauna To'abihetenaina weyahina mwalo yagwaegwaeya, bo hali loheya wete tayamwa?”

1 Tesalonaika 4:13

Ciyamayao sahena wahehenainaida to'amasao weyahidi, ma 'oinega 'eguma 'eta tasidai 'i'amasa, sahena wanuwanuwagala, gide taudi geya 'idi hemisamo toholohila weyahina.

Luke 22:61

Coinega Yesu 'i'ita hila ta Pita 'i'iteya, ta nage 'oina Pita 'inuwatuhu yahiya Badaina 'ina gwae tutaina 'igwaeya, “Nata muliyetega ma 'am'am 'idoudou ma nugeta 'owa 'uuhalegau matoi.”

Luke 7:12

Cinaoma 'asaina deina, ta to'amasa ma 'ana to'ahalao 'ilobediya silatulatuma 'asaina 'oinega. To'amasaina hiwape natuna, 'aigeda tuwa. Coinega hiwapeina boda madouna mahetenao sitautauya sabi lagutaona.

Luke 7:14

Coinega 'inaowa ma to'amasina 'ana wadu 'i'abitohoya, ma to'ahalaedi sitoholo henonowa. Ma Yesu 'igwaeya, “Hewali, yahegwaego 'utoholo.”

Luke 11:1

Caigeda tuta Yesu 'iboinamo tupwa 'aigeda 'oina 'i'ahwa'ahwanoi. Cina 'ahwanoi mulina 'ana tomuliya 'aigeda 'ihegwaeya, 'igwae, “Bada, 'ahwanoi 'uhe'itemai, gidemusa Yoni 'ana tomuliyao 'ahwanoi 'ihe'ita 'esediya.”

Luke 11:39

Ma Yesu Palisiina 'ina nuwatuhuina 'isanapu pwaiya, 'oinega 'oina 'igwaeya, “Comi Palisiyao gide tuwa biyo ma gaeba, weyahina gwahumiumo wabuyobuyodi, ma 'alomiya 'imaha moisa yagaha ma mumuga galadi 'oidiyega.

Luke 12:42

Ta Yesu 'igwaeya, “Topaihowa bwebwe'adi ma sanasanapuidi mumugadi bewa gide, 'eguma taiya tauna 'ina bada 'ihesinuwe ma hada 'i'itayahi, ma 'iyanao 'adi 'i'ebwaedi sabwelo 'aigeda 'aigeda 'oidiya,

Luke 17:6

Ma badaina 'igwaeya, “Ceguma 'imi hemisa 'ana waiwai gide seyala patuna, sowasowahina ma 'aiwe bewa madouna 'oina wagwae, ‘Cudabugo ma ni'uwa 'uboi 'u'umago,’ nata 'imi gwaeina 'ihematamatane.”

Luke 18:6

Coinega Yesu wete 'ihegwaediya, 'igwae, “Toloinaina 'ina gwae weyahina wanuwatuhu. Tauna loheya galana ma hesi hiwape 'ilemeya.

Luke 19:8

Ma Sakiusaina 'itoholowa ta Yesu 'ihegwaeya, 'igwae, “Bada, bewa 'oinega 'igu tobwatobwa mabwaiyana ya'upwaluwa ma 'aigeda tupwa towewelohe ya'ebwaedi. Ta wete 'eguma taiya 'oinega mwalo ya'ewa puiya, yada hemaise ma'ana lohepoi 'ehata wete ya'ebwae.”

Luke 24:3

Coinega galihina 'alona siluhuwa, ma Yesu wahina geya si'itatoho.

Yoni 4:1

Yesu 'ina 'abi hebabitaiso 'oinega 'ana tomuliyao baibaiwadi 'ilobediya. Ma hesi Yoni 'ana tomuliyao geya baibaiwadi.

Yoni 6:23

Ma 'iyamo waga tupwadi Taibiliya 'oinega sitauyama gadowaina 'oina boi Yesu boda beledi 'oinega 'ihe'aidiya, tutaina belediyedi 'i'ahwa bwebwe'anediya Yehoba 'oina.

Yoni 11:3

Coinega tutaina nuhudiuina Lasalo 'ilohala taudi tuwa nuhunaowedi wasa sitauyeya Yesu 'oina sigwae, “Cinapwana, 'iyauina Lasalo 'ilohala.”