Luke 6:7 - Loina Nuahuana

⁷ Ma wete tupwadi loina 'ana tohe'itao ta Palisiyao simiyamiya, ma Yesu silomata yahiya, ma 'eguma loheyaina 'i'abihe bwebwe'ane Sabati 'oina, 'abwa 'aneyage 'oinega sihe'ewa toloinao matadiya.

Luke 6:7 Referans Kwoze

Luke 20:20

Eeta tuta baibaiwana Yesu silolomatayahi ma 'abehega to'aha 'ina pui siloba, eema 'oinega sihepwaile toloina 'oina ma 'iheyatalae, 'oinega tomota tupwadi sihesumanediya Yesu 'oina ta hesilalega si'abowe ma 'abehega 'ina pui siloba.

Luke 13:14

Nage 'oina hada tapwaloloina 'ana to'itayahina Yesu 'ina paihowa 'i'iteya, ta 'igamwasowala weyahina Sabatiya lohala 'i'abihe bwebwe'aneya, 'oinega loheyaina boda 'oidiya 'ihepwaila, 'igwaeya, “Cada loina tasanasanapu 'abehega sabwelo sikisi 'oidiya 'ida paihowao tapaihowadi. Bewa geya 'ana 'ita bwebwe'ana ma Sabatiya tolohalao si'ewedima ma 'adi lohalao ta'abihe bwebwe'anedi.”

Maki 3:2

Ma Palisiyao Yesu si'e'ebubu, ma 'eguma loheya 'i'abihe bwebwe'ane Sabatiya nata sihe'ewa.

Yoni 9:16

Coinega Palisiyedi tupwadi sigwae, “Matauina 'ana topaihowaina, tauna geya Yehoba 'oinega 'itauyama. Weyahina Sabati 'ana loina geya 'ida muliyediya.” Ma tupwadi wete sigwae, “Togidega, togala 'eta sowasowahina ma 'ila'ilala bewa gidemusa 'ipaihowa 'ese? Bo geya 'eta taiya sowasowahina, 'awa?” Bewa 'oinega wataha 'oidiya 'ilatuwa. Weyahina boda tupwadi 'idi gwae hagadi ma hali boda wete 'idi gwae hagadi.

Madiu 5:39

Ma taugu yahegwaegomi 'abehega sahena wahenimahila, ma hesi 'eguma taiya 'ase'aseu 'ebeulanega 'isapi, sahena 'uhehenima hile, ma hesi 'ase'ase 'adigeyageyau wete 'utagwale ma 'isapi.