Luke 6:44 - Loina Nuahuana

⁴⁴ Coinega 'aiwe 'aigeda 'aigeda huwaidi 'oidiyega tasanasanapudi 'abehega 'aiweyedi bwebwe'adi bo galadi. Geya sowasowahina ma talitali 'oidiyega damaya huwaina taloba. Wete gide geya sowasowahina ma buyubuyuwa 'oinega piyoi huwaina taloba.

Luke 6:44 Referans Kwoze

Yemesa 3:12

weyahina hola 'oinega geya sawasawahina ma we'aha 'ausalana taloba. Tasigwao, gidemusa tuwa 'aiweina damaya 'oina geya sawasawahina ma mwawa'i* huwaina 'ilagu. Gidemusa wete geya sawasawahina ma piyoi 'oina damaya huwaina 'ilagu. Cebe 'itaedi bewa gidemusa tuwa 'ahwa 'ina paihowao.

Madiu 12:33

Yesu wete 'ihegwaediya, “Caiwe 'eguma 'ausalana, huwaina wete 'ausalana. Ma 'eguma 'aiwe galana, huwaina wete galana. Weyahina 'aiwe 'aigeda 'aigeda huwaidi 'oidiyega tasanasanapudi 'abehega 'aiwedi 'ausaladi bo galadi.

Yude 1:12

Ceguma tapwalolo 'oina helau 'e'ahaina wapaipaihowa ma 'eguma togalaidi siluguwa, 'e'ahaiina si'abihegala, weyahina si'ai hedahedada ma geya sida deba mwadina. Nuwanuwadi taudimo siyaliyaya, 'adi 'ita gide yaloha dubana yaumai 'ipeineya ma geya dohi. Wete 'adi 'ita gide 'aiwe, 'ina sauga huwa ma geya huwainamo, 'oinega sigoha yahule ma 'i'amasa moisa.

Madiu 7:16

Ma 'idi paihowao 'oidiyega 'abwa wasanapudi, weyahina talitali geya sawasawahina huwaina 'ihepiyoi. Buyubuyuwa wete gide geya sawasawahina ma huwaina 'ihedamaya.

Madiu 7:20

Gide wete tohepwaila 'abo'abodi 'idi paihowega sawasawahina ta'inanadi.